bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 22
Acts 22
Mossi MPBU (WẼNNAAM SEBRE 2014)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
A Poll yeela nebã yaa: M ba-biisi la m ba-rãmba, kelg-y bũmb ning mam sẽn tar moasã n na n togs yãmb n yiis m meng yellẽ wã.
2
Bãmb sẽn wʋm t'a Poll gomd ne bãmb ne Ebre-rãmbã goamã, b yalsa sɩddd... n yɩɩd pĩnda. Dẽ, a Poll yeel-b lame:
3
Mam yaa Zʋɩf sẽn dog Tars sẽn be Silisi soolem. La b wuba maam Zeruzalɛm ka la mam zĩnda a Gamalyɛll taoor tɩ b zãms maam tɩ m bãng tõnd yaab-rãmbã tõod neere. Mam me rag n wɩngda ne Wẽnnaam tʋʋmdã wala yãmb fãa sẽn yaa to-to rũndã wã.
4
Mam dag n namsa neb nins sẽn dag n tũud so-kãnga wã n kʋ-ba, la m yõg raop la pagb n sẽb n kẽes-b bi-bees roogo.
5
Maan-kʋʋdbã kãsem ne kãsem-dãmbã fãa sullã yaa mam kaset dãmba. Mam tol n deega sɛb bãmb nengẽ, ba-biis nins sẽn be Damaasã yĩnga, la m kẽnga be n na n tɩ sẽb tẽedbã sẽn be beenẽ wã n tall-b n wa Zeruzalɛm n kɩt tɩ b sɩbg-ba.
6
La mam sẽn waa n be sorẽ n kolgd Damaase, sẽn zems wĩnto-sʋk sasa, tao-tao bala, vẽenem kãseng n yi arzãn n yãg n gũbg maam.
7
Mam lʋɩɩ tẽnga, la m wʋma koɛɛg sẽn dag n yet maam yaa: «Solle! Solle! Yaa bõe tɩ fo namsd maam?»
8
Mam sokame tɩ Zu-soaba, yãmb yaa ãnda soab tɩ mam namsd-yã? La koɛɛgã yeela maam yaa: «Mam yaa a Zeezi sẽn yit Nazarɛte, soab ning fo sẽn namsdã.»
9
Neb nins sẽn dag n be ne maamã yãnda vẽenemã, la b ka wʋm ned ning sẽn dag n gomd-a ne maamã koɛɛgã ye.
10
Dẽ, mam sokame yaa: «Zu-soaba, bõe la mam tog n maane?» La Zu-soabã yeela maam yaa: «Yik n kẽng Damaas la beenẽ, b na n togsa foom bũmb nins fãa Wẽnnaam sẽn yet foom tɩ f maanã.»
11
La vẽenemã sẽn yãg tɩ mam lebg zoangã yĩnga, mam tũud-n-taasã gãda mam nug n tɛ maam n ta Damaase.
12
Mik tɩ rao a yembr n dag n be beenẽ t'a yʋʋr boondẽ t'a Hananiyaas n sakd tõodã, la Zʋɩf-rãmbã fãa sẽn da be be wã ra kõta yẽnda kaset sõngo.
13
Yẽnda waa mam nengẽ n yeel maam yaa: «M ba-biig a Solle, paam-y nin yɛsa.» La wakat-kãng bala, mam leb n paama m nini, la m yãnd-a lame.
14
A Hananiyaas yeelame yaa: «Tõnd yaab-rãmbã Wẽnnaam pĩnd n yãka yãmb tɩ y bãng b tʋlsem, tɩ y yã tɩrlem soabã la y wʋm bãmb noor goamã.
15
Bala, yãmb na n yɩɩ bãmb kaset soaba n togs bũmb nins yãmb sẽn yã la y wʋmã, nebã fãa taoore.
16
La moasã, yaa bõe tɩ y kaoosdẽ? Yik-y n pʋʋs-y ne Zu-soabã yʋʋre, n deeg koom lisgu, n paam y yel-wẽnã pekre.»
17
La mam lebg n waa Zeruzalɛm, la mam sẽn be wẽnd doogã pʋg n pʋʋsdẽ, mam paama vẽnegre.
18
La m yãnda Zu-soabã, la b yeela maam tɩ m nang pãng n yi Zeruzalɛm tao-tao, tɩ bala, tẽngã nebã ka na n deeg mam sẽn na n kɩs Zu-soabã kasetã ye.
19
La mam yeelame: «Zu-soaba, bãmb mens miime tɩ mam da kẽnda karen-dot pʋsẽ, n kɩtdẽ tɩ b kẽesd neb nins sẽn tẽed yãmbã bi-bees roogo, la m kɩtdẽ tɩ b pãbd-ba.
20
La b sẽn na n daag y kaset kɩt a Etɛn zɩɩmã wakate, mam meng ra bee be, mam da yetame tɩ b sẽn maandã yaa sõama, maam n dag n gũud neb nins sẽn kʋʋd a Etɛnnã futu.»
21
Dẽ, Zu-soabã yeela maam yaa: «Kẽnge, bala, m na n tʋma foom zĩ-zãrgẽ, bu-zẽmsã nengẽ.»
22
Nebã kelga a Poll hal tɩ ta wakat ning yẽnda sẽn gom gom-kãngã wã, la wakat-kãnga, b sɩngame n zẽk b koees n yetẽ: Menes-y nin-kãngã dũniyã zugu! Kʋ-y-yã-a, yẽnda ka tog n vɩɩmd ye.
23
Bãmb dag n kelemdame, n lobd b fut la b lobd tom yĩngri.
24
Sodaas tusr naabã yeelame tɩ b kẽes a Poll gãosgẽ wã n pãb-a ne kalwaas n sok-a n bãng sẽn yaa bũmb ninga yĩng n kɩt tɩ Zʋɩf-rãmbã kelemd a woto n dõt yẽnda wã.
25
La b sẽn sẽb a Poll ne wĩy n na n pãbe, yẽnda soka sodaas koabg naab ning sẽn da be be wã tɩ rẽ yĩnga, tõogã kõta bãmb noor tɩ b pãb Rom ned ne kalwaas t'a bʋʋd meng nan ka kao?
26
Gom-kãensã yĩnga, sodaas koabg naaba kẽng n tɩ togsa sodaas tusr naabã bõn-kãng n yeel yaa: Yãmb na n maana a wãna? Rao-kãngã, yaa Rom neda.
27
Dẽ, sodaas tusr naabã wa n soka a Poll yaa: Togs maam, fo yaa Rom neda? T'a leok tɩ n-yẽe.
28
Dẽ, sodaas tusr naabã leb n yeelame yaa: Ad mam yaoo ligd wʋsgo, n paam n lebg Rom neda. La a Poll yeelame yaa: La mam yẽ roga ne-a.
29
Tao-tao bala, neb nins sẽn dag n tog n pãb a Poll la b sok-a wã loogame n bas-a. La sodaas tusr naabã sẽn bãng t'a Poll yaa Rom nedã, la yẽnda sẽn da kɩt tɩ b sẽb-a wã yĩnga, rabeem yõk-a lame.
30
La vẽkembeoogo, sodaas tusr naabã sẽn dat n bãng bũmb ninga Zʋɩf-rãmbã sẽn dõt a Pollã tiki-takɩ, yẽnda kɩtame tɩ b lodg a Poll sẽbrã n bas-a. La a yeel maan-kʋʋdbã kãsem-dãmb ne kaoreng yɛl-bʋ-bʋʋdbã fãa tɩ b tigim taaba. Dẽ, a kɩtame tɩ b talla a Poll n wa n yalsg-a bãmb sʋka.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28