bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 28
Acts 28
Mossi MPBU (WẼNNAAM SEBRE 2014)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
1
Tõnd sẽn põsã poore, d wʋmame tɩ tẽn-kãng sẽn be koomã sʋkã boondame tɩ Malte.
2
Tẽngã neb gesa tõnd yell neer wʋsg ne nimbãan-zoeere. La saagã sẽn da ni tɩ yaa waoodã yĩnga, b widga bugum n deeg tõnd fãa be tɩ d gũbg n woode.
3
A Poll wʋka ra-yãngls n na n ning bugmẽ wã, la bug-waolgã yĩnga, waaf n yi be n gãd a Poll nugã.
4
La tẽngã neb sẽn yãnd waafã sẽn luund a Poll nugẽ wã, b goma ne taab n yeele: Hakɩɩka rao-kãngã yaa nin-kʋʋda, bala, baa ne yẽnda sẽn põs ko-kãsengã, wẽnd tɩrlem ka rat n bas-a t'a vɩɩmd ye.
5
La a Poll mesga waafã t'a lʋɩ bugmẽ wã la a Poll bũmb ka zab baa bilf ye.
6
Nin-kãens ra gũudame n na n yãnd a sẽn mode, wall a Poll sẽn na n lʋɩ n ki zĩig pʋgẽ. La b sẽn gũ n kaoos n mik tɩ bũmb baa fʋɩ ka maan yẽnda wã, b wẽnemdame n yeel t'a Poll yaa wẽnd a yembre.
7
Soolem a ye n da pẽ be tɩ yaa tẽn-kãng naabã n so, naabã yʋʋr la a Publyuusi. A reega tõnd ne nonglem n sik a yir rasem a tãabo.
8
A Publyuus baaba n da gãe ne yĩn-wɩngre la sãb-noaadga, la a Poll kẽe a nengẽ n tik-a ne a nus n pʋʋs n maag-a.
9
Rẽ zugẽ, tẽngã bãad-dãmb a taab me waame, la b fãa paama laafɩ.
10
B waooga tõnd ne waoog‑kãsenga, la tõnd sẽn wa n na n loogã, b kõo tõnd bũmb nins fãa sẽn tõe n sõng tõnd d so-toakã pʋgẽ.
11
La kiis a tãab zugẽ, tõnd kẽe Alegsãndiri koom-koglg a yembr yʋʋr sẽn boond tɩ Diyoskuur sẽn dag n zĩnd Malt tẽngã waoodã wẽnde.
12
Tõnd sẽn ta Sɩrakuus tẽnga d paa be rasem a tãabo.
13
La tõnd yii beenẽ n tũ koomã noor n ta Regiyo. La vẽkembeoogo, wĩndga goabg sebgã yikame, la rasem a yiib pʋgẽ, tõnd taa Pʋzolle.
14
Tõnd yãnda ba-biis tẽn-kãng pʋga, tɩ b kos tõnd tɩ d pa be ne bãmb rasem a yopoe. Yɩɩ woto tɩ tõnd kẽng Rom.
15
Ba-biisã sẽn be Romma sẽn wʋm tõnd kibare, b waa n sega tõnd hal tẽms sẽn boond tɩ Apiyuus ne Tʋroa-Tavɛrn. A Poll sẽn yãnd-bã, a pʋʋsa Wẽnnaam bark la a keng a pɛlga.
16
Tõnd sẽn wa n ta Rommã, sodaas koabg naabã rɩka bi-beesã n kɩs sodaasã taoor soaba, la b kõo a Poll lohorem t'a zĩnd toor ne sodaag a yembr sẽn gũud-a.
17
B sẽn ta Rom tɩ rab-tãtẽ, a Poll boola Zʋɩf-rãmbã nin-kãsems tɩ b wa yẽnda nengẽ. La b sẽn tigim taaba, a Poll goma ne bãmb a woto: M saam-biisi, baa ne mam sẽn ka maan bũmb sẽn beegd tõnd buudã, la m ka maan bũmb sẽn kɩɩsd tõnd yaab-rãmbã miningã, b yõka maam Zeruzalɛm n kɩs Rom-dãmbã tɩ b kẽes maam bi-bees roogo.
