bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 14
Leviticus 14
Mossi MPBU (WẼNNAAM SEBRE 2014)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 15 →
1
Sẽn-Ka-Saab yeela a Moyiis yaa:
2
Daar ning b sẽn na n tall yĩn-gãong bãag soab n wa maan-kʋʋdã nengẽ tɩ b yɩlg-a wã, ad tõog ning sẽn kẽed bõn-kãng wɛɛngẽ.
3
Maan-kʋʋdã yita sik zĩigẽ wã n maag a meng n ges yĩn-gãong bãagã soaba, la a sã n mik t'a yĩn-gãong bãagã sãoogame n bas-a,
4
bɩ maan-kʋʋdã yeel tɩ b bao liuun-vɩɩs a yiib sẽn yaa yɩlmã, ne sɛɛdr tɩɩg raado, la peen-miuugu, ne izop tɩɩg vãad n tall n wa ne bãadã meng yɩlgr yĩnga.
5
La bɩ maan-kʋʋdã kɩt tɩ b kodg liuun-vɩɩg a yembr yagd laag ning ko-sõngã sẽn be a pʋgẽ wã zugu.
6
La bɩ a rɩk liuun-vɩɩg ning sẽn ketã, ne sɛɛdr tɩɩgã raado, la peen-miuugã n paas ne izop tɩɩgã vãadã, n suk liuul ning b sẽn kodg ko-sõngã zugã zɩɩm pʋga.
7
Bɩ a yãk zɩɩmã n mes ned ning sẽn dat-a yɩlgr ne a wãoodã naoor a yopoe. Dẽ poore, bɩ a wilg t'a soabã lebga yɩlemde, la a rɩk liuun-vɩɩgã n bas t'a yɩk n kẽ weoogã.
8
Ned ning sẽn paam-a yɩlgrã tog n pegsa a futu, la a põng a yĩngã kõbdã zãnga, la a so koom. Dẽ, a lebga yɩlemd zãnga. Rẽ sã n looge, a soabã tõe n yaool n kẽe sik zĩigã pʋga, la a tog n paa yɩng rasem a yopoe n yaool n kẽ a fu-roogẽ wã.
9
La rasem a yopoe wã daare, bɩ a põng a yĩngã kõbd zãnga, a põng a zugã, a toɛɛngã, ne a nin-kõbdã. Yaa a yĩngã kõbd zãng la a tog n põnge. Rẽ zugẽ, bɩ a pegs a futu, la a so koom. Dẽ, a lebga yɩlemde.
10
La rasem a nii wã daare, bɩ a soabã wa ne pe-ribli a yiibu sẽn ka tar zanga, ne pe-bi-sadg sẽn zems yʋʋmde, n ka tar zanga, la zom-bãaneg sẽn zems wamd pidingu, b sẽn nag ne kaam, n paas ne kaam sẽn zems litr pʋɩ-sʋka, tɩ yɩ bõn-koaadl kũuni.
11
Bɩ maan-kʋʋd ning sẽn get-a yɩlgrã yellã tall ned ning sẽn dat-a yɩlgrã ne a kũunã, n kolg Sẽn-Ka-Saab taoore, n yals sɛk roogã noore.
12
La bɩ maan-kʋʋdã reeg pe-ribl a yembre, n naag ne kaamã litr pʋɩ-sʋkã, n maan maoong tɩ yɩ kũun a beegrã sugr kũun yĩnga. La bɩ a kẽng ne bõn-kãens Sẽn-Ka-Saab taoore, n tɩ yuum-b wa sẽn zems miningã.
13
La bɩ maan-kʋʋdã kodg pe-riblã zĩig ning b sẽn kʋʋd beegr rũngã ne maoong sẽn yõogd bugmã, sẽn yaa zĩig sẽn welg toorã pʋgã. Bala, beegr maoongã rũngã, ne maoong sẽn yõogd bugmã rũng yaa maan-kʋʋdã n so. Yẽnda yaa bũmb sẽn welg toor wʋsgo.
14
Bɩ maan-kʋʋdã rɩk beegr maoongã zɩɩmã, n yãk n tẽk ned ning sẽn dat-a yɩlgrã rɩtg tʋbre, ne a rɩtg nug-raoogo, la a rɩtg nao-raoogo.
15
La bɩ maan-kʋʋdã rɩk kaamã litr pʋɩ-sʋkã n pʋdg a goabg nugã pʋga.
16
La bɩ maan-kʋʋdã tẽk kaamã sẽn be yẽnda goabg nugã pʋgã ne a rɩtg nug-bil n mes Sẽn-Ka-Saab taoor naoor a yopoe.
