bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 25
Leviticus 25
Mossi MPBU (WẼNNAAM SEBRE 2014)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 26 →
1
Sẽn-Ka-Saab yeela a Moyiis Sinayi tãngã zug yaa:
2
«Gom ne Israyɛll nebã n wilg-b tɩ b sã n wa n tɩ kẽ tẽng ning mam sẽn kõ bãmbã pʋgẽ, bɩ b bas tẽn-gãongã t'a vʋʋse, tɩ rẽndã yɩ vʋʋsgo, Sẽn-Ka-Saab waoogr yĩnga.
3
Yãmb tõe n bʋda y pʋtã yʋʋm a yoobã pʋga, la y yos y reezẽ tɩɩse, la y wob b biisã yʋʋm a yoobã pʋse.
4
La yʋʋm a yopoeẽ soabã na n yɩɩ vʋʋsg yʋʋmde, tɩ y bas tẽn-gãongã t'a vʋʋse. Rẽndã yaa vʋʋsgo, Sẽn-Ka-Saab waoogr yĩnga. Yʋʋm-kãnga, yãmb ka tog n bʋd y pʋtã, la y ka tog n yos y reezẽ tɩɩsã ye.
5
Yãmb ka tog n tigs ka-yogd sẽn yi wã biisi, la y ka tog n wob y reezẽ tɩɩsã y sẽn ka yosã biis me ye. Bala, yaa vʋʋsg yʋʋmde. Yʋʋm-kãng yaa tẽn-gãongã vʋʋsg yʋʋmde.
6
Bũmb ning sẽn na n yi weoogã pʋg vʋʋsg yʋʋmdã pʋgẽ wã n na n dɩlg yãmb ne y yem-daadã, la y yem-pogsã, ne y tʋmtʋmdbã y sẽn dɩk n yaood-b ligdã, la ne nin-loogds nins sẽn yaa sãamb n be ne yãmbã,
7
n paas ne yãmb rũmsã ne we-rũmsã sẽn be yãmb tẽngẽ wã. Bõn-kãng biisã fãa n na n yɩɩ b rɩɩbo.»
8
«Bɩ y sõd vʋʋsg yʋʋm a yopoe-poe naoor a yopoe, sẽn dat n togs tɩ yʋʋm pis-naas la a wɛ.
9
Kiuug a yopoe soabã rasem piigã daar sẽn yaa yel-wẽnã sugr kosg daarã, bɩ y kɩt tɩ b peeb baorg ne pãnga, bɩ y peeb baorgã t'a rãamdã ta yãmb tẽngã tɛk fãa pʋga.
10
La bɩ y welg yʋʋmd pis-nu yʋʋmdã toore, n moon lohorem tõog yãmb tẽngã pʋga, nebã fãa yĩnga. Yʋʋm-kãng na n yɩɩ kɩdeng yʋʋmd yãmb yĩnga. La yãmb ned kam fãa na n leb n sooga a pʋto, la a lebg n leb a meng nebẽ.
11
Yʋʋm pis-nu yʋʋmdã na n yɩɩ kɩdeng yʋʋmd yãmb yĩnga. Yãmb ka tog n bʋde, la y ka tog n tigs bõn-koaadl ning sẽn yi a toor pʋtã pʋsã biisi, la y ka tog n wob reezẽ tɩɩsã y sẽn ka yosã biis ye.
12
Bala, yʋʋm-kãng yaa kɩdeng yʋʋmde. Bɩ y welg yʋʋm-kãng toore. Bɩ y rɩ pʋtã biisi.
13
Kɩdeng yʋʋmdã pʋga, yãmb ned kam fãa tog n leb n deega a sẽn dag n so.
14
Yãmb sã n na n koos bũmb ne y saam-biiga, wall y sã n dat n da bũmb a nengẽ, bɩ y ra wẽg-a ye.
15
Yãmb sã n dat n da y saam-biig bũmbu, bɩ y sõd n bãng kɩdeng yʋʋmdã sẽn loog yʋʋm sõore. La a tog n sõda yʋʋm sõor sẽn ket tɩ kɩdengã yʋʋmd ta wã n yaool n koos ne foom.
16
Yʋʋmã sõor sã n keta wʋsgo, bɩ f yao wʋsgo. La yʋʋmã sõor sã n ket bilfu, bɩ f yao bilfu. Bala, yaa bõn-bɩʋʋngã sasa sõor la a geend n yaool n koos ne foom.
17
Bɩ yãmb ned ba a yembr da wẽg a ba-biig ye, bɩ y zoe yãmb Wẽnnaamã. Bala, mam yaa Sẽn-Ka-Saab sẽn yaa yãmb Wẽnnaam.
18
Bɩ y sak m tõodã, ne m noyã, la y maan wa b sẽn yeelã. Dẽ, yãmb na n zĩnda y tẽngã pʋg ne bãane.
