bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 6
Leviticus 6
Mossi MPBU (WẼNNAAM SEBRE 2014)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 7 →
1
Sẽn-Ka-Saab yeela a Moyiis yaa:
2
«Yeel a Aarõ ne a kambã a woto: ‹Ad tõog ning sẽn kẽed ne maoong sẽn yõogd bugmã wɛɛngẽ wã. Maoongã tog n kell n paa tẽn-kugrã bug-toaalg zug yʋngã tõre, hal tɩ tãag yibeoogo, la tẽn-kugrã bugum tog n kell n wita beenẽ.
3
Maan-kʋʋdã tog n yeelga a fuug ning sẽn wʋg ne gĩs-bãanegã, la a sẽgen gĩs-bãaneg põge. La bɩ a yãk bugmã sẽn dɩ maoongã tompeglem tẽn-kugrã zugã, n dʋʋg-a tẽn-kugrã sɛɛga.
4
Rẽ poore, bɩ a yees a futã, la a ning fut a taaba, n dɩk tompeglmã n yi sik zĩigã pʋg n kẽng zĩig sẽn welg toor pʋga.
5
La bugmã tog n kell n wita tẽn-kugrã zugu, la a ka tog n ki ye. Yibeoog fãa, maan-kʋʋdã tog n yõgna raado, la a rɩk maoongã n dogl zugẽ, la a yõog laafɩ maoongã kaam.
6
Bugmã tog n wita wakat fãa tẽn-kugrã zugu, la a ka tog n ki ye.
7
Ad tõog ning sẽn kẽed ne bõn-koaadl kũunã wɛɛngẽ wã la woto. A Aarõ kamb n tog n maan maoon-kãng Sẽn-Ka-Saab taoore, n tees tẽn-kugrã nen-taoore.
8
Bɩ maan-kʋʋdã yõng bõn-koaadl kũun zom-bãanegã, ne kaamã, la ne wisdã b sẽn naag kũunã, n dɩk bõn-kãng n yõog bugum tẽn-kugrã zug tẽegr yĩnga, tɩ yɩ yũ-noog Sẽn-Ka-Saab yĩnga.
9
Bɩ a Aarõ ne a kom-dibli wã rɩ sẽn kellã. La b tog n dɩ-a lame n ka ning rã-bɩll ye. La yaa zĩ-sõngã sẽn yaa sɛk roogã samandã pʋg la b tog n dɩ-a.
10
B ka tog n ning zomã rã-bɩll n yaool n dʋg-a ye. Bala, maand ning sẽn yõogd bugum mam yĩnga pʋga, rẽndã yaa pʋɩɩr mam sẽn kõ bãmba. Bõn-kãng na n yɩɩ bũmb sẽn welg toore. A na n yɩɩ wa kongr maoongã ne beegr maoongã sẽn yaa to-to wã.
11
A Aarõ kambã sẽn ya-b kom-dibli wã tõe n dɩɩ rɩ-kãnga. Yõwã yaa no-tũudg sẽn ka sɛta sẽn kẽed ne maoong sẽn yõogd bugum Sẽn-Ka-Saab yĩngã wɛɛngẽ, yãmb zamaan-dãmbã fãa yĩnga. La bũmb ning fãa sẽn na n sɩɩs-a na n welga toore.»
12
Sẽn-Ka-Saab goma ne a Moyiis n yeele:
13
«Daar ning b sẽn na n sudg a Aarõ ne a kambã zut kaamã, ad kũun ning bãmb sẽn na n kõ Sẽn-Ka-Saabo: ‹B tog n waa ne zom-bãaneg wamde, tɩ yɩ kũun wakat fãa yĩnga, la b welg zom wamdã a yiib n wa ne pʋɩ-sʋkã yibeoogo, la a wa ne pʋɩ-sʋk a to wã zaabre.
14
B tog n naga zomã ne kaam n kɩɩm-a ne rʋko. La bɩ f rɩk-a n kalem taab n wes-a n kõ tɩ yɩ kũun b sẽn kɩɩme, t'a yũugã yaa noog Sẽn-Ka-Saab yĩnga.
15
A Aarõ biig ning sẽn paam kaam sudgr n lebg maan-kʋʋd n na n deeg a ba wã zĩigã tog n kõo kũun-kãnga. Yaa no-tũudg sẽn ka sɛta Sẽn-Ka-Saab yĩnga. B tog n yõoga maoon-kãng bugum zãnga.
16
Maan-kʋʋd fãa kũun tog n yõoga bugum zãnga, la b ka tog n dɩk-a n dɩ ye.»
17
Sẽn-Ka-Saab goma ne a Moyiis n yeele:
18
«Yeel a Aarõ ne a kambã yaa: ‹Ad yel-wẽnã maoong tõog sẽn yaa to-to. Yaa zĩig ning b sẽn maand maoongã la b na n kodg rũngã b sẽn kõ yel-wẽnã yĩngã Sẽn-Ka-Saab taoore. Yõwã yaa bũmb sẽn welg toor zãnga.
19
Maan-kʋʋd ning sẽn na n kodg-a rũngã yel-wẽnã yĩngã tõe n dɩ-a lame. B tog n dɩ-a-la zĩig sẽn welg toorã pʋga, yaa sɛk roogã samandẽ.
20
Bũmb ning fãa sẽn na n sɩɩs-a maoongã nemd na n lebga bũmb sẽn welg toore. La a zɩɩmã sã n yɩk n tosg fuugu, bɩ f pek-a zĩig sẽn welg toorã pʋga, zĩig ning zɩɩmã sẽn yi wã.
21
B tog n wãaga tãnd dʋk ning b sẽn tall n kɩɩm nemdã. Sã n mikame tɩ yaa zũud rʋk la b tall n dʋg-a, bɩ y ru rʋkã, la y waaga ne koom.
22
La maan-kʋʋd fãa sẽn yaa rao tõe n dɩ-a lame. Yõwã yaa bũmb sẽn yaa sõama zãng fasɩ.
23
La b sã n maan maoong yel-wẽnã yĩnga, n yãk a zɩɩmã n tall n wa ne sɛk roogẽ wã n maan sugr kosg zĩ-sõngã pʋga, bɩ b ra rɩ-a ye. B tog n yõog-a-la bugum.»
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27