bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 10
Leviticus 10
Mossi MPBU (WẼNNAAM SEBRE 2014)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 11 →
1
A Aarõ kom-dibli a yiibã, a Nadaab ne a Abiyu, ned kam fãa rɩka wisd laaga, n ning bug-saala, n yõng wisd n yugl bugmã zugu. Bãmb talla bugum sẽn ka zems n kẽng Sẽn-Ka-Saab taoore, la bõn-kãng ka zems ne noor ning Sẽn-Ka-Saab sẽn kõ bãmbã ye.
2
Dẽ, bugum yii Sẽn-Ka-Saab nengẽ n dɩ bãmba. Bãmb kii zĩig pʋgẽ Sẽn-Ka-Saab taoore.
3
A Moyiis yeela a Aarõ yaa: «Sẽn-Ka-Saab rag n yeelame: ‹Neb nins sẽn kolgd maamã tog bãngame tɩ mam welga toore, la tɩ nebã fãa tõe n waoog maam.› » La a Aarõ ka leb n yeel tɩ bũmb yɛs ye.
4
A Moyiis boola a Mikayɛll ne a Ɛltsafan sẽn yaa a Aarõ yɛsb a Uziyɛll kom-dibli wã n yeel-b yaa: «Wa-y n dɩk-y y saam-biisã kũumã sɛk roogã noor n yiis sik zĩigã pʋga.»
5
Dẽ, bãmb wa n dɩka kũumã ne b futã n yiis sik zĩigã pʋg wala a Moyiis sẽn yeelã.
6
A Moyiis yeela a Aarõ ne a kom-dibli wã, a Elyazaar ne a Itamaare: «Da zũndg-y y zoobdã, la y ra pãrs y fut n wilg tɩ y bee sũ-sãang pʋg ye. Dẽ, yãmb kõn ki, la y kõn tak Sẽn-Ka-Saab sũ-puugrã n sik nebã zug ye. Bas-y tɩ yãmb saam-biisã sẽn yaa Israyɛll nebã yãb neb nins Sẽn-Ka-Saab sẽn kɩt tɩ bugmã rɩ n kʋ wã yĩnga.
7
Bɩ yãmb ra serg n bas sɛk roogã noor ye. Sã n ka rẽ, yãmb na n kiime. Bala, Sẽn-Ka-Saab kaamã b sẽn pʋdg maan-kʋʋdbã zutã pʋdga yãmb zugu. Bãmb maana wa a Moyiis sẽn dag n yeelã.»
8
Sẽn-Ka-Saab goma ne a Aarõ n yeele:
9
«Foom ne f kom-dibli wã sã n wa n dat n kẽ sɛk roogã pʋga, bɩ y ra yũ reezẽ rãam, wall bõn-yũudl sẽn yilimd neng ye. Sã n ka rẽ, yãmb na n kiime. Bõn-kãngã na n yɩɩ no-tũudg sẽn ka sɛta, yãmb yagensã fãa yĩnga.
10
Woto yaa sẽn na n kɩt tɩ yãmb tõog n bãng bũmb ning sẽn yaa kisgu, ne bũmb ning sẽn ka kisg n bake, la y bãng bũmb ning sẽn yaa rẽgdo ne bũmb ning sẽn ka rẽgd n welge.
11
Bɩ y rɩk noy nins fãa Sẽn-Ka-Saab sẽn kõ Israyɛll nebã, n kɩt t'a Moyiis zãms bãmb tõ-kãense.»
12
A Moyiis yeela a Aarõ ne a kom-dibli nins sẽn kell n ka ki wã, a Elyazaar ne a Itamaare: «Rɩk-y bõn-koaadl kũunã b sẽn wa ne tɩ yɩ kũun sẽn yõogd bugum Sẽn-Ka-Saab taoorã sẽn kellã, n yals tẽn-kugrã sɛɛg n dɩ-a, la y ra ning-a bɩll ye. Bala, bõn-kãng yaa bũmb sẽn welg toore.
13
Yãmb tog n dɩ-a-la zĩig sẽn welg toorã pʋga. Woto yaa noor b sẽn kõ foom ne f kom-dibli wã yĩnga, sẽn kẽed maoong sẽn yõogd bugum Sẽn-Ka-Saab taoorã wɛɛngẽ. Bala, b yeela maam tɩ m maan a woto.
14
La bɩ foom ne f kom-dibli wã, la f kom-pugli wã kẽng zĩig sẽn yaa sõama pʋg n tɩ rɩ yãoogã b sẽn yuumã, ne ger ning sẽn yãk tɩ yaa kũunã. Bala, bõn-kãng yaa foom ne f kambã pʋɩɩre. B yãka bõn-kãens zems-n-taar maandã b sẽn maand Israyɛll nebã yĩngã sʋka.
15
Israyɛll nebã tog n talla kaam ning sẽn yõogd bugmã ne ger ning b sẽn yãk n kõ wã, la yãoogã b sẽn yuum Sẽn-Ka-Saab taoor tɩ yɩ kũunã n wa. Bõn-kãens na n yɩɩ foom ne f kom-dibli wã rẽnda, la a na n yɩɩ no-tũudg sẽn ka sɛta, wa Sẽn-Ka-Saab sẽn dag n yeelã.»
16
A Moyiis bao n na n bãnga boɛɛg ning sẽn yaa kongr maoongã yell sẽn yaa to-to. La a mikame tɩ b yõog-a-la bugum. La a Moyiis sũurã yika ne a Aarõ kom-dibli wã, a Elyazaar ne a Itamaare. Bãmb yaa Aarõ kamb nins sẽn kell n vɩɩmd n ka ki wã. A Moyiis yeel-b lame:
17
«Bõe yĩng tɩ yãmb ka kẽng zĩig sẽn welg toorã pʋg ne kongr maoongã rũng n tɩ rɩ-a? Bõn-kãng yaa bũmb sẽn welg toor zãng fasɩ Sẽn-Ka-Saab yĩnga. La Sẽn-Ka-Saab rɩka bõn-kãng n kõ yãmba, tɩ yãmb tõe n tʋk Israyɛll nebã kongrã, n maan paasg tʋʋmd Sẽn-Ka-Saab taoore, tɩ Israyɛll nebã tõe n paam b yel-wẽnã sugri.
18
Ade, yãmb ka tall rũngã zɩɩm n kẽ zĩig sẽn welg toorã pʋg ye, yãmb dag n tog n wãba rũngã nemd zĩig sẽn welg toorã pʋg wa mam sẽn dag n togs yãmbã.»
19
A Aarõ yeela a Moyiis yaa: «Gese, bãmb maana maoong rũndã, yel-wẽnã yĩnga, la b maan maoong sẽn yõogd bugum Sẽn-Ka-Saab taoore. Dẽ wã, rũndã, yãmb meng mii yell ning sẽn be mam zugu, mam sã n dag n dɩẽ kongr maoongã rũng nemd rũndã, a yaa bũmb sẽn zems Sẽn-Ka-Saab taoor sɩda?»
20
A Moyiis sẽn wʋm a Aarõ sẽn gom woto wã, a reegame, la a bas taale.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27