19
Yãmb tẽngã bõn-koaadl na n woma biisi, la yãmb na n dɩɩ n tɩgame, la y na n zĩnda beenẽ ne bãane.
20
Yãmb sã n sokdẽ: ‹Yʋʋm a yopoe wã pʋga, tõnd na n dɩɩ bõe, tɩ tõnd yaool n ka bʋtẽ, la d ka tigsdẽ?
21
Yʋʋm a yoobã pʋga, mam na n ninga yãmb barka, n kɩt tɩ bõn-koaadlã wom yʋʋm a tãab koodo.
22
La yʋʋm a nii yʋʋmdã pʋga, yãmb na n bʋdame, la y na n kell n dɩ y ka-kʋdgã n tɩ tãag yʋʋm a wɛ wã pʋga. Yãmb na n dɩɩ ka-kʋdgã hal tɩ ta bõn-bɩʋʋngo.
23
Yãmb ka tog n koos pʋʋg tɩ b soog-a wakat fãa yĩng ye. Bala, tẽn-gãongã yaa maam n so, tɩ bala, yãmb bee mam nengẽ wa sãamba, la wa kaoos-weto.
24
Dẽ wã, bɩ y zĩnig tõog tẽng ning mam sẽn kõ yãmbã fãa pʋgẽ, n wilgdẽ tɩ ned sã n koos a pʋʋgo, a tõe n leb n yao n deeg-a lame.
25
Naong sã n yõk yãmb ba-biiga, t'a yãk a pʋʋg n koose, yẽnda buudã ned sẽn yaa a meng roagd tõe n wa yaoome n deeg a ba-biigã pʋʋgã a sẽn koosã.
26
La sã n mik t'a ka tar ned a buudã sʋk sẽn tõe n yao n deege, tɩ yaa yẽnda mengã n na n yao n deege,
27
bɩ a sõd yʋʋm nins sẽn loog pʋʋgã koosg zugẽ wã, la a yao sẽn da-a pʋʋgã ligdã n dogl yõodo, la a leb n soog a pʋʋgã.
28
La sã n mikame tɩ yẽnda ka tar bũmb n na n yao n deege, pʋʋgã na n kell n paa raadã nugẽ n tãag kɩdeng yʋʋmdã. La kɩdeng yʋʋmdã pʋga, pʋʋgã na n leb n lebga a soabã rẽnda.
29
Ned sã n dɩk a zag-gãadg sẽn be tẽng sẽn gũbg ne lals pʋg n koose, yẽnda tog n basame tɩ ta yʋʋmd t'a yaool n yao n deeg a zakã. Yaa yʋʋmd a yembrã poor la yẽnda tõe n yao n deeg a zakã.
30
La b sã n ka tõog n yao n deeg zakã sẽn be tẽng sẽn tar lalsã pʋgã, n bas tɩ yʋʋmdã pidsi, zakã na n lebga ned ning sẽn da-a wã ne a yagensã rẽnd wakat fãa. La baa kɩdeng yʋʋmdã sã n ta, a ka na n leb n lebs-a ye.
31
La sã n yaa ne zags nins sẽn be tẽn-bãoonegã sẽn ka tar-b lalsã pʋsẽ wã, b tog n maana bãmb wa b sẽn maand pʋtã to-to wã. B tõe n leb n yaoome n deeg-a, la kɩdeng yʋʋmdã sã n ta, bɩ sẽn da-a zakã lebs zakã a soaba.
32
La sã n yaa ne Leevi buudã tẽmsã, ne zags nins sẽn yaa bãmb rẽndã, Leevi buudã tara noor wakat fãa tɩ leb n yao n deeg-ba.
33
Baa sã n yaa Leevi buudã ned n da zakã, kɩdengã yʋʋmd sã n ta, bɩ a yi n bas zakã, wall tẽngã yẽnda sẽn dag n so wã, tɩ bala, Leevi buudã zagsã ne tẽmsã sẽn be Israyɛll nebã sʋkã, yaa b soolem.
34
La b ka tog n dɩk pʋt nins sẽn pẽ bãmb tẽmsã n koos ye. Bala, rẽndã na n yɩɩ bãmb soolem wakat fãa yĩnga.»
35
«Fo ba-biig sẽn be ne foom, sã n wa lebg naong soaba, n ka tar bũmb n na n yao foom f samde, bɩ f sõng-a, baa sã n yaa sãana wall nin-loaagdga, bɩ f sõng-a t'a tõog n kell n vɩɩmde.
36
Bɩ f ra sõng-a n bao yõodo, wall bũmb roagleng ye. Zoe fo Wẽnnaamã, tɩ f ba-biigã tõe n vɩɩmd ne-fo.
37
Bɩ f ra peng-a ligd n baood yõod ye, la f ra kõ-a rɩɩb n baood bũmb a to ye.
38
Mam yaa Sẽn-Ka-Saab sẽn yaa yãmb Wẽnnaam. Maam n yiis yãmb Ezɩpt tenga, n wa kõ yãmb Kana tẽngã, sẽn na n yɩlẽ n kell n yɩ yãmb Wẽnnaam.
39
Naong sã n yõk f ba-biig sẽn be ne foomã, t'a rɩk a mengã n koos ne foom, bɩ f ra kẽes-a yembd tʋʋmdẽ ye.
40
Yẽnda tog n bee ne foom wa tʋmtʋmd sẽn dɩkd yaoodo, la wa nin-loaagdga. Yẽnda tog n tʋm n kõo foom hal tɩ ta kɩdeng yʋʋmdã.
41
Wakat-kãnga, fo tog n basa yẽnda ne a kambã tɩ b yi n lebg n leb b nebẽ, la b mengã yaab-rãmb soolem pʋgẽ.
42
Bala, Israyɛll nebã yaa mam tʋmtʋmdb mam sẽn yiis Ezɩpt tẽngã. B ka tog n koos bãmb wa b sẽn koosd yembs ye.
43
Fo ka tog n soog yẽnda ne pãng ye. Bɩ f zoe fo Wẽnnaamã.
44
Yaa soolem nins sẽn gũbg yãmbã pʋs la yãmb tog n tɩ yãk y yem-daoogo, wall y yem-poaka, tɩ b yɩ yãmb rẽnda. Yaa soolem-kãens pʋs la yãmb tog n kẽng n tɩ ra y yem-daoog bɩ y yem-poaka.
45
Yãmb tõeeme me n da sãambã sẽn be yãmb nengẽ wã kamba, wall buud nins sẽn be yãmb tẽngẽ wã kambã sẽn dog-b rãmbã. Bãmb na n yɩɩ yãmb n so.
46
Yãmb tog n dɩka bãmb tɩ b yɩ yãmb kambã sẽn na n pʋgl yãmbã rogem-pʋɩɩre, n yaa b soolem. Yãmb na n kell n talla bãmb tɩ b yɩ yãmb yembs wakat fãa yĩnga. La sã n yaa sẽn kẽed ne yãmb saam-biisã sẽn yaa Israyɛll nebã wɛɛngẽ, yãmb ned ba a yembr ka tog n soog a ba-biig ne pãng ye.
47
Sãana, bɩ nin-loaagdg sẽn be yãmb sʋkã sã n yaa rakãagre, tɩ naong yõk yãmb saam-biig sẽn be ne-a, t'a koos a meng ne sãanã, wall ne nin-loaagdgã sẽn be yãmb sʋkã, wall ne sãanã buud neda,
48
b tõe n kell n yaoome n deeg-a, baa ne a sẽn koos a mengã. Yẽnda ba-biig tõe n yao n deeg-a lame.
49
A ba wã yao bɩ a ba wã yao biiga, sã n ka rẽ bɩ a buudã ned tõe n yaoome n deeg-a. Wall sã n yaa yẽnda mengã n tar pãn-tõogo, a yao n deeg a menga.
50
Bɩ yẽnda ne ned ning sẽn da-a yẽnda wã sõd yʋʋmã sõore, sẽn sɩng ne yʋʋmd ning yẽnda sẽn koos a mengã, n tãag kɩdeng yʋʋmdã n bãng a sõore. La bɩ a yao wa sẽn zems yʋʋmã sõor sẽn yaa to-to wã. La b tog n geelga yaoodã tɩ zems wa b sẽn tog n yao tʋmtʋmd to-to wã.
51
La sã n mikame tɩ yaa yʋʋm wʋsg n ket tɩ kɩdeng yʋʋmdã yaool n ta, bɩ a yao wa sẽn zems sẽn da-a yẽnda wã ligd-raadgã.
52
La sã n mikame tɩ kɩdeng yʋʋmdã ka leb n zãra, bɩ b geelg yʋʋmã sõor n yao wa sẽn zems yʋʋm-kãens sẽn ketã.
53
Yʋʋmd fãa yaood na n zemsa tʋmtʋmd sẽn tʋmd ned nengẽ yaoodo, la y ra sak n bas tɩ b soog y ba-biigã ne pãng tɩ y getẽ ye.
54
La sã n wa n mik tɩ yõwã fãa pʋga, b ka tõog n yao n deeg y ba-biigã, bɩ a bas tɩ kɩdeng yʋʋmdã sã n ta, bɩ a peeg a kambã tɩ b tũ yẽnda n yi.»
55
«Bala, Israyɛll nebã yaa mam yembse. Bãmb yaa mam tʋmtʋmdb mam sẽn yiis Ezɩpt tẽngã. Mam yaa Sẽn-Ka-Saab sẽn yaa yãmb Wẽnnaam.»
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27