17
Maan-kʋʋdã tog n dɩka kaamã sẽn ket yẽnda nugẽ wã, n yãk bilf n tẽk ned ning sẽn dat-a yɩlgrã rɩtg tʋbre, ne a rɩtg nug-raoogo, la a rɩtg nao-raoogo. A tẽkdame n bʋʋg beegr maoongã zɩɩm yẽnda sẽn dag n tẽgsã.
18
Dẽ poore, maan-kʋʋdã rɩkda kaamã sẽn kell yẽnda nugẽ wã, n ning ned ning sẽn dat-a yɩlgrã zugu, n yiis nin-kãng yel-wẽnã Sẽn-Ka-Saab taoore.
19
Rẽ zugẽ, bɩ maan-kʋʋdã maan maoong n kos sugr a soabã yel-wẽnd yĩnga. Yẽnda tog n maana woto tɩ ned ning sẽn dat-a yɩlgrã rẽgdã tõe n paam yẽesgo. Rẽnda sã n sɛ, maan-kʋʋdã kodgda maoong sẽn yõogd bugmã rũnga.
20
Maan-kʋʋdã tog n dɩka maoong sẽn yõogd bugmã ne bõn-koaadl kũunã n naag taab n yõog bugum tẽn-kugrã zugu. Bɩ maan-kʋʋdã yɩlg-a, la a na n lebga yɩlemde.
21
Sã n mikame t'a yaa naong soab n ka tar pãn-tõog sẽn sekde, bɩ a bao pe-ribl-yend n wa ne tɩ yɩ beegr maoongã yĩnga, tɩ b yuum-a n maan paoosg yẽnda yĩnga. La a bao zom-bãaneg wam-yɛng sẽn nag ne kaam, la kaam litr pʋɩ-sʋk n wa ne tɩ yɩ kũuni.
22
La a wa ne wal a yiibu, wall man-wan-bi a yiib sẽn zems a pãnga, t'a yembrã yɩ maoong yel-wẽndã yĩnga, t'a to wã yɩ maoong sẽn yõogd bugmã yĩnga.
23
La rasem a nii wã daare, bɩ a tall kũun-kãens fãa n wa maan-kʋʋdã nengẽ, sɛk roogã noor Sẽn-Ka-Saab taoore, a mengã yɩlgr yĩnga.
24
Bɩ maan-kʋʋdã reeg pe-riblã ne kaamã litr pʋɩ-sʋkã n maan beegr maoongã, n yuum-a Sẽn-Ka-Saab taoore.
25
Bɩ maan-kʋʋdã kodg maoongã pe-riblã. La a tẽk beegr maoong rũngã zɩɩmã, n ning ned ning sẽn dat-a yɩlgrã rɩtg tʋbre, ne a rɩtg nug-raoogo, la a rɩtg nao-raoogo.
26
La bɩ maan-kʋʋdã rɩk kaamã n kiig a goabg nugã pʋga.
27
La bɩ a rɩk a rɩtg nug-bilã n tẽk kaamã sẽn be yẽnda nug-goabgã pʋgã n mes Sẽn-Ka-Saab taoor naoor a yopoe.
28
La maan-kʋʋdã tog n yãka zɩɩmã sẽn ket yẽnda nugẽ wã, n tẽk ned ning sẽn dat-a yɩlgrã rɩtg tʋbre, ne a rɩtg nug-raoogo, la a rɩtg nao-raoogo. A tog n tẽk-a lame n bʋʋg beegr maoongã zɩɩm yẽnda sẽn dag n tẽkã.
29
Bɩ maan-kʋʋdã rɩk kaam ning sẽn kell yẽnda nugẽ wã n kiig sẽn dat-a yɩlgrã zugu, n kɩt t'a paam a beegrã sugr Sẽn-Ka-Saab taoore.
30
Rẽ poore, bɩ a reeg wallã, bɩ man-wãn-bil a yembr ning a sẽn wa ne wa sẽn zems a sẽn maan a pãng sẽn tõe
31
n paamã, n maan maoong a beegrã yĩnga, la a rɩk a to wã n maan maoong sẽn yõogd bugum n naag ne bõnkoaadl kũunã. La bɩ maan-kʋʋdã maan yɩlgr tʋʋmd ned ning sẽn dat-a yɩlgrã yĩng Sẽn-Ka-Saab taoore.
32
Yõwã yaa ned sẽn tar wãood yɩlgr tõogo, t'a soabã paoong yaool n ka waoogẽ ye.
33
Sẽn-Ka-Saab leb n yeela a Moyiis ne a Aarõ yaa:
34
Yãmb sã n wa n ta Kana tẽngã mam sẽn kõ yãmb tɩ y soogã pʋgẽ, tɩ mam kɩt tɩ wãood bãag puk tẽngã roog zugu,
35
bɩ ned ning sẽn so-a roogã kẽng n tɩ togs maan-kʋʋdã n yeele: «Mam yãnda bũmb sẽn puk mam doogã zug wa bãaga.
36
Bɩ maan-kʋʋdã kõ noor tɩ b vaag roogã teed zãng tɩ yẽnda yaool n kẽ n maag a meng n ges bãagã. Woto, bũmb ning fãa sẽn dag n be roogã pʋgẽ wã ka rẽgem ye. Rẽ poore, bɩ maan-kʋʋdã kẽ n ges roogã.
37
Bɩ a ges bãagã. Maan-kʋʋdã sã n mik tɩ lond n be roogã lals zug n yaa kẽega, wall miuugu, n wẽnd wa a võda lalgã n kẽ pʋgẽ,
38
bɩ maan-kʋʋdã lebg n yi roogẽ wã, la a sã n ta roogã noore, bɩ a lebs roogã n pag n bas tɩ ta rasem a yopoe.
39
La rasem a yopoe wã daare, bɩ maan-kʋʋdã lebg n leb roogẽ wã. La a sã n tɩ mik tɩ bãagã yalga roogã lals zugu,
40
bɩ a kõ noor tɩ b yãk kug nins bãagã sẽn be b zutã, n tall-b n yi tẽngã kɩreng n tɩ lob zĩ-rẽgd zĩigẽ.
41
La bɩ maan-kʋʋdã kɩt tɩ b pẽeg roogã bolbã, n wʋk boalgã n yi tẽngã kɩreng n tɩ lob zĩ-rẽgd zĩigẽ.
42
Rẽ poore, bɩ b bao kug a taab n lebs b sẽn yãk-b rãmbã zĩigẽ. La b bao boalg a to n lebs n bol roogã.
43
La b sẽn yãgs kugã, la b pẽeg roogã boalgã, n lebs n bol-a wã poore, b sã n mik tɩ bãagã leb n pukame,
44
bɩ maan-kʋʋdã lebg n leb roogẽ wã, la a sã n yãnd tɩ bãagã yalga roogã lals zutu, wilgdame tɩ yaa wãood sẽn ka sɛt n tar doogã. Ro-kãng lebga bõn-dẽgdo.
45
Bɩ b siig roogã, la b wʋk a kugã ne a sugrã zãnga, ne roogã boalgã, n yi tẽngã kɩreng n tɩ lob zĩ-rẽgd zĩigẽ.
46
La roogã sẽn ket n pagã wakate, ned sã n kẽ a pʋgẽ, a soab na n yɩɩ rẽgd hal tɩ ta zaabre.
47
La ned ning sẽn na n gãand-a roogã pʋg tog n pegsa a futu. Ned ninga me sẽn na n dɩ-a roogã pʋg tog n pegsa a futu.
48
La b sẽn lebs roogã n bolã poore, maan-kʋʋdã sã n lebg n leb n tɩ mik tɩ bãagã ka yalge, bɩ a wilg tɩ roogã yaa yɩlemde. Tɩ bala, bãagã sɛɛme.
49
La b sã n na n yɩlg roogã, bɩ maan-kʋʋdã bao liuuli a yiibu, ne sɛɛdr tɩɩg raado, la peen-miuugu, ne izop vãado, n tall n wa.
50
Bɩ maan-kʋʋdã kodg liuul a yembr yagd laagẽ, ko-bundum sẽn be a pʋgẽ.
51
La bɩ a rɩk sɛɛdr tɩɩg raoogã, ne izop vãadã, la peen-miuugã, ne liuun-vɩɩgã, n suk bãmb liuul ning b sẽn kʋ wã zɩɩmã ne ko-bundmã sẽn be yagd laagã pʋgã. La a rɩk-a n mes roogã zug naoor a yopoe.
52
Maan-kʋʋdã sã n dɩk liuulã zɩɩm, ne ko-bundmã, la liuun-vɩɩgã ne sɛɛdr tɩɩgã raadã, la izop vãadã ne peen-miuugã n yɩlg roogã n sɛ,
53
bɩ a bas liuun-vɩɩgã t'a yɩke, n yi tẽngã n kẽ weoogo. Yaa woto la a tog n maan n yɩlg roogã, la roogã na n yɩɩ yɩlemde.
54
Yõwã yaa tõog wãood buud fãa ne rasempʋɩɩg buud fãa yĩnga,
55
la ne fut bãaga, la roog bãag yĩnga.
56
Yaa bã-moatga, ne nodr buud fãa sẽn pelge.
57
A yaa zãmsg sẽn wilg bũmb sẽn yaa rẽgdo ne bũmb sẽn ka rẽgdo. Woto yaa tõogo, wãood wɛɛngẽ.»
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27