bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 21
Acts 21
Mossi MPBU (WẼNNAAM SEBRE 2014)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
La tõnd sẽn bas bãmba, d kẽe koom-koglg n loog n kẽng tɩrg n ta Kose. La vẽkembeoogo, tõnd taa Roode, n yaool n yi be n kẽng Patara.
2
Tõnd yãnda koom-koglg beenẽ sẽn dag n dabd Fenisi, tõnd yaool n kẽe yẽnda n kẽnge.
3
Tõnd sẽn kẽng n kolg Sɩpre, tõnd bas-a-la goabg n kẽng Siiri sẽnẽ n na yeg Tɩɩr n tɩ sig zĩig ning koom-koglgã sẽn tog n sik a zɩɩbã.
4
Tõnd yãnda tẽedb beenẽ la tõnd paa ne bãmb rasem a yopoe. La Sɩɩg-sõng wilga bãmb tɩ b yeel a Poll t'a ra kẽng Zeruzalɛm ye.
5
La rasem‑kãens loogr zugẽ, tõnd loogame. La b fãa ne b pagbã la b kambã yãaga tõndo, hal n yi tẽnga pʋgẽ. Tõnd yĩgimda koomã noor n pʋʋse.
6
Dẽ, tõnd sẽn pʋʋs taab Wẽnd-na-taas n sɛ, tõnd kẽe koom koglgẽ wã, la b lebgame n kuil b yiyã.
7
Tõnd sẽn kẽn ne koom-koglgã n sɛ, tõnd yii Tɩɩr n kẽng Tolemayiis n tɩ pʋʋs ba-biisã la d zĩnd ne bãmb beenẽ daar a yembre.
8
Vẽkembeoogo, tõnd loogame n ta Sezaare. Tõnd siga koe-moaand a Filip zakẽ. Yẽnda yaa neb a yopoe wã b sẽn da tũus Zeruzalɛmã nin-yende.
9
La yẽnda ra tara kom-pugli a naas sẽn nan ka mi rao ye, n yaa Wẽnnaam no-rɛɛsdba.
10
Tõnd paa Sezaare rasem wʋsgo, la Wẽnnaam no-rɛɛs a yembr yʋʋr sẽn boond t'a Agabuus yii Zʋʋde n wa tõnd nengẽ.
11
Yẽnda rɩka a Poll sẽbdgã n sẽb a nao ne a nus n yeel yaa: Ade, Sɩɩg-sõng yetame tɩ Zʋɩf-rãmbã na n sẽba ned ning sẽn so-a sẽbd‑kãngã wã a woto Zeruzalɛm, n ning-a bu-zẽmsã nusẽ.
12
Tõnd ne neb nins sẽn be Sezaare wã sẽn wʋm bõn-kãnga, tõnd kosa a Poll t'a ra kẽng Zeruzalɛm ye.
13
La a Poll leokame: Yaa bõe n tar yãmb tɩ y yãbd n na n sãam mam sũuri? Bala, mam seglame n sɛ, la ka sẽbrã yĩng bal ye. M seglame me n na n ki Zeruzalɛm Zu-soab a Zeezi yʋʋrã yĩnga.
14
La yẽnda sẽn ka sak tõnd sẽn datã, d bas-a lame la d yeel tɩ Zu-soabã maan b raabo.
15
Rasem‑kãens sẽn looge, tõnd segla d teed n kẽng Zeruzalɛm.
16
Sezaare karen-biis kẽer me yãaga tõndo. B talla tõnd n tɩ ta rao a yembr sẽn yit Sɩpr t'a yʋʋr boond t'a Nazõ yiri. Yẽnda yaa karen-bi-kʋdre. Yaa yẽnda zakẽ la tõnd tog n tɩ zĩndi.
17
Tõnd sẽn ta Zeruzalɛm, ba-biisã reega tõnd ne sũ-noogo.
18
Vẽkembeoogo, a Poll kẽnga a Zak yir ne tõndo, la a Zeezi tẽedbã kãsem-dãmb fãa tigma beenẽ.
19
A Poll sẽn pʋʋs-b n sɛ, a sɩngame n togs bãmb bũmb nins fãa Wẽnnaam sẽn tall yẽnda n maan bu-zẽmsã sʋkã.
20
Bãmb sẽn kelg a Poll goamã, b pẽga Wẽnnaam la b yeel a Poll yaa: Ba biiga, yãmb yãame, Zʋɩf-rãmb tus wʋsg n lebg tẽedbã, la b fãa wɩngda ne a Moyiis tõogã.
21
Mik b ra kɩtame tɩ bãmb tẽed tɩ yãmb zãmsda Zʋɩf-rãmb nins fãa sẽn be bu-zẽmsã sʋkã n yet-b tɩ b wẽnemd n bas a Moyiis tõogã, la b ra kẽes b kamba bãongo, la b ra tũ minindã ye.
22
Dẽ wã, d na n maana wãna? Bala, neb wʋsg na n sɩd wʋmame tɩ y waame [la neb kʋʋng na n tigmame.]
