bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 13
Acts 13
Mossi MPBU (WẼNNAAM SEBRE 2014)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 14 →
1
Wẽnnaam no-rɛɛsdb la karen-saam-dãmb n dag n be a Zeezi tẽedbã sẽn be Ãntiyoosã sʋka. Yaa a Barnabaas ne a Sɩmyõ b sẽn boond t'a Nizɛɛr ne a Lisiyuus sẽn yit Sirɛn la a Manayɛn sẽn wub rĩm a Erood ba wã zakẽ, ne a Solle.
2
Bãmb sẽn dag n maand Zu-soabã tʋʋmd la b loet noore, Sɩɩg-sõng yeel-b lame tɩ b yãk a Barnabaas ne a Soll n welg-b toore, tɩ b maan tʋʋmd ning b sẽn bool-b tɩ b maanã.
3
Dẽ, bãmb loee noor n pʋʋs la b yaool n tik a Barnabaas ne Soll ne b nus n pʋʋs b yĩng n bas-b tɩ b kẽnge.
4
La Sɩɩg-sõng sẽn tʋm a Barnabaas ne a Solle, b kẽnga Seleesi, la b kẽe koom-koglg be n kẽng Sɩpre.
5
Bãmb sẽn ta tẽng sẽn boond tɩ Salamin, b sɩng n moona Wẽnnaam koɛɛgã Zʋɩf-rãmbã karen-dot pʋse. A Zã-Mark ra bee ne bãmb n sõngd-ba.
6
Bãmb pɩʋʋga tẽng ning koomã sẽn gũbgã fãa hal n ta tẽng sẽn boond tɩ Pafoose, la b yãnda bag a yembr be sẽn yaa zãmb-no-rɛɛsa, yẽnda yaa Zʋɩf t'a yʋʋr boond t'a Baar-Zeezi sẽn dat n togs t'a Zeezi biiga.
7
Yẽnda ra bee ne tẽn-kãng Gʋvɛrneer a Sergiyuus Poluus sẽn dag n yaa ned sẽn tar yam wʋsgã. Gʋvɛrneerã kɩtame tɩ b bool a Barnabaas ne a Solle, bala a rag n dat n wʋma Wẽnnaam goamã.
8
La a Elimaas sẽn yaa bagã yʋʋr ne Gɛrk goamã kɩɩsa a Barnabaas ne a Soll n baood n sãam Gʋvɛrneerã tẽebo.
9
Dẽ, a Soll b sẽn boond me t'a Poll pida ne Sɩɩg-sõng n ges bagã,
10
n yeel-a yaa: «Sɩlem-wẽng soaba, fo pida ne wẽnem sʋtãan biiga, f yaa tɩrlem fãa bɛyã. F ka na n bas Zu-soab so-tɩrsã sãoongo?
11
Moasã, gese, Zu-soabã na n wẽe foom tɩ f lebg zoanga, n kaoos wakat bilfu, la fo kõn n leb n yãnd wĩntoogã vẽenem ye. La tao-tao bala, a Elimaas ninã sɩnga mumbu, la lebga lik bida ne yẽnda. Yẽnda wẽnemda zĩig fãa n baood ned sẽn na n gãd a nug n tɛ-a.
12
Dẽ, guvɛrneerã sẽn yã bũmb ning sẽn maanã, a tẽeme. Bala, Zu-soabã zãmsgã wɛɛngẽ wã yɛɛsa yẽnda.»
13
A Poll ne a tũud-n-taasã kẽe koom-koglg Pafoos n yi be n kẽng Pɛrz sẽn be Pamfili soolmã. A Zã-Mark basa bãmb be n lebg n leb Zeruzalɛm.
14
A Poll dãmb yii Pɛrz n kell n kẽng n ta Ãntiyoos sẽn be Pisidi soolem. La Zʋɩf-rãmbã vʋʋsg daare, a Poll dãmb kẽ karen-doogẽ wã n zĩndi.
15
La b sẽn karem tõogã ne Wẽnnaam no-rɛɛsdbã sɛbã n sɛ, karen-doogã nanambs tʋma neb tɩ b yeel a Poll dãmb yaa: Ba-biisi, yãmb sã n tara koɛɛg n na n gom ne nebã n paas-b raoodo, yãmb tõe n gomame moasã.
