bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 20
Acts 20
Mossi MPBU (WẼNNAAM SEBRE 2014)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
1
La rãmbgã sẽn sigi, a Poll tigma karen-biisã n paas-b raood n yaool n loog n kẽng Masedoan.
2
Yẽnda pɩʋʋga zĩig‑zĩig soolem‑kãng pʋg n sagl karen-biisã wʋsgo, n yaool n kẽng Gɛrs tẽnga.
3
La a Poll zĩnda Gɛrs soolem kiis a tãabo. La yẽnda rag n dat n kẽe koom-koglg n kẽng Siiri, la Zʋɩf-rãmbã sẽn soos n sed n dat yõk-a wã yĩnga, yẽnda yãka yam n na n lebg n tũ Masedoan sore.
4
Neb nins sẽn yãag a Poll n ta Aazi soolmã, yaa Beere rao a Piruus biig a Sopatɛɛre, ne a Aristark la a Sekõnduus sẽn yit Tesalonik ne a Gayuus sẽn yit Dɛrb tẽnga, la a Tɩmote ne a Tisik la a Torfim sẽn dog Aazi soolmẽ wã.
5
Nin-kãens renga taoor n tɩ gũ tõnd Torwaas soolem.
6
La bur sẽn ka rã-bɩll tigrã loogr poore, tõnd mensã kẽe koom-koglg Filip tẽnga. La sẽn kaoos rasem a nu, tõnd tɩ bʋʋga bãmb Torwaase, la d zĩnda be rasem a yopoe.
7
Dimaas daar zaabre, tõnd dag n tigmame n na n dɩ tẽegr buri. A Poll sẽn da tog n loog vẽkembeoogã, yẽnda moona koɛɛgã ne karen-biisã n gom n kaoos halɩ n ta yʋn-sʋka.
8
Yĩngr doog ning pʋg tõnd sẽn da tigmã, fɩtl-dãmb wʋsg n dag n be be.
9
La bi-bɩɩg a yembr yʋʋr sẽn boond t'a Etikuus n dag n zao fẽnetr zugu. La a Poll sẽn dag n moond koɛɛgã tɩ kaoosdẽ wã wakate, a gũsa sõamã. La gõeemã sẽn dɩk-a wã yĩnga, a yii yĩngr ro-tomdem a tãabẽ soabã n lʋɩ tẽnga. La b rɩk-a lame n mik t'a kiime.
10
La a Poll sigame n zõond a Etikuus zug n dɩk-a a nusẽ n yeel yaa: Da maan-y yɩɩr ye, a vɩɩme.
11
La a Poll sẽn lebg n dʋ, a Kaoo burã n dɩ. La a gomame yɛs n kaoos hal tɩ beoogã vẽege, n yaool n looge.
12
La b yãaga bi-bɩɩgã vɩɩga. La a yɩɩ belsg kãseng bãmb fãa yĩnga.
13
Tõnd denga taoor n kẽ koom-koglg n kẽng Asoose, yaa be la tõnd dag n tog n tɩ seg a Poll n dɩke, yẽnda n da yãk yam a woto n na n kẽn ne nao n kẽng be.
14
La a Poll sẽn seg tõnd Asoose, a kẽe koom-koglgã ne tõnd n kẽng Mitilɛn.
15
Tõnd yika be ne koom-koglgã n looge, la vẽkembeoogo, tõnd taa tẽng b sẽn boond tɩ Siyo taoore, la daar ning sẽn pʋgdã, tõnd taa Samoose, la daar ning sẽn pʋglã wã, tõnd siga Mile.
16
A Poll dag n sɩd yãka yam n na n loog Efɛɛs n da sig beenẽ, sẽn na n yɩl n da sãam weer Aazi soolmẽ wã ye. Bala, yẽnda rag n yãgdame n datẽ tɩ sã n tõe, bɩ a zĩnd Zeruzalɛm Pãntekotã daare.
17
A Poll zĩnda Mile n tʋm koɛɛg tɩ b tɩ bool a Zeezi Kiris tẽedbã kãsem-dãmbã sẽn be Efɛɛsã tɩ b wa.
18
La b sẽn wa n ta a Poll nengẽ, yẽnda yeel-b lame yaa: Yãmb mii mam yel-manesem sẽn yɩ to-to ne yãmb wakat fãa, sẽn sɩng ne daar ning mam sẽn wa Aazi soolmã pʋgẽ wã.