23
Woto yĩnga, bɩ y maan bũmb ning tõnd sẽn na n yeel-y wã. Tõnd tara raop a naas sẽn maan pʋleng ne Wẽnnaam.
24
Peeg-y-ba, n naag ne-b n sak miningã n yɩlg y mense, la y yao yaoodã, tɩ b põng b zutã. Dẽ, nebã fãa na n bãngame tɩ bũmb nins fãa b sẽn wʋm tɩ b gomd yãmb wɛɛngẽ wã ka sɩd ye, la tɩ yãmb meng sakda a Moyiis tõogã.
25
Sã n yaa ne bu-zẽms nins sẽn lebg Kiris tẽedbã, tõnd gʋls-b lame n yeel-b tɩ b ra wãb rũms nemd b sẽn maan maoong n kõ wẽn-naandse, la b ra rɩ zɩɩm, la b ra wãb rũng sẽn sãrg nemdo, la b ra maan wɩɩbd ye.
26
Vẽkembeoogo, a Poll peega nin-bãmbã b naasã n naag ne-b n yɩlg-b mense, n yaool n kẽ wẽnd doogẽ wã n togs nebã bãmb yɩlgrã rayã sẽn na n baas wakat ninga, la wakat ning bãmb ned kam fãa sẽn na n wa ne a kũun tɩ b maan maoongã.
27
Rasem a yopoe wã sẽn kolg pidsgu, Zʋɩf-rãmbã sẽn yit Aazi soolmã sẽn yãnd a Poll wẽnd doogã pʋgẽ, b rãmba neb kʋʋngã gilli, n yõk a Polle,
28
n kelemd n yetẽ yaa: Israyɛll nebã, wa n sõng-y-do! Ad rao ning sẽn zãmsd nebã fãa zĩig fãa tɩ b kɩɩs Israyɛll buudã, la b kɩɩs a Moyiis tõogã la zĩ-kãngã, la a kɩtame meng tɩ Gɛrk-rãmb kẽ wẽnd doogẽ wã n kɩt tɩ zĩ-sõng-kãnga rẽgme.
29
Bala b rag n yãnda Efɛɛs rao a Torfim t'a tũud a Poll tẽngã pʋgẽ, la b tagsdame t'a Poll tall-a lame n kẽ wẽnd doogẽ wã.
30
Tẽngã fãa rãmbame, la neb yii zĩig fãa n zoe n wa. B yõka a Poll n tɛ-a n yiis wẽnd doogẽ wã, la b pag kʋɩlemsã tao-tao.
31
La b sẽn dat n kʋ a Pollã, b wa n togsa sodaas tusr naabã tɩ Zeruzalɛm fãa rãmbame.
32
Wakat-kãng bala, yẽnda yãka sodaase, la sodaas koabg nanambse, n zoe n kẽng nebã nengẽ. Nebã sẽn yã sodaas tusr naabã ne sodaasã, b basa a Poll pãbre.
33
Dẽ, sodaas tusr naabã kolgame n yõka a Poll n kɩt tɩ b balg-a ne bãens a yiibu. La a yaool n sok a Poll sẽn yaa ned ninga, la a sẽn maan bũmb ninga.
34
La neb kʋʋngã sʋka, kẽer kelemdame n yet tɩ woto, tɩ kẽer yet bũmb a to. Dẽ, bʋrgã sẽn yaa wʋsg tɩ sodaas tusr naabã ka tõe n bãng sẽn yaa sɩdã, a yeelame tɩ b tall a Poll n kẽng gãosgẽ wã.
35
La a Poll sẽn ta rʋʋdgã, yɩɩ tɩlɛ tɩ sodaasã tebg yẽnda, neb kʋʋngã sẽn maood n dat n maan a Poll pãngã yĩnga.
36
Bala, b fãa ra pʋgdame n kelemdẽ n yetẽ tɩ b kʋ-a.
37
La wakat ning b sẽn tar a Poll n kẽed gãosgẽ wã, a Poll yeela sodaas tusr naabã yaa: M tara noor tɩ yeel-y bũmbu? La sodaas tusr naabã sok-a lame yaa: Fo mii Gɛrk goamã?
38
Rẽnd fo ka Ezɩpt ned ning sẽn dag n wa-a ne rãmbg pĩndã, n peeg nin-kʋʋdb tus a naas tɩ b tũ-f n kẽ weoogã wɛ?
39
A Poll leokame yaa: Mam yaa Zʋɩfe, m doga Tars sẽn be Silisi soolem, m yaa tẽn-kãseng neda. M bõosd-y lame tɩ y kõ maam noor tɩ m gom ne nebã.
40
La sodaas tusr naabã kõ-a-la noore, la a Poll yik n yalsa rʋʋdgã zug n zẽk a nug n zãas nebã, la bʋrgã sɛɛme, tɩ lebg sɩddd... Dẽ, yẽnda goma ne bãmb ne Ebre-rãmbã goamã.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28