bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 20
Leviticus 20
Mossi MPBU (WẼNNAAM SEBRE 2014)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
1
Sẽn-Ka-Saab yeela a Moyiis t'a
2
wilg Israyɛll nebã yaa: «Israyɛll nebã sʋk neda, wall sãan sẽn be yãmb sʋkã sã n dɩk a biig n kɩs tɩ b kõ Moloke, a soabã sɩbgr na n yɩɩ kũum. Tẽngã nebã tog n loba a soab ne kug t'a ki.
3
Mam na n kisga a soabã, la m na n yiisa a soabã a buudã sʋk n kɩt tɩ b kʋ, tɩ bala, yẽnda rɩka a biig n kɩs tɩ b kʋ n kõ Moloke, n kɩt tɩ mam sɛk roogã rẽgme, la a kɩt tɩ mam yʋʋrã sẽn welg toorã paam paoogre.
4
Tẽngã nebã sã n yãk yam n mum b nin n bas ned ning sẽn dɩk-a a biig n kõ Molokã, la b sã n bas-a n ka kʋ,
5
mam meng n na n sɩbg a soabã, la m sɩbg a buudã, la mam na n yiisa a soabã a buudã sʋka, la mam na n yiisa neb nins fãa sẽn wẽnemd n bas maam n maan yoob ne a Molokã.
6
Ned sã n wẽnemd n bas maam n pʋʋs kɩɩmse, wall a bas n pʋg bagba, bõn-kãng wẽnda yoobo, la mam na n wẽnemdame n zab ne a soabã, la m na n yiis-a-la a buudã sʋka.
7
Bɩ y yɩlg y mens n yɩ pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.
8
Bɩ y sak mam tõodã, n sak n maan wa b sẽn wilgã. Mam yaa Sẽn-Ka-Saabo, la yaa maam n welg yãmb toore.
9
Ned sã n tʋʋs a ba, bɩ a ma, a soab sɩbgr tog n yɩɩ kũum. Yẽnda sẽn tʋʋs a ba wã bɩ a ma wã yĩnga, yẽnda zɩɩmã raagr taal be a meng zugu.
10
Ned sã n maan yoob ne pag sẽn tar sɩda, a sã n maan yoob ne a to paga, bɩ b kʋ pagã ne raoã sẽn yaa yoaadbã fãa.
11
Rao sã n kẽ ne a ba paga, n ning a ba wã yãnde, bɩ b kʋ raoã ne pagã, la bãmb zɩɩmã taal bee b meng zugu.
12
Rao sã n kẽ ne a bi-paga, bɩ b kʋ bãmb b yiibã fãa. Bãmb maana yel-beedo, dẽ bãmb zɩɩmã taal bee bãmb meng zugu.
13
Raop a yiib sã n gãand taab wa rao sẽn kẽed ne pag to-to wã, bãmb b yiibã fãa maana yel-beedo. Bãmb b yiibã fãa tog n kiime, la bãmb zɩɩmã taal be b meng zugu.
14
Rao sã n dɩk bi-pugl ne a ma n maan a pagba, yaa yãn-tʋʋmã. Bɩ b yõog raoã ne pagbã fãa bugum, sẽn na n yɩlẽ tɩ yãn-tʋʋm-kãngã ra leb n zĩnd yãmb sʋk ye.
15
Rao sã n gãand rũnga, bɩ b kʋ a soabã, la b kʋ rũngã me.
16
Pag sã n dɩk a meng n kõ rũng t'a gãand-a, bɩ b kʋ pagã ne rũngã fãa. Bɩ y kʋ-ba, la b zɩɩmã taal bee b meng zugu.
17
Rao sã n peeg a tão-poaka, n kẽ ne-a, sã n yaa a ba-biig bɩ a ma-biiga, yaa yãnde. Bɩ b rig-b b tẽngã nebã fãa nifẽ n yiis b buudã sʋka. Bala, rao-kãng kẽe ne a tão, la a kongrã taal be a meng zugu.
18
Rao sã n peeg pag n kẽ ne-a a pekr wakate, n yãnd pagã zɩɩmã, tɩ pagã me yã zɩɩmã, bɩ b rig bãmb b yiibã fãa n yiis b buudã sʋka.
19
Bɩ f ra sak n kẽ ne f ma tão-poaka, wall ne f ba tão-poak ye. Bala, f maana yãnd ne f roagdba. Neb nins sẽn maan-b woto wã kongrã taal na n zĩnda b mens zutu.
20
Rao sã n kẽ ne a ba kẽem paga, bɩ a ba yao paga, bãmb yel-wẽndã taal na n zĩnda b meng zugu, la bãmb na n kiime n ka paam biig ye.
21
Ned sã n dɩk a ba-biig pag n maan a paga, a maana rẽgdo. Bãmb ka na n tol n paam kamb ye.
22
Bɩ y sak mam no-tũudsã fãa ne mam noyã fãa, la y ning-b b nao-kẽndr zugu, dẽ, tẽng ning mam sẽn na n tall yãmb n kẽng tɩ y tɩ zĩnd a pʋgẽ wã ka na n zãgs yãmb ye.
23
Bɩ y ra sak buud nins mam sẽn na n dig yãmb taoorã no-tũudsã ye. Bala, bãmb maana tʋʋm-be-kãensã fãa tɩ mam yamã yi-ba.
24
Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.
25
Yaa rẽ yĩnga, tɩ yãmb tog n bãng rũms nins sẽn yaa yɩlmã n welg ne rũms nins sẽn ya-b rẽgdã, la y bãng bõn-yɩgdɩ nins sẽn yaa rẽgdã n welg ne sẽn ya-b yɩlmã wã, sẽn na n yɩlẽ tɩ yãmb mensã ra lebg bõn-dẽgd rũm-bãmbã yĩnga, la ne bõn-yɩgdɩ wã, la ne bũmb nins fãa sẽn saagd tẽn-gãongã zugã mam sẽn lebs kɛɛng n wilg-y tɩ b yaa rẽgdã yĩng ye.
26
Yãmb tog n yɩɩ pʋ-peelem dãmb mam yĩnga, bala, maam a Sẽn-Ka-Saab yaa pʋ-peelem soaba. Mam welga yãmb toor buud a taabã sʋka, tɩ yãmb tõe n yɩ mam dẽnda.
27
Rao bɩ pag sã n tar pãn-tõog n tõe n bool kɩɩms wall a yaa baga, bɩ b kʋ-ba. B tog n loba bãmb ne kug tɩ b ki. La bãmb zɩɩmã taal na n zĩnda b meng zugu.»
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27