bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Acts 26
Acts 26
Mossi MPBU (WẼNNAAM SEBRE 2014)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 27 →
1
A Agirpa yeela a Poll tɩ b kõt-a-la noor t'a gom n yiis a meng yellẽ wã. Dẽ, a Poll tẽega a nug n yeel yaa:
2
Rĩm a Agirpa, mam sũur yaa noogo, m sẽn paam dũndã n na n gom yãmb taoor n togs bũmb nins fãa Zʋɩf-rãmbã sẽn dõt maamã wɛɛngẽ.
3
Bala, yãmb mii Zʋɩf-rãmbã minindã ne b nokoɛɛmã zãnga. Rẽ wã, mam kot-y lame tɩ y kelg maam ne sũ-mare.
4
Zʋɩf-rãmbã fãa mii mam vɩɩmã sẽn yɩ bũmb ninga, hal mam sẽn yaa bi-bilf wakate, b mii mam sẽn zĩnd m nebã sʋka, la Zeruzalɛm hal sɩngrẽ wã sẽn yɩ to-to.
5
Bãmb mii maam hal daar zãra, b sã n dat n togs sɩda. Mam yaa Fariizẽ neb nins sẽn sakd tõnd wẽn-tũudmã n yɩɩd neb a taabã ned a yembre.
6
La moasã, b bʋʋda ne maam, mam sẽn tẽed kãabg ning Wẽnnaam sẽn dag n kãab tõnd yaab-rãmbã yĩnga.
7
La tõnd buud piig la a yiibã me pʋʋsda Wẽnnaam wĩntoog la yʋng n ka basdẽ, n gũud kãab-kãng pidsgu. Rĩm a Agirpa, yaa tẽeb pidsg gũudum‑kãng yĩng n kɩt tɩ Zʋɩf-rãmbã rõd maam.
8
Bõe yĩng tɩ yãmb Zʋɩf-rãmbã tagsdẽ tɩ yaa toog ne Wẽnnaam tɩ b vʋʋg kũum?
9
Mam meng da tagsame tɩ m tog n zaba ne m pãng tɛka n kɩɩs Nazarɛt dao a Zeezi yʋʋrã.
10
La mam maana bõn-kãng Zeruzalɛm. La mam sẽn paam noor maan-kʋʋdbã kãsem-dãmb nengẽ, mam menga kẽesa Wẽnnaam nin-tũusds wʋsg bi-bees roogo. La b sã n da rat n kʋ-ba, mam ningda m nugu.
11
Wakat kẽere, mam kɩtdame tɩ b sɩbg-b karen-dot pʋse, n da rat n modg-b tɩ b kɩɩs b tẽebã. Mam sũurã puuga wʋsg ne bãmb hal tɩ m kẽng tẽn-zẽms pʋs n tɩ nams-ba.
12
Yaa woto yĩnga, tɩ maan-kʋʋdbã kãsem-dãmb kõ maam noor n tʋm maam tɩ m kẽng Damaase.
13
Rĩm a Agirpa, mam sẽn be sorẽ, wĩnto-sʋk sasa, mam yãnda vẽenem sẽn yi arzãn n yãgd n yɩɩd wĩntoog vẽenem, n wa n bui maam ne m tũud-n-taasã.
14
Tõnd fãa lʋɩɩ tẽnga, la mam wʋma koɛɛg sẽn da yet maam ne Ebre-rãmbã goam yaa: «Solle, Solle, yaa bõe tɩ fo namsd maam? Yaa toog ne foom, fo sẽn zãgsda yĩnga.»
15
Mam sokame tɩ Zu-soabã yãmb yaa ãnda? La Zu-soabã leokame yaa: «Mam yaa a Zeezi, fo sẽn namsd a soabã.
16
Yik n yals yĩngri. Mam vẽnega m meng ne foom n na n kɩt tɩ f yɩ mam tʋmtʋmda, la m kaset soab n togs neb a taabã bũmb nins fo sẽn yã rũndã wã, la bũmb nins mam sẽn na n wilg foomã.
