Joshua 19

Lao Bible 2012 (ພຣະຄຳພີສັກສິ)

← Chapter 18 Jump to: Chapter 20 →

1ການໃຊ້ສະຫລາກຄັ້ງທີສອງໄດ້ຕົກຖືກຄອບຄົວຕ່າງໆໃນເຜົ່າຊີເມໂອນ. ເຂດແດນນີ້ຍາວໄປຈົນເຖິງດິນແດນທີ່ໄດ້ຖືກມອບໝາຍໃຫ້ເຜົ່າຢູດາ.

2ດິນແດນນັ້ນມີດັ່ງນີ້: ເບເອນເຊບາ, ເຊບາ, ໂມລາດາ,

3ຮາຊາຊູອານ, ບາລາ, ເອເຊມ,

4ເອນໂຕລັດ, ເບັດອູນ, ໂຮມາ,

5ຊິກລັກ, ເບັດມັກກາໂບດ, ຮາຊາສູສາ,

6ເບັດເລບາໂອດ ແລະຊາຣູເຮນ. ລວມທັງໝົດມີ 13 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ.

7ນອກນີ້ຍັງມີເມືອງອາອິນ, ຣິມໂມນ, ເອເທ ແລະອາຊານ. ຮວມທັງໝົດມີ 4 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ.

8ເຂດແດນນີ້ຮວມເອົາທັງເມືອງເລັກເມືອງນ້ອຍທີ່ຢູ່ອ້ອມແອ້ມເມືອງເຫຼົ່ານີ້ ໄປຈົນເຖິງບາອາລາດເບເອ (ຫລືຣາມາໃນເນເກັບ) ທາງທິດໃຕ້. ເຂດແດນນີ້ເປັນສ່ວນທີ່ຄອບຄົວຕ່າງໆໃນເຜົ່າຊີເມໂອນໄດ້ຮັບເປັນກຳມະສິດຂອງພວກເຂົາ.

9ດ້ວຍວ່າ, ສ່ວນທີ່ໄດ້ມອບໃຫ້ເຜົ່າຢູດານັ້ນໃຫຍ່ເກີນຄວາມຕ້ອງການ. ດັ່ງນັ້ນ ສ່ວນໜຶ່ງໃນເຂດແດນນີ້ຈຶ່ງຖືກມອບໝາຍໃຫ້ແກ່ເຜົ່າຊີເມໂອນ.

10ການໃຊ້ສະຫລາກຄັ້ງທີສາມໄດ້ຕົກຖືກຄອບຄົວຕ່າງໆໃນເຜົ່າເຊບູໂລນ. ດິນແດນທີ່ພວກເຂົາໄດ້ຮັບນີ້ໄກອອກໄປຈົນເຖິງສາຣິດ.

11ແຕ່ບ່ອນນັ້ນ ຊາຍແດນໄດ້ເລີຍໄປຈົນເຖິງທາງທິດຕາເວັນຕົກຮອດມາຣາລາ ຕິດກັບດັບເບເຊັດ ແລະທາງຫ້ວຍນໍ້າທີ່ທາງທິດຕາເວັນອອກຂອງໂຢກເນອາມ.

12ສ່ວນທາງເບື້ອງອື່ນຂອງສາຣິດນັ້ນໄດ້ເລີຍໄປທາງທິດຕາເວັນອອກ ເຖິງຊາຍແດນຂອງກີສະໂລດຕາໂບເຣ ແລ້ວໄປທາງດາເບຣັດຈົນຂຶ້ນໄປຮອດຢາເຟຍ.

13ຊາຍແດນນີ້ຍັງເລີຍໄປທາງທິດຕາເວັນອອກ ຄືຈາກບ່ອນນີ້ຈົນເຖິງກາດເຮເຟແລະເອັດກາຊິນ ໂດຍລ້ຽວໄປທາງເນອາຕາມທາງໄປສູ່ຣິມໂມນ.

