bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 27
Acts 27
Mossi MPBU (WẼNNAAM SEBRE 2014)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
1
La b sẽn yãk yam tɩ tõnd na n kẽ koom-koglg n kẽng Itali, b rɩka a Poll ne bi-bees a taaba, n kɩs soda-sull ning b sẽn boond tɩ rĩmã sodaasã, sodaas koabg naab a yembr yʋʋr sẽn boond t'a Zulyuusi.
2
Tõnd kẽe koom-koglg sẽn yi Adarmit n dabd Aazi soolem tẽmsã sẽn be koomã noor sẽnẽ n looge. La Masedoan dao a ye sẽn yi Tesalonik t'a yʋʋr boond t'a Aristark n da be ne tõndo.
3
La vẽkembeoogo, tõnd taa Sɩdõ. La a Zulyuus maana a Poll neer n kõ-a lohorem t'a kẽng n tɩ ges a Zo-rãmb n paam tɩ b sõng-a.
4
Tõnd sẽn yi be, d basa Sɩpr goabga, sebgã sẽn da segd tõndã yĩnga.
5
Tõnd sẽn pɩʋʋg ko-kãsengã sẽn pẽ Siliisi ne Paamfili wã, tõnd taa Miira sẽn be Liisi soolmẽ wã.
6
La beenẽ, sodaas koabg naabã yãnda koom-koglg sẽn yi Alegsãndri n dabd Itali, la yẽnda kɩtame tɩ tõnd kẽ koom-kogl-kãngã.
7
Tõnd kẽna bãanem-bãanem n kaoos rasem wʋsgo, la d namsa wʋsg n kolg Niid tẽnga noore. La sebgã sẽn ka sak tɩ tõnd ta be wã, tõnd yega Kɛrɛt tẽngã n kẽng Salmone sẽnẽ.
8
Tõnd namsa wʋsg ne koom-koglgã n yeg Kɛrɛt kɩrenga, n ta zĩig a yembr sẽn boond tɩ Koom-koglg yalsg zĩ-neerã sẽn pẽ Laaze tẽnga.
9
Wakat wʋsg loogame la koom-koglgã kẽnd wa n lebga yel-pakre. Bala, no-loeerã wakat zoe n loogame.
10
Yaa woto yĩng n kɩt t'a Poll keoog-b n yeel yaa: Raopa, mam neeme tɩ so-toak-kãngã na n yɩɩ wẽnga, koom-koglgã ne a zɩɩbã na n yɩɩ bõne, la sẽn yɩɩda, sã n ka gũusi tõnd mensã na n kii a pʋgẽ.
11
La sodaas koabg naabã ra kɩsa sɩd ne ned ning sẽn get koom-koglgã kẽnd yellã ne koom-koglgã taoor soab n yɩɩd a Poll goamã.
12
La koom-koglgã yalsg zĩig ra ka sõama tɩ pa be waood wẽnd ye, yaa woto yĩng tɩ neb wʋsg yãk yam n yeel tɩ b yi be n mao tɩ sã n tõe bɩ b ta Fenigs sẽn yaa koom-koglg yalsg zĩig sẽn be Kɛrɛt n pakd n teesd wĩndgã goabg la a rɩtgã, n zĩnd be waoodã wẽnde.
13
Sob-fʋl-fʋl yii wĩndgã goabg n sɩng n fʋʋsdẽ, la bãmb tagsame tɩ b ra tõe n maana b sẽn dat n maan bũmb ningã. B yika ne koom-koglgã n kẽng n yeg Kɛrɛt n tũ a kɩrengã.
14
La sẽn yɩ bilfu, sob-kãseng b sẽn boond tɩ Erakilõ yika koomã sẽn gũbg tẽng ninga wã tãmsã sẽnẽ.
15
La a sẽn wẽ koglgã t'a ka tõe n kẽng taoorã, tõnd basame tɩ sebgã peeg koglgã.
16
Tõnd kolga tẽn-bil a yembr sẽn be koomã sʋk tɩ b boond tɩ Kooda. Dẽ, tõnd namsa wʋsg n tõog n yalsg koom-kogl-bilã.
17
La b sẽn zẽk kogl-bilã n kẽes koom-koglgã pʋg n sɛ, b yaool n sẽba koom-koglgã ne wĩyã. La b sẽn zoet tɩ koom-koglgã na n wa tɩ sud bĩisrã sẽn be Libi yegendã, b sika koom-koglgã pɛɛla n bas tɩ sebgã peeg koglgã.
18
La sebgã namsa tõnd wʋsgo, dẽ vẽkembeoogo, b loba koglgã zɩɩb koomã pʋgẽ.
19
La rasem a tãabẽ daarã, bãmb mens sɩngame n wʋk koglgã teed kẽer n lob koomẽ wã.
20
La kaoosa rasem wʋsg tɩ wĩndgã, wala ãdsã ka puk ye, la sebgã ra ketẽ n tara pãnga hal tɩ tõnd wa n ka leb n tẽed tɩ d na n põsame ye.
21
Neb nins sẽn da be koom-koglgã pʋgã maana rasem wʋsg n ka rɩ bũmb ye. Dẽ, a Poll yikame n yals b sʋk n yeel yaa: M saam-biisi, yãmb sã n dag n sakẽ mam goamã n ka yi n bas Kɛrɛt tẽngã, tõnd da ka na n paam bõn a woto la to-kãngã ye.
