bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 15
Leviticus 15
Mossi MPBU (WẼNNAAM SEBRE 2014)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 16 →
1
Sẽn-Ka-Saab yeela a Moyiis ne a Aarõ yaa:
2
«Yeel-y Israyɛll nebã yaa: ‹Taoor bãag sã n yõk raoa, kɩtdame t'a lebg rẽgdo.
3
Ad bũmb ning yĩng sẽn kɩt tɩ taoor bãagã sẽn tar a soabã lebg rẽgdã. A zɩɩm sã n yita wall ka yita, baoosg zãnga, a soabã ket n yaa rẽgdo.
4
Sã n wa yaa a woto, ned ning zɩɩm sẽn yitã sẽn gãand gãag ning zugu, gã-kãng lebga rẽgdo, la a soabã sẽn na n zĩnd bũmb ning zug fãa lebgda rẽgdo.
5
Ned sã n sɩɩs gã-kãngã, bɩ a soab pegs a futu, la a so koom, la baoosgo, a na n yɩɩ rẽgd hal tɩ ta zaabre.
6
Ned sã n zomb zĩig ning ned ning zɩɩmã sẽn daagdã sẽn zombẽ wã, a soabã tog n pegsa a futu, la a so koom, la baoosgo, a na n yɩɩ rẽgd hal tɩ ta zaabre.
7
Ned sã n sɩɩs rao ning zɩɩmã sẽn daagd a soabã yĩnga, a tog n pegs a futu, la a so koom, la baoosgo, a na n yɩɩ rẽgd hal tɩ ta zaabre.
8
Ned ning zɩɩm sẽn daagdã sã n tʋbs ned sẽn yaa yɩlemde, nin-kãng tog n pegs a futu, la a so koom, la baoosgo, a na n yɩɩ rẽgd hal tɩ ta zaabre.
9
Ned ning zɩɩm sẽn daagdã sẽn na n zomb gaar ning fãa n tog sore, gaarã lebgda rẽgdo.
10
Ned ning zɩɩm sẽn daagdã sã n zĩnd n bʋʋg bũmbu, baa sẽn yaa bũmb ninga, tɩ ned sɩɩs bũmbã, nin-kãng tog n pegsa a futu, la a so koom, la baoosgo, a na n yɩɩ rẽgd hal tɩ ta zaabre.
11
Ned ning zɩɩm sẽn yitã sã n sɩɩs neda, n ka reng n pegs a nusã ne koom, bɩ a soabã pegs a futu, la a so koom, la baoosgo, a na kell n yɩɩ rẽgd hal tɩ ta zaabre.
12
Ned ning zɩɩm sẽn yitã sã n sɩɩs yagd laoko, bɩ b wãag laok-kãnga, la a sã n yaa laok sẽn maan ne raoogo, bɩ b los-a koomẽ n peke.
13
Ned ning sẽn tar-a pend bãag t'a zɩɩm yitã sã n dat n yɩlg a menga, bɩ a rɩk rasem a yopoe tõr a yɩlgrã yĩnga. Yẽnda tog n pegs a futu, la a tɩ bao ko-bundum n so, n yaool n tõog n yɩ yɩlemde.
14
La rasem a nii wã daare, bɩ a bao wal a yiibu, wall man-wan-bi a yiibu, n kẽng Sẽn-Ka-Saab taoore, sɛk roogã noore, n dɩk-b n kɩs maan-kʋʋdã.
15
La bɩ maan-kʋʋdã reeg-b n dɩk a yembr n maan yel-wẽnã maoongo, la a rɩk a to wã, n maan maoong sẽn yõogd bugum. Bɩ maan-kʋʋdã maan a woto n yɩlg a soabã Sẽn-Ka-Saab taoore, a zɩɩmã sẽn yitã yĩnga.
16
Rao rogem bõn-buud koom sã n daagdẽ, a soabã tog n so a yĩngã tõr koom, la a na n kell n yɩɩ rẽgd hal tɩ ta zaabre.
17
Rogem bõn-buudã koom sã n daag n mad fuugu, wall gãongo, bɩ b los-b koomẽ n pegse, la b na n kell n yɩɩ rẽgd hal tɩ ta zaabre.
18
Rao ne pag sã n kẽ ne taaba, bɩ b so koom, la b na n kell n yɩɩ rẽgd hal tɩ ta zaabre.› »
19
«Pag sã n yãnd a pekre, a na n yɩɩ rẽgd hal tɩ ta rasem a yopoe tõre. La ned sã n sɩɩs-a, yẽnda soab na n yɩɩ rẽgd hal tɩ ta zaabre.
20
Pʋg-kãng sã n gãand gãag zug a pekrã wakate, gãagã na n yɩɩ rẽgdo, la bũmb ninga fãa zug pʋg-kãng sẽn na n zomb na n yɩɩ rẽgdo.
21
Ned ning sẽn na n sɩɩs-a gãag ning pʋg-kãng sẽn gãand a zugã, tog n pegs a futu, la a so koom, la a na n kell n yɩɩ rẽgd hal tɩ ta zaabre.
22
Ned ning sẽn sɩɩs-a bũmb ning pʋg-kãng sẽn zombã, a soabã tog n pegsa a futu, la a so koom, la a na n kell n yɩɩ rẽgd hal tɩ ta zaabre.
23
Pagã sẽn gãand gãag ning zugã, wall a sẽn zomb bũmb ningã, ned sã n sɩɩs-ba, a soab na n yɩɩ rẽgd hal tɩ ta zaabre.
24
Rao sã n gãand ne pʋg-kãngã, t'a zɩɩmã sẽn daagdã bol-a, rao-kãng na n yɩɩ rẽgd hal tɩ ta rasem a yopoe, la gãag ning fãa zug rao-kãng sẽn na n gãandã na yɩɩ rẽgdo.
25
Pag zɩɩm sã n daagdẽ t'a pekr wakat ka ta, wall a pekrã sã n kaoos n yɩɩg rasem sõor ning sẽn zems pekr rasmã, pʋg-kãng na n yɩɩ rẽgd hal n tãag a zɩɩmã raagr sɛɛbo, wa yẽnda sẽn yãnd a pekrã wakatã.
26
La yẽnda sẽn na n gãand gãag ning fãa zug na n kell n yɩɩ rẽgd wa gãag ning zug yẽnda sẽn gãand a pekrã wakatã, la bũmb ning fãa yẽnda sẽn na n zomb a zugu, a na n yɩɩ rẽgd wa yẽnda sẽn yãnd a pekrã wakatã.
27
Ned ning sẽn na n sɩɩs-a bãmb na n yɩɩ rẽgdo. A soabã tog n pegs a futu, la a so koom, la a na n kell n yɩɩ rẽgd hal tɩ ta zaabre.
28
Pagã sã n paam yɩlgr ne a zɩɩmã sẽn daagdã, na n taa rasem a yopoe, t'a yaool n yɩ yɩlemde.
29
La rasem a nii wã daare, bɩ a bao wal a yiibu wall man-wan-bi a yiibu, n tall n tɩ kɩs maan-kʋʋdã sɛk roogã noore.
30
La bɩ maan-kʋʋdã reeg-b n yãk a yembr n maan yel-wenã maoongo, la a rɩk a to wã n maan maoong sẽn yõogd bugum. Bɩ maan-kʋʋdã maan a woto n yɩlg-a Sẽn-Ka-Saab taoore, t'a paam a meng ne zɩɩmã sẽn dag n dẽgm-a wã.
31
Bɩ y kɩt tɩ Israyɛll nebã sã n wa be rẽgd pʋga, bɩ b zãag b mens ne sɛk-roogã. Dẽ, bãmb ka na n ki b rẽgdã yĩng ye. Yaa sẽn na n yɩlẽ tɩ bãmb da wa rẽgem mam sɛk-zĩigã sẽn be bãmb sʋkã ye.
32
Woto yaa tõog pend bãag yĩnga, la ne rogem bõn-buud koom sẽn daagd yĩnga.
33
Yaa pag sẽn yãnd a pekre, wall pag bɩ rao zɩɩm sẽn daagde, la rao sẽn na n kẽ ne pag sẽn yãnd a pekre.»
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27