18
La Rom-dãmbã sẽn kelg maam, b rag n dat n bas-m lame, bala b ka yã mam sẽn maan bũmb n tog ne kʋʋb ye.
19
La Zʋɩf-rãmbã zãgsame, dẽ, yɩɩ tɩlɛ ne maam tɩ m kos n na n kẽng rĩm a Sezaar nengẽ. La yaool n ka bũmb la m tar n dat n dõd m buudã ye.
20
Yaa woto yĩng n kɩt tɩ m dat n yãnd-yã n gom ne-yã, bala, yaa Israyɛll nebã tẽeb pidsg gũudum poorẽ la b balg maam ne bãn-kãensã.
21
Zʋɩf-rãmbã nin-kãsems yeela a Poll yaa: Tõnd ka reeg sebr baa a yembr sẽn yi Zʋʋde soolem n gomd ne tõnd yãmb yell ye, la ba-biig baa a yembr ka yi be n wa togs tõndo, wall a gom yãmb sẽn maan tɩ ka zems ye.
22
La tõnd datẽ lame n kelg yãmb sẽn na n yeel tɩ bũmb ninga, bala tõnd miime tɩ zĩiga fãa, nebã kɩɩsda kaoreng ning yãmb sẽn tũudã.
23
Bãmb yãka daar n kõ a Polle, la badaare bãmb wʋsg waa n yãnda a Poll a gãagã zĩigẽ, la yẽnda goma ne bãmb yibeoog hal tɩ ta zaabre, yẽnda rɩka a Moyiis tõogã ne Wẽnnaam no-rɛɛsdba sɛb n moon bãmb Wẽnnaam soolmã koɛɛg n na n wilg-b t'a Zeezi koɛɛgã yaa sɩda.
24
Neb kẽer tẽe bũmb ning yẽnda sẽn da yetã la neb kẽer kɩɩsame n ka tẽ ye.
25
La bãmb sẽn ka zems taab n yik n na n loogã, a Poll yeel-b-la gom‑kãensã bal n paase: Sɩɩg-sõng sɩd tara bʋʋm la a sẽn da gom ne y yaab-rãmbã n yeel
26
Wẽnnaam no-rɛɛs a Ezayi tɩ: «Kẽng nin-bãmbã nengẽ n tɩ yeel-b yaa: ‹Yãmb nong bɩ kelg sõama, y kõn tol n wʋm a võor ye. Yãmb nong bɩ y ges sõama, y kõn tol n yãnd ye.
27
Bala, nin-kãensã sũyã riglmame, b yẽda b tʋba, la b mum b nini, sẽn na n yɩlẽ tɩ b nin da yã ye, tɩ b tʋb ra wʋm ye, tɩ b ra tags n wʋm a võor ye. La b ra tek yam n kos sugri, sẽn na yɩl tɩ mam maag-b ye.› »
28
A Poll leb n yeelame yaa: «Dẽ wã yĩnga, bãng-y tɩ b tʋma Wẽnnaam fãagr koɛɛgã bu-zẽmsã tẽngẽ, la b na n kelg-a lame.»
29
[A Poll sẽn yeel a woto n sɛ, Zʋɩf-rãmbã loogdame la b wẽed nokoeemd wʋsg ne taaba.]
30
A Poll zĩnda be yʋʋm a yiib tõre, la a yaood roogã ligdi. La yẽnda ra reegda neb nins fãa sẽn da wat yẽ nengẽ wã ro-kãng pʋga.
31
Yẽnda ra moonda Wẽnnaam soolem koɛɛgã, la a zãmsd nebã a Zeezi Kiris koɛɛgã ne pɛl-kɛgenga, tɩ gɩdgr kaẽ ye.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28