bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 9
Acts 9
Mossi MPBU (WẼNNAAM SEBRE 2014)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
1
Baoosgo, a Soll sẽn dag n ket n namsd Zu-soabã karen-biis n dat kʋ-bã, a kẽnga maan-kʋʋdbã kãsem nengẽ
2
n tɩ kos-a t'a gʋls sɛb n tʋm karen-dot nins sẽn be Damaasã tɩ yẽnda sã n tɩ yãnd neb beenẽ sẽn tũud Zu-soabã sore, sã n yaa raop wala pagba, bɩ yẽnda yõg-b n tall n wa Zeruzalɛm.
3
La yẽnda sẽn wa n be sorẽ n kolg Damaase, tao-tao bala, vẽenem n yi arzãn n yãg n gũbg yẽnda.
4
La a Soll lʋɩɩ tẽnga. La a wʋma koɛɛg sẽn yet yẽnda yaa: Solle, Solle, yaa bõe tɩ fo namsd maam?
5
A Soll leokame tɩ Zu-soaba, yãmb yaa ãnda: La Zu-soabã yeelame yaa: Mam yaa a Zeezi fo sẽn namsd a soabã. [Na n yɩɩ toog ne foom, fo sẽn kɩɩsdã yĩnga. La yẽnda ra yɛɛsame n digd n sok Zu-soabã tɩ bãmb datame tɩ yẽ maan bõe. Dẽ Zu-soabã yeela yẽnda]
6
Yik n kẽ tẽngã pʋgẽ, la beenẽ b na n yeela foom bũmb ning f sẽn tog n maane.
7
La raop nins sẽn da tũud a Sollã yɛɛsame n yas n ka tõe n gom ye. B dag n wʋmda koɛɛgã la b ka ne ned ye.
8
A Soll yikame, la baa yẽnda ninã sẽn pukã, a ra ka tõe n yãnd baa fʋɩ. B gãda a nug n tɛ-a n kẽng Damaase.
9
Yẽnda maana rasem a tãab n ka tõe n yãnd ye. La a ka rɩ wala a yũ bũmb ye.
10
Karen-biig a ye n dag n be Damaas t'a yʋʋr boond t'a Hananiyaase. Zu-soabã puka b meng ne yẽnda vẽnegr pʋgẽ n yeel-a tɩ Hananiyaas! T'a leok yaa: Ad maam Zu-soaba.
11
Zu-soabã yeela a Hananiyaas yaa: Yik n kẽng sor ning sẽn boond tɩ tɩrgã n ta a Zʋdaas zakẽ n bao ned a yembr sẽn yit Tars t'a yʋʋr boond t'a Solle.
12
Bala, yẽnda yãnda vẽnegr pʋgẽ tɩ ned a yembr yʋʋr sẽn boond t'a Hananiyaas n wa n tik yẽnda ne a nus t'a leb n paam a nini.
13
A Hananiyaas leokame n yeel yaa: Zu-soaba, mam wʋma neb wʋsg sẽn gomd rao-kãngã sẽn maan yãmb nebã sẽn be Zeruzalɛmã wẽng wʋsgã yelle.
14
La maan-kʋʋdbã kãsem-dãmb kõo yẽnda noor t'a wa ka n yõg neb nins fãa sẽn pʋʋsd ne yãmb yʋʋrã.
15
La Zu-soabã yeela a Hananiyaas yaa: Kẽnge. Bala, mam yãka rao-kãngã n na n kɩt t'a tall mam yʋʋrã n wilg bu-zẽmsã la rĩm-dãmbã, la Israyɛll nebã.
16
La mam meng n na n wilg yẽnda namsg nins fãa yẽ sẽn tog n nams mam yʋʋrã yĩngã.
17
La a Hananiyaas kẽngame. La yẽnda taa n kẽe roogẽ wã n tik a Soll ne a nus n yeel-a yaa: Ba-biig a Solle, Zu-soab a Zeezi sẽn puk b meng ne yãmb y sẽn wa n be sorã zug n watẽ wã tʋma maam tɩ m wa tɩ y tõe n leb n paam y nini, la y pid ne Sɩɩg-sõngo.
18
La tao-tao bala, bũmb sẽn wẽnd wa nod-pags yii a Soll nini wã n lʋɩ. La yẽnda leb n paama a nini. La yẽ yikame n deeg koom lisgu.
19
Dẽ, a Soll deega rɩɩb n dɩ la a pãnga leb n waame.
20
La a Soll paa ne karen-biisã sẽn be Damaasã rasem bilfu. La tao-tao bala, yẽnda sɩngame n moond koɛɛgã karen-dotã pʋsẽ n yetẽ t'a Zeezi yaa Wẽnnaam Bi-ribla.
21
Neb nins fãa sẽn wʋm yẽnda wã yɛɛsame n sokdẽ tɩ rao-kãngã n dag n namsd neb nins sẽn be Zeruzalɛm n pʋʋsd ne a Zeezi yʋʋrã wɛ! Tɩ la yẽnda ka wa ka n na n yõg neb nins sẽn pʋʋsd ne a Zeezi yʋʋrã n tall-b n kẽng n tɩ kõ maan-kʋʋdbã kãsem-dãmbã wɛ?
22
La a Soll koe-moonegã pãng ra paasdame. Daar fãa yẽ ra tõogda Zʋɩf-rãmbã sẽn be Damaasã n wilgd-b t'a Zeezi sɩd yaa Kirisã.
23
La sẽn kaoos bilfu, Zʋɩf-rãmbã naaga taab n yãk yam n dat n kʋ a Solle.
24
La a Soll bãnga b yam-wẽngã. Bãmb dag n gũusda tẽngã noyã wĩndg la yʋngo, sẽn na n yɩl n kɩt tɩ b kʋ a Solle.
25
Dẽ, karen-biisã kẽesa a Soll peoogẽ ne yʋng n gãndg n sik yẽnda lalgã poore.
26
A Soll sẽn ta Zeruzalɛm, yẽnda makame n dat n lagem ne karen-biisã, la bãmb fãa ra zoeta a Solle. Bala, b ra ka tẽed t'a Soll sɩd lebga a Zeezi karen-biig ye.
27
Dẽ, a Barnabaas peega a Soll n tall-a n kẽng tẽn‑tʋmdbã nengẽ, n togs bãmb a Soll sẽn yã Zu-soabã sorã zugã, la Zu-soabã sẽn gom ne-a to-to wã. La yẽ togsa bãmb a Soll sẽn moon koɛɛgã ne pɛl-kɛgeng Damaas tẽngã pʋgẽ ne a Zeezi yʋʋrã.
28
La a Soll dag n tũuda bãmb n gõod la a wat Zeruzalɛm la a moond koɛɛga ne Zu-soabã yʋʋr ne raoodo.
29
A Soll ra gomda ne Zʋɩf-rãmb nins sẽn gomd Gɛrk goamã la a wẽed nokoɛɛm ne-ba. La b ra baood n na n kɩtame tɩ b kʋ a Solle.
30
La ba-biisã sẽn bãng bõn-kãnga, b talla a Soll n ta Sezaare n kɩt t'a kẽng Tarse:
31
A Zeezi tẽedbã sẽn be Zʋʋde la Galɩle ne Samaari wã fãa dag n bee laafɩ, b pãnga ra paasdame la b ra sakda Zu-soabã, la Sɩɩg-sõng ra sõngd-b lame tɩ b lebgd wʋsgo.
32
A Pɩyɛɛr sẽn da saagd zĩigã fãa n get nin-tũusdsã, a kẽnga a Zeezi tẽedbã sẽn dag n be Lida wã nengẽ.
33
La yẽnda yãnda rao a yembr beenẽ t'a yʋʋr boondẽ t'a Ene n yaa ki-bogre, n gãe gãag zug hal yʋʋm a nii.
34
A Pɩyɛɛr yeel-a lame yaa: Ene, a Zeezi maagda foom, yik n maneg f gãagã f toore. La tao-tao bala a Ene yikame.
35
Lida ne Saaron tẽngã nebã fãa yãnda a Ene la b saka Zu-soabã.
36
Tẽed-poak a ye n da be Zope t'a yʋʋr boond t'a Tabita sẽn dat n togs tɩ Dorkaas ne Gɛrk goamã. A yʋʋrã võor yaa yãka: Pʋg-kãng ra maanda tʋʋm-sõamyã wʋsgo, la a sõngd naong rãmba.
37
Ra-kãense, a Dorkaas lʋɩɩ bãag n ki. La b sẽn so yẽ koom n sɛ, b rɩk-a lame n gãneg yĩngr doog pʋgẽ.
38
La Lida dag n ka zãr ne Zope ye. Dẽ, karen-biisã sẽn wʋm t'a Pɩyɛɛr bee Lida, b tʋma raop a yiib yẽ nengẽ tɩ b tɩ bõos-a t'a wa bãmb nengẽ n da kaoos ye.
39
La a Pɩyɛɛr yikame n tũ-b n looge. La a Pɩyɛɛr sẽn ta be, b tall-a lame n dʋ yĩngr doogã pʋgẽ. La pʋg‑kõapã fãa kolga yẽnda n yãbd la b wilgd yẽndã fu-yerd ninsi, la fut nins a Dorkaas sẽn dag n sẽ a sẽn wa n ket n vɩ wã.
40
A Pɩyɛɛr kɩtame tɩ nebã fãa yi. La yẽ yĩgimdame n pʋʋse. Dẽ a wẽnemdame n ges kũumã n yeel-a tɩ: Tabita yiki. La a puka a nini. La a sẽn yãnda a Pɩyɛɛre, a yikame n zĩndi.
41
La a Pɩyɛɛr gãda a nug n sõng-a t'a yik yĩngri. A Pɩyɛɛr boola nin-sõamyã ne pʋg‑kõapã n wilg-b t'a Dorkaas vʋʋgame.
42
Zope tẽnga fãa wʋma bõn-kãnga, la neb wʋsg tẽe Zu-soabã.
43
A Pɩyɛɛr paa Zope n kaoos bilfu, yẽnda siga zap a sɩmo yiri.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28