14ສ່ວນທາງເຂດເໜືອນັ້ນ ຊາຍແດນໄດ້ລ້ຽວໄປທາງຮັນນາໂທນ ແລະໄປສຸດລົງທີ່ຮ່ອມພູອິບຕາເຮນ.

15ຊາຍແດນນີ້ໄດ້ລວມເອົາທັງກັດຕາດ, ນາຮາລານ, ຊີມໂຣນ, ອີດາລາ ແລະເບັດເລເຮັມ. ລວມທັງໝົດມີ 12 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ.

16ເມືອງເຫຼົ່ານີ້ພ້ອມເມືອງເລັກເມືອງນ້ອຍທີ່ຢູ່ໃນດິນແດນນັ້ນ ຕົກເປັນຂອງຄອບຄົວຕ່າງໆໃນເຜົ່າເຊບູໂລນ. ພວກເຂົາໄດ້ຮັບເມືອງເຫຼົ່ານັ້ນມາເປັນກຳມະສິດຂອງພວກຕົນ.

17ການໃຊ້ສະຫລາກຄັ້ງທີສີ່ໄດ້ຕົກຖືກຄອບຄົວຕ່າງໆໃນເຜົ່າອິດຊາຄາ.

18ເຂດແດນຂອງພວກເຂົາມີດັ່ງນີ້: ຢິດຊະເຣນ, ເກສຸນໂລດ, ຊູເນມ,

19ຮາຟາຣາອິມ, ຊິໂອນ, ອານາຮາຣັດ,

20ຣັບບິດ, ກີຊີໂອນ, ເອເບເຊ,

21ເຣເມັດ, ເອັນກັນນີມ, ເອນຮັດດາ ແລະເບັດປາເຊດ.

22ຊາຍແດນນີ້ຕິດກັບຕາໂບ, ຊາຮາຊູມາ ແລະເບັດເຊເມດ ແລະໄປສຸດທີ່ແມ່ນໍ້າຈໍແດນ. ລວມທັງໝົດຊາຍແດນນີ້ໄດ້ຮວມເອົາ 16 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ.

23ເມືອງເຫຼົ່ານີ້ພ້ອມທັງເມືອງເລັກເມືອງນ້ອຍທີ່ຢູ່ໃນດິນແດນນັ້ນ ຕົກເປັນຂອງຄອບຄົວຕ່າງໆໃນເຜົ່າອິດຊາຄາ. ພວກເຂົາໄດ້ຮັບເມືອງເຫຼົ່ານັ້ນມາເປັນກຳມະສິດຂອງພວກຕົນ.

24ການໃຊ້ສະຫລາກຄັ້ງທີຫ້າໄດ້ຕົກຖືກຄອບຄົວຕ່າງໆໃນເຜົ່າອາເຊ.

25ເຂດແດນຂອງພວກເຂົາມີດັ່ງນີ້: ເຮນກາດ, ຮາລີ, ເບເຕນ, ອັກຊັບ,

26ອັນລຳເມເລັກ, ອາມາດ ແລະມີຊັນ. ທາງທິດຕາເວັນຕົກໄປຈຸກັບພູກາເມນແລະຊີໂຮເຣລິບນາດ.

27ເມື່ອລ້ຽວໄປທາງທິດຕາເວັນອອກ ຊາຍແດນນີ້ໄດ້ໄປຈົນເຖິງເບັດດາໂກນ ໂດຍຈຸກັບເຊບູໂລນແລະຮ່ອມພູອິບຕາເຮນ ໄປທາງເໜືອຈົນເຖິງເບັດເອເມກແລະເນອີເອນ. ຊາຍແດນນີ້ຍັງໄປເໜືອເລື້ອຍໆຈົນເຖິງກາບູນ,

28ເອັບໂຣນ, ເຣໂຮບ, ຮາມໂມນ ແລະການາ, ຈົນໄປຮອດຊີໂດນ.