17
Mam yãka foom Zʋɩf-rãmbã ne bu-zẽmsã sʋka, la m tʋmda foom b nengẽ,
18
tɩ f puk b nina tɩ b wẽnemd n bas likã n wa vẽenemẽ wã la b bas Sʋtãanã n sak Wẽnnaam n paam b yel-wẽnã sugri, la pʋɩɩr ne neb nins sẽn tẽ maam n lebg Wẽnnaam nebã.»
19
Woto wã yĩnga, Rĩm a Agirpa, mam ka kɩɩs vẽnegr ning sẽn yi arzãna ye.
20
La m deng n moona koɛɛgã Damaas nebã nanda, la m yaool n moon-a Zeruzalɛm ne Zʋʋde soolmã fãa pʋga, la bu-zẽmsã n yeel-b tɩ b tek yam n kos sugr n sak Wẽnnaam n maan tʋʋm sẽn wilgd tɩ b sɩd teka yam.
21
Yaa bõn-kãng yĩng la Zʋɩf-rãmbã sẽn yõk maam wẽnd doogã pʋg n na n kɩt tɩ b kʋ wã.
22
La Wẽnnaam gũudmã yĩnga, mam ket n vɩɩme hal tɩ ta rũndã, n kɩt kaset nin-talse la nanambs taoore. La mam ka togsd bũmb a to tɩ sã n ka Wẽnnaam no-rɛɛsdbã ne a Moyiis sẽn dag n togsã ye.
23
B ra togsame tɩ Kiris na n namsame la b na n yɩɩ pipi soab sẽn vʋʋg n bas kũum, la b na n waa ne fãagr vẽenem tõnd buudã ne bu-zẽmsã yĩnga.
24
La a Poll sẽn gom a woto n na n fãag a mengã, a Festuus zẽka a koɛɛg n yeel-a yaa: Polle! Fo yaa gãeenga. Fo bãngrã sẽn yaa wʋsgã kɩtame tɩ f lebg gãeenga.
25
A Poll yeelame: Festuus sõngo, mam ka gãeeng ye. Mam sẽn gomdã yaa sɩda la mi-m-neng goamã.
26
Rĩm a Agirpa mii bõn-kãense, dẽ mam tõe n goma ne pɛl-kɛgeng bãmb taoore, bala mam mii vẽeneg tɩ bãmb mii b fãa, tɩ bõe bõn-kãens ka solg n maan ye.
27
Rĩm a Agirpa, yãmb tẽeda Wẽnnaam no-rɛɛsdbã sẽn yeel bũmb ninsã? Mam miime tɩ yãmb tẽeda bõn-kãense.
28
A Agirpa yeela a Poll yaa: Fo tagsdame tɩ wakat bilf pʋgẽ, f tõe n kɩtame tɩ mam yɩɩ a Zeezi neda?
29
A Poll leokame yaa: Yaa wakat bilf pʋgẽ woo, wall yaa wakat wʋsg pʋgẽ me, mam pʋʋsda Wẽnnaam tɩ kõn yɩ yãmb y yembr bal ye. La yaa tɩ neb nins fãa sẽn kelgd mam koɛɛgã dũndã wã me, yãmb na lebg wa maam, bãn-kãensã sẽn yãk b toogo.
30
Dẽ, rĩmã ne Gʋvɛrneerã, la a Bereniis ne neb nins sẽn dag n zĩ ne bãmbã yikame.
31
B sergame n yẽs ne taab n yeel tɩ rao-kãngã ka maan bũmb sẽn zems ne kũum, wall bi-bees roog kõom ye.
32
La a Agirpa yeela a Festuus tɩ sã n ka a Poll sẽn yeel t'a rata rĩm a Sezaar nengẽ wã, a rag n tõe n paamẽ‑la lohorem.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28