16
A Poll yikame n zãas a nug n yeel yaa: «Yãmb Israyɛll nebã, la yãmb dãmb sẽn zoet Wẽnnaamã, kelg-y yã!
17
Wẽnnaam ning sẽn yaa Israyɛll nin-kãensã Wẽnnaam tũusa tõnd yaab-rãmbã n kɩt tɩ bu-kãng bɩ a sẽn wa n be sãand weoog Ezɩpt tẽngã wakate. La Wẽnnaam yiisa bãmb be ne pãn-kãsenga.
18
La b sõnga bãmb sẽn kolg yʋʋm pis-naas weoogã pʋga.
19
La Wẽnnaam sãama buud a yopoe Kana n dɩk b soolmã n kõ b nebã tɩ b sooge.
20
La bõn-kãens fãa kolga yʋʋm kobs-naas la pis-nu. Dẽ poorẽ, Wẽnnaam kõo tõnd yaab-rãmbã bʋ-kaoodba hal tɩ ta Wẽnnaam no-rɛɛs a Sãmwɛll zamaanẽ.
21
Rẽ zugẽ, bãmb kosa rĩmã, la Wẽnnaam kõ‑b‑la a Sayull sẽn yaa rao a Kiis biig n yaa Benzame buudã. Yẽnda rɩɩ naamã yʋʋm pis-naase.
22
Wẽnnaam sẽn yiis a Sayull naamẽ wã, b yãka a Davɩɩd t'a yɩ Israyɛll dãmbã rĩmã. La Wẽnnaam kɩsa a Davɩɩd kaset n yeel a woto: ‹Mam yãndame t'a Izayi biig a Davɩɩd yaa rao sẽn ta mam yam. Yẽnda n na n pids mam datmã fãa zãnga.›
23
Yaa a Davɩɩd yagensã sʋk la Wẽnnaam kɩt t'a Zeezi rog n yɩ fãagd Israyɛll nebã yĩnga, wa sẽn zems bãmb sẽn dag n kãabã.
24
Sẽn deng a Zeezi waoongo, a Zã dag n mooname n yeel Israyɛll nebã fãa tɩ b tek yam n sak lisgu.
25
La a Zã tʋʋmd sẽn wa n kolgd sɛɛbo, a rag n yetame yaa: ‹Yãmb tagsdame tɩ mam yaa ãnda? Mam ka ned ningã yãmb sẽn gũud a soabã ye. La kelg-y-yã: Bãmb na n pʋgla maam n wa, la mam sõmblem pʋs n ka sek tɩ m lok b neooda sẽbds ye.›
26
M ba-biisi, yãmb sẽn yaa a Abrahaam yagensã la neb nins sẽn be yãmb sʋk n zoet Wẽnnaamã, yaa yãmb yĩng la b tʋm fãagrã koe-no-kãngã.
27
Bala, Zeruzalɛm nebã ne b nanambsã ka bãng a Zeezi sẽn yaa ned ning ye. La b ka wʋm Wẽnnaam no-rɛɛsdbã goamã b sẽn karemd vʋʋsg daar fãa wã võor ye. La b kaoo a Zeezi bʋʋd n pids Wẽnnaam no-rɛɛsdbã gom-kãense.
28
Baa b sẽn ka yãnd bũmb ne bãmb sẽn zems kũumã, b kosa a Pilat t'a kɩt tɩ b kʋ a Zeezi.
29
La b sẽn pids bũmb nins fãa gʋls-sõamyã sẽn dag n togs bãmb wɛɛngẽ wã, b sik-b-la da-pɩkã zug n tɩ gãneg yaoogẽ.
30
La Wẽnnaam vʋʋga a Zeezi n bas kũum.
31
La neb nins sẽn dag n tũ a Zeezi n yi Galɩle n kẽng Zeruzalɛm yãnda bãmb rasem wʋsgo. La moasã b yaa a Zeezi kaset dãmb Israyɛll nebã sʋka.
32
La tõnd togsda yãmb koe-no-kãngã, n wilgd yãmb kãabg ningã Wẽnnaam sẽn da kãab tõnd yaab-rãmbã,
33
moasã, Wẽnnaam pids-a lame n kõ tõnd sẽn yaa bãmb yagensã, n vʋʋg a Zeezi n bas kũum wa sẽn gʋls yɩɩn-sõng a yiib soaba pʋgẽ wã: ‹Rũndã, mam yaa fo ba, la fo yaa mam biiga, maam n dog foom.›
34
Wẽnnaam dag n yeelame tɩ b na n vʋʋg-b lame n bas kũum tɩ b yĩngã ra põog ye. Yaa bũmb ning Wẽnnaam sẽn dag n gomã la a woto: ‹Mam na n kõo yãmb a Davɩɩd bõn-sõamyã. Bũmb nins sẽn yaa sõamã la sɩdã.›
35
Yaa woto yĩng tɩ b leb n yeel zĩig a to yaa: ‹Yãmb kõn bas y sõmblem soabã t'a põog ye.›
36
La a Davɩɩd sẽn maan sẽn tat Wẽnnaam yam bãmb wakatẽ wã, b yaool n kiime n paam b saam-dãmba, la b yĩngã põogame.
37
La Wẽnnaam sẽn vʋʋg ned ning n bas kũumã ka põog ye.
38
Dẽ, ba-biisi, bɩ y bãng tɩ yaa a Zeezi maasem yĩng la b moond yãmb yel-wẽnã sugr kũun koɛɛgã.
39
La ned ning fãa sẽn tẽed bãmba, b basda yẽnda taal ne bũmb ning fãa a Moyiis tõogã sẽn dag n ka tõe n bas taalã.
40
Woto yĩnga, bɩ y gũus tɩ Wẽnnaam no-rɛɛsdbã sẽn yeel bũmb ning b sɛbã pʋsã ra paam yãmb ye.
41
‹Nin-kɩɩsdba, ges-y-yã, la y yɛɛs n menem, bala, mam na n maana tʋʋmd yãmb belmã wakate. Yaa tʋʋmde, tɩ b sã n dag n yeel yãmba, y kõn tol n tẽ ye.› »
42
La a Poll ne a Barnabaas sẽn yi karen-doogẽ wã, nebã kosa bãmb tɩ vʋʋsg daar sẽn watã bɩ b leb n wa n moon koe-kãngã yɛsa.
43
La kaorengã sẽn sɛ, Zʋɩf-rãmb ne neb nins sẽn tẽed Zʋɩf-rãmbã kaorengã wʋsg tũu a Poll ne a Barnabaas tɩ b sõs ne-b n sagl-b tɩ kell n pa Wẽnnaam barkã pʋgẽ.
44
La vʋʋsg daar sẽn leb n ta, sẽn kolg tẽngã nebã fãa tigma taab n na n kelg Wẽnnaam goamã.
45
Zʋɩf-rãmbã sẽn yã neb kʋʋngã, sũ-kiir yõk-b lame tɩ b kɩɩs a Poll goamã la b tʋ yẽnda.
46
A Poll ne a Barnabaas yeela bãmb vẽeneg yaa: Yaa yãmb la b rag n tog n deng n togs Wẽnnaam goamã pipi. La y sẽn zãgs Wẽnnaam goamã, yãmb kao y mens bʋʋd n yet tɩ yãmb ka zems tɩ paam vɩɩm sẽn kõn sɛ wã ye. Rẽ wã tõnd na n kẽnga bu-zẽmsã nengẽ moasã.
47
Bala, Zu-soabã yeela tõnd a woto: «Mam yãka foom tɩ f yɩ vẽenem bu-zẽmsã yĩnga, n tall fãagrã n ta hal dũniyã tɛk fãa.»
48
La bu-zẽmsã sẽn wʋm woto, b sũyã yɩɩ noogo, la b pẽga Zu-soabã goamã. La neb nins fãa sẽn na n paam vɩɩm sẽn kõn sɛ wã lebga tẽedba.
49
La Zu-soabã koɛɛg ra saagda soolem‑kãng fãa.
50
La Zʋɩf-rãmbã pirsa nin‑bɛdã pagb sẽn sakd tẽebã yell neerã, la ne tẽnga nin-kãsems tɩ b nams a Poll la a Barnabaas n dig-b tɩ b yi bãmb soolmẽ.
51
Dẽ a Poll ne a Barnabaas pĩmsa b naoã tom nin-bãmb yĩnga, la b yi n kẽng Ikoniyom.
52
La karen-biisã sẽn be Ãntiyoosã ra pida ne sũ-no-kãsenga la ne Sɩɩg-sõngo.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28