29ແລ້ວຊາຍແດນນີ້ກໍໄດ້ລ້ຽວໄປທາງຣາມາ ໂດຍໄປຈຸກັບຕີເຣເມືອງທີ່ມີປ້ອມປ້ອງກັນ; ແລ້ວລ້ຽວໄປທາງໂຮສາແລະໄປສຸດທີ່ທະເລເມດີແຕຣາເນ. ດິນແດນນີ້ຍັງໄດ້ຮວມເອົາທັງມາຮາລາບ, ອັກຊິບ,

30ອູມມາ, ອາເຟັກ ແລະເຣໂຮບ. ລວມທັງໝົດມີ 22 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ.

31ເມືອງເຫຼົ່ານີ້ພ້ອມທັງເມືອງເລັກເມືອງນ້ອຍທີ່ຢູ່ໃນດິນແດນນັ້ນ ຕົກເປັນຂອງຄອບຄົວຕ່າງໆໃນເຜົ່າອາເຊ. ພວກເຂົາໄດ້ຮັບເມືອງເຫຼົ່ານັ້ນມາເປັນກຳມະສິດຂອງພວກເຂົາ.

32ການໃຊ້ສະຫລາກຄັ້ງທີຫົກໄດ້ຕົກຖືກຄອບຄົວຕ່າງໆໃນເຜົ່າເນັບທາລີ.

33ຊາຍແດນຂອງພວກເຂົາໄດ້ເລີ່ມແຕ່ເຮເລັບໄປສູ່ຕົ້ນໂອກ ທີ່ຊາອານັນນິມ, ໄປສູ່ອາດາມີເນເກັບ ແລະຢັບເນເອນ, ເລີຍໄປຈົນເຖິງລັກກູມ ແລະໄປສຸດທີ່ແມ່ນໍ້າຈໍແດນ.

34ຈາກບ່ອນນີ້ຊາຍແດນໄດ້ລ້ຽວໄປທາງທິດຕາເວັນຕົກທາງອາຊະໂນດຕາໂບ ຈາກນັ້ນໄປສູ່ຮຸກໂກກໂດຍທາງໃຕ້ໄປຈຸກັບເຊບູໂລນ, ທາງທິດຕາເວັນຕົກຕິດກັບອາເຊ ແລະທາງທິດຕາເວັນອອກຕິດກັບແມ່ນໍ້າຈໍແດນ.

35ສ່ວນເມືອງທີ່ມີກຳແພງນັ້ນມີດັ່ງນີ້: ຊິດດີມ, ເຊເຣ, ຮາມມັດ, ຣັກກັດ, ກິນເນເຣດ,

36ອາດາມາ, ຣາມາ, ຮາໂຊ,

37ເກເດັດ, ເອັດເຣອີ, ເອນຮາໂຊ,

38ຢີໂຣນ, ມິກດາເລນ, ໂຮເຣັມ, ເບັດອານາດ ແລະເບັດເຊເມດ. ຮວມທັງໝົດມີ 19 ຕົວເມືອງ ຕະຫລອດທັງເມືອງເລັກເມືອງນ້ອຍທີ່ຢູ່ອ້ອມແອ້ມນັ້ນ.

39ເມືອງເຫຼົ່ານີ້ພ້ອມທັງເມືອງເລັກເມືອງນ້ອຍທີ່ຢູ່ໃນດິນແດນນັ້ນ ຕົກເປັນຂອງຄອບຄົວຕ່າງໆໃນເຜົ່າເນັບທາລີ. ພວກເຂົາໄດ້ຮັບເມືອງເຫຼົ່ານັ້ນ ມາເປັນກຳມະສິດຂອງພວກເຂົາ.

40ການໃຊ້ສະຫລາກຄັ້ງທີເຈັດໄດ້ຕົກຖືກຄອບຄົວຕ່າງໆໃນເຜົ່າດານ.

41ເຂດແດນຂອງພວກເຂົາມີດັ່ງນີ້: ໂຊຣາ, ເອຊະຕາໂອນ, ອີຣະເຊເມດ,

42ຊາອານບິມ, ໄອຢາໂລນ, ອິດລາ,

43ເອໂລນ, ຕີມນາ, ເອັກໂຣນ,

44ເອນເຕເກ, ກິບເບໂທນ, ບາອາລາດ,

45ເຢຮຸດ, ເບເນເບຣັກ, ກາດຣິມໂມນ,

46ເມຢາຣະໂກນ ແລະ ຣັກໂກນ, ຮວມທັງເຂດແດນທີ່ຢູ່ອ້ອມແອ້ມຢົບປາ.

47ເມື່ອຊາວດານສູນເສຍດິນແດນຂອງພວກເຂົານັ້ນ ພວກເຂົາໄດ້ໄປໂຈມຕີແລະຢຶດຄອງເມືອງເລເຊມໂດຍຂ້າຄົນໃນເມືອງນັ້ນຖິ້ມ ແລະປະກາດເປັນເມືອງຂອງຕົນ. ພວກເຂົາໄດ້ຕັ້ງຖິ່ນຖານຢູ່ທີ່ນັ້ນ ແລະປ່ຽນຊື່ຂອງເມືອງເລເຊມມາເປັນເມືອງດານ.

48ເມືອງເຫຼົ່ານີ້ພ້ອມທັງເມືອງເລັກເມືອງນ້ອຍທີ່ຢູ່ໃນດິນແດນນັ້ນ ຕົກເປັນຂອງຄອບຄົວຕ່າງໆໃນເຜົ່າດານ. ພວກເຂົາໄດ້ຮັບເມືອງເຫຼົ່ານັ້ນມາເປັນກຳມະສິດຂອງພວກຕົນ.

49ເມື່ອປະຊາຊົນອິດສະຣາເອນໄດ້ແບ່ງປັນດິນແດນຮຽບຮ້ອຍແລ້ວ ພວກເຂົາໄດ້ຍົກເອົາສ່ວນຂອງດິນແດນຕອນໜຶ່ງ ມອບໃຫ້ໂຢຊວຍລູກຊາຍຂອງນູນເພື່ອໃຫ້ເພິ່ນເປັນກຳມະສິດ.

50ຕາມທີ່ພຣະເຈົ້າຢາເວໄດ້ສັ່ງໄວ້ ພວກເຂົາໄດ້ມອບເມືອງຕີມນາດເສຣາ ໃນເຂດເນີນພູເອຟຣາອິມໃຫ້ຕາມທີ່ເພິ່ນຂໍຮ້ອງ. ດັ່ງນັ້ນ ເພິ່ນຈຶ່ງໄດ້ສ້າງເມືອງຂຶ້ນໃໝ່ແລະຕັ້ງຖິ່ນຖານຢູ່ທີ່ນັ້ນ.

51ປະໂຣຫິດເອເລອາຊາ, ໂຢຊວຍ ລູກຊາຍຂອງນູນ ແລະພວກຫົວໜ້າຄອບຄົວຕ່າງໆໃນບັນດາເຜົ່າແຫ່ງຊາດອິດສະຣາເອນ ໄດ້ຮັບມອບໝາຍດິນແດນເຫຼົ່ານີ້ໂດຍການໃຊ້ສະຫລາກ ຕໍ່ໜ້າພຣະເຈົ້າຢາເວທີ່ເມືອງຊີໂລ ທີ່ທາງເຂົ້າຫໍເຕັນບ່ອນຊຸມນຸມ. ດ້ວຍການກະທຳດັ່ງທີ່ໄດ້ກ່າວມານີ້ ພວກເຂົາຈຶ່ງໄດ້ແບ່ງປັນດິນແດນເປັນທີ່ສຳເລັດ.

← Chapter 18 Jump to: Chapter 20 →