bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 8
Leviticus 8
Mossi MPBU (WẼNNAAM SEBRE 2014)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
1
Sẽn-Ka-Saab goma ne a Moyiis n yeel-a yaa:
2
«Peeg a Aarõ ne a kom-dibli wã, la f rɩk fut ne kaam ning b sẽn pʋdgd maan-kʋʋdbã zutã, ne loalg sẽn na n maan maoong yel-wẽnã sugr yĩnga, la f wa ne pe-raad a yiibu, ne bur sẽn ka ning rã-bɩll peoogo.
3
La f tigim Israyɛll nebã fãa sɛk roogã noore.»
4
A Moyiis maana wa Sẽn-Ka-Saab sẽn yeel yẽnda wã. La nebã wa n tigma taab sɛk roogã noore.
5
A Moyiis yeela nebã yaa: «Sẽn-Ka-Saab sẽn yeel tɩ d maan bũmb ningã la woto.»
6
A Moyiis kɩtame t'a Aarõ ne a kom-dibli wã kolge, la yẽnda kɩtame tɩ b so bãmb koom.
7
La a rɩka fuugã n yeelg a Aarõ, la a rɩk sẽbdg n sẽbg a Aarõ sɛɛgã. A Moyiis yeelg-a-la fu-wokã, la a ning-a yãoog lilldgã, la a naag-a n loe ne yãoog lilldgã sẽbdg a poorẽ wã.
8
B rɩka yãoog lilldg n ning-a, la b rɩk Urimã ne Tumimã n ning pʋgẽ.
9
A Moyiis leb n dɩka rĩ-tɛɛgã n vil a Aarõ zugã, n yaool n dɩk maan-kʋʋr bãndã sẽn maan ne sãnemã n ning a rĩirẽ wã n naage, wa Sẽn-Ka-Saab sẽn dag n yeel a Moyiis t'a maan to-to wã.
10
Rẽ poore, a Moyiis rɩka bark ningr kaamã n ning sɛk roogã, ne bũmb nins fãa sẽn dag n be a pʋgẽ wã n welg-b toore.
11
A Moyiis rɩka kaamã n mes tẽn-kugrã naoor a yopoe, la a mes tẽn-kugrã ne a teedã fãa, la ne yɩlg-m-meng laagã ne a rogendsã.
12
A Moyiis rɩka bark ningr kaamã n sudg a Aarõ zug n na n welg-a toore.
13
A Moyiis kɩtame t'a Aarõ ne a kom-dibli wã kolge, la a yeelg-b-la b futã, n sẽbg-b ne sẽbdse, la a fõgen bãmb pugli wa Sẽn-Ka-Saab sẽn dag n yeel a Moyiisã.
14
A Moyiis kɩtame tɩ b kolg ne loalg ning b sẽn na n maan maoong yel-wẽnã yĩngã. Dẽ, a Aarõ ne a kom-dibli wã rɩka b nus n palg loalg ning sẽn na n maan maoong yel-wẽnã yĩngã zugã.
15
A Moyiis kodga loalgã, n dɩk a zɩɩmã, n tẽk ne nug-bil n ning tẽn-kugrã kũnã zĩigẽ, n gilg tẽn-kugrã n yɩlg-a. A Moyiis rɩka zɩɩmã n walg tẽn-kugrã kɩremsã n yɩlg-a.
16
La a Moyiis rɩka pʋ-teedã kaamã zãnga, ne sãoorã kaamã, ne yiim a yiibã ne b kaamã, n yõog bugum tẽn-kugrã zugu.
17
La b rɩka loalgã gãongã, a nemdã ne a bĩndã n yiis sik zĩigã yɩng n yõog bugum, wa Sẽn-Ka-Saab sẽn dag n yeel a Moyiisã.
18
La a Moyiis kɩtame tɩ b wa ne maoong sẽn yõogd bugmã pe-raoogã. A Aarõ ne a kom-dibli wã rɩka b nus n tik pe-raoogã zugu.
19
Dẽ, a Moyiis kodga pe-raoogã, n dɩk a zɩɩmã n daag n gilg tẽn-kugrã kɩremsã.
20
A Moyiis pasa pe-raoogã, n dɩk a zugã ne a nem-võyã la a kaamã n yõog bugum.
21
A Moyiis peka pe-raoogã pʋ-teedã ne a karsã ne koom, la a rɩk pe