Numbers 17

Lugbara (E’yo Siza Alatararu Munguniri BIBLIA)

← Chapter 16 Jump to: Chapter 18 →

1Yehova nga ’yo Musa tia, kini,

2Mi ’yo e’yo anzi Israelini ma tia, mi ma a’i kali yi dri yi ma a’bipi ma suruti vusi alu alu, mi ma a’i kali mudri drini iri ’ba opiru yi ma drilia ’diyi dri, yi ma a’bipi ma suruti vusi. Mi ma si ’ba alu alu ma ru kali erini ma ruaa ci.

3Mi ma si Aroni ma ru kali Leviniri ma ruaa; a’disiku ’ba yi ma a’bipi ma suruti drilia ’diyi alu alu ma ovu kali yini be.

4Mima mba yi ta hema ti ecizaniri ma alia e’yo eti nzeza ma drilia, pari mani adrizu dri fuzu emi beria.

5Te eri nga i ’ye ’dini, ’ba mani peleniri ma kalini nga egbi ra; te ma mani nga fe ’ba Israelini ma ku onoza yini onole mi driari ja.

6Musa nga di e’yo ’yo anzi Israelini ma tia ani; te ’ba opiru yi ma drilia, ’diyi dria nga kali fe eri dri, kali alu opi alu alu vusi, yi ma a’bipi ma suruti vusi, kali nde dria mudri drini iri; kali yini ’diyi ma eselia kali alu Aroniniri’i.

7Musa nga kali ’diyi o’ba tani mbazu Yehova ma drilia hema e’yo eti nzezaniri ma alia.

8Te eri nga eca dru ’dini Musa nga fi hema e’yo eti nzezaniria; te mi ndre, kali Aronini suru Levini driri egbi ’bo, eri egbi ra, ’ba vini fu ra, eri ’ya pati efi alimondiru kapi ’bo ’diyi indio

9Musa nga kali dria ofu Yehova ma driliasi anzi Israelini ’diyi vu dria; yi ndre ra, ’ba dria alu alu nga kali ini ’du ra,

10Te ’Yehova ’yo Musa ma tia, Mi omvi kali Aronini eri ’bazu e’yo eti nzeza ma drilia dika, tani mbazu ecetaru anzi mbupi Yehova ma ruaasi amve ’diyi dri, mi ma fe ani yi ma ku onoza onozu ma driari ja, yi kazu odrazu ku.

11Musa nga di ’ye ’dini, eri ’ye ekile Yehovani azile eri dririle ra.

12Anzi Israelini nga ’yo Musa tia kini, Mi ndre, ama odra odra, ama dri ja ja, ama dri ja dria ra.

13’Ba alu alu esipi ogogo, capi bere Yehovani vu ogogo ’diyi adri odra dria ra. Ama dria nga dri ja ra ya?

← Chapter 16 Jump to: Chapter 18 →