19
Mam tʋma Zu-soabã yĩng ne sik-m-menga, la ne nintãm, tood nins mam sẽn paamã, Zʋɩf-rãmbã sẽn da set n dat n kʋ maamã.
20
Yãmb miime tɩ mam ka solg yãmb bũmb nins fãa sẽn na n sõng-y wã ye. Mam togsa yãmb bũmbã fãa la m zãms-y nebã sʋka la rot pʋse.
21
Mam kɩsa kaset ne Zʋɩf-rãmbã la Gɛrk-rãmbã n yeel-b tɩ b tek yam n kos Wẽnnaam sugri, la b tẽ tõnd Zu-soab a Zeezi.
22
La moasã, Sɩɩg-sõng sẽn modgd maam tɩ m kẽng Zeruzalɛmã, mam na n kẽngame, la m ka mi bũmb ning sẽn na n tɩ paam maam be ye.
23
Mam sẽn mi bala, yaa tɩ Sɩɩg-sõng keoogda maam tẽng‑tẽnga, tɩ bi-bees roog la namsg n gũud maam.
24
La mam tagsdame tɩ mam vɩɩmã ka tar yõod ne maam ye. La sẽn pak maam yaa tɩ m wee n tõog n maan m tʋʋmdã hal n ta a tɛka, n tõog n baas tʋʋmd ning Zu-soab a Zeezi sẽn ning mam zugã, n moon Wẽnnaam barkã koe-noogã.
25
Mam zĩnda yãmb sʋk n moon Wẽnnaam soolem koɛɛgã, la mam mii moasã tɩ yãmb ned baa a yembr ka na n leb n yãnd mam neng yɛs ye.
26
Yaa woto yĩng tɩ mam togsd yãmb dũndã, tɩ yãmb ned a yembr sã n sãame, a taalã ka be ne maam ye.
27
Bala, mam togsa yãmb Wẽnnaam daabã fãa n ka solg bũmb ye.
28
Dẽ wã, gũus-y y mense, la y ges piis nins fãa Sɩɩg-sõng sẽn kõ-y tɩ y gũ wã yelle. Rɩlg-y Zu-soabã tẽedbã b sẽn da ne b biigã zɩɩmã.
29
Mam miime tɩ mam loogr poore, neb sẽn wẽnd wa rigd-n-yĩid‑toos n na n wa yãmb sʋk n sãam piisã.
30
La neb n na n yik yãmb sʋkã n zãmsd nebã sẽn ka sɩda, n maan a woto n belg tẽedbã tɩ b tũ-ba.
31
Rẽ wã yĩnga, neend-y la y tẽeg tɩ yʋʋm a tãabo, mam sagla yãmb ned kam fãa ne nintãm, wĩntoog ne yʋng n ka bas ye.
32
La moasã, mam basda yãmb Wẽnnaam nugẽ, la m basd-y ne bãmb bark goamã sẽn tar pãng n tõe n paas yãmb daoodo, la a kɩt tɩ yãmb yɩ pʋɩt-n-taas ne Wẽnnaam nebã fãa wã.
33
Mam ka maan sũ-kiir ne ned ligdi, wall a sãnem, wall a fut ye.
34
Yãmb mens miime tɩ mam tʋma ne m meng nus n na n paam bũmb ning sẽn na sek maam ne neb nins sẽn tũud maamã.
35
Mam wilga yãmb bũmb fãa pʋgẽ tɩ d tog n tʋma a woto n tõog n sõng naong rãmba, la d tẽeg goam nins Zu-soab a Zeezi meng sẽn yeelã: Tɩ kõ bee bark n yɩɩd tɩ reege.
36
A Poll sẽn gom a woto n sɛ, a yĩgimdame n pʋʋs ne bãmb fãa.
37
La b fãa ra yãbda wʋsgo, n mobgd a Poll n mogsd-a, n pʋʋsd-a Wẽnd-na-taase.
38
La b sũyã sẽn sãam ne bũmb ning n yɩɩd yaa a Poll sẽn yeel tɩ b ka na n leb n yãnd-a wã. Rẽ poore, b yãaga yẽnda hal n ta koom koglgẽ wã.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28