22
La moasã, mam sagenda yãmb tɩ y keng y sũyã tɩ bala, tõnd ned ba a yembr ka na n ki ye, sã n ka koom-koglgã bal n na n sãame.
23
Bala, Wẽnnaam ning sẽn so maam tɩ mam sakd-a wã malɛɛk waa mam nengẽ yʋngẽ,
24
la a yeela maam yaa: «Polle, ra zoe rabeem ye, yaa tɩlɛ tɩ fo ta rĩm a Sezaar taoore. La gese, Wẽnnaam sẽn yaa sõmblem soab la b maand nimbãan-zoeer ne foomã rɩka neb nins sẽn be koom-koglgã pʋg ne foomã vɩɩm n ning fo nugẽ.»
25
Woto yĩnga, m saam-biisi, keng-y y sũyã, bala, mam tara tẽeb‑kãnga ne Wẽnnaam, tɩ na n yɩɩ wala b sẽn togs maama bala,
26
la tõnd na n tɩ teega tẽng a yembr koom sẽn gũbgi.
27
Dag n yaa yʋnd piig la a naasẽ soab la sobgã ra lengd tõnd ko-kãsengã sẽn boond tɩ Adiryatikã zugu. La sẽn kolg yʋn-sʋka, koom-koglgã pʋgẽ tʋmtʋmdbã tẽeme tɩ b pẽnega tẽnga.
28
Bãmb loee koom zulum bõn-makdgã ne wĩir n los koomẽ wã n mak a zulmã n mik tɩ yaa metr pis-tã la a yopoe. La b sẽn leb n zãag bilfu, b losame yɛsa n mik tɩ zulmã zemsa metr pisi la a nii.
29
Bãmb sẽn yɛɛsd tɩ tõnd koom-koglgã na n wa tɩ wẽ kug yĩnga, b losa kug bɛd a naas sẽn da tar n yalsd koom-koglgã koomã pʋgẽ, tɩ b gãd koglgã. La b ra yãgdame n dat tɩ beoogã vẽeg tao-tao.
30
Koom-koglgã tʋmtʋmdb maana wala b rat n losa kug a taab sẽn yalsd koom-koglgã koomã pʋgẽ, tɩ b gãd koglgã, mik b ra soosdame n dat n sik koom-kogl‑bilã koomẽ wã n zoe.
31
A Poll yeela sodaas koabg naabã ne sodaasã yaa: Nin-bãmbã sã n ka pa koom-koglgã pʋga, yãmb kõn tõog n põs ye.
32
Dẽ, sodaasã wãa wĩ nins sẽn da loe kogl-bilã n pase, n bas-a t'a lʋɩ koomẽ wã.
33
Sẽn deng beoogã vẽegre, a Poll sagla nebã fãa n yeel-b tɩ b rɩ. Yẽnda yeel-b lame yaa: Ade, yaa rasem piig la a naas rũndã la yãmb sẽn gũud sobgã yõkre, n ka sakd n dɩ rɩɩb ye.
34
Rẽ wã, mam kota yãmb tɩ y rɩ, bala, yaa sẽn na n fãag yãmba, la yãmb ned ba a yembr zoobg ka na n menem ye.
35
A Poll sẽn gom a woto n sa, a rɩka bur n yals nebã fãa taoor n pʋʋs Wẽnnaam barka. A sẽn pʋʋs n sa, a kaoo burã n sɩng wãbre.
36
Dẽ, nebã fãa me kenga b pels n dɩ.
37
Tõnd fãa sẽn dag n be koom-koglgã pʋgẽ wã yaa neb kobsi la pis-yopoe la a yoobe.
38
La b sẽn dɩ n tɩge, b loba koodã koomã pʋgẽ n na n boog koom-koglgã zɩɩbo.
39
La beoogã sẽn vẽege, koom-koglgã tʋmtʋmdbã ka bãng sẽn yaa tẽng ning ye. La b yãnda zĩiga, kʋɩl-koakã sẽn gonge, zĩ-bĩisri, la bãmb yãka yam n dat tɩ sã n tõe, bɩ b tall koom-koglgã n ta beenẽ.
40
Bãmb logsa bãens nins sẽn yalsd koglgã n bas tɩ b lʋɩ koomẽ wã, la b kell n logs koglgã wẽnemdedgã wĩ, n yaool n zẽk koglgã taoor peendã, sẽn na yɩl tɩ sebgã tus-ba, la b tees kʋɩl-koakã.
41
La bãmb tɩ kẽe bĩisr pʋgẽ, ko-wĩis a yiib sʋka, la b basa koglgã t'a pa be. Koglgã taoor kẽe bĩisrẽ wã sõama n ka leb n tõe n serg ye. La ko-pɛmã wẽe koglgã poor ne pãng n wesge.
42
La sodaasã da rat n kʋʋ bi-beesã tɩ b ned ba a yembr da wa rug koomã n zoe n põs ye.
43
La sodaas koabg naabã sẽn dat n fãag a Pollã, a ka sak tɩ b maan a woto ye. Yẽnda yeela neb nins sẽn mi rugbã tɩ b reng n lʋɩ koomẽ wã n dug n yi yɩnga,
44
la a yeel neb a taabã tɩ b sog ra-pegdã, wall koom-koglgã raado, n dug n yi. La woto, nebã tõog n taa yɩng ne yõore la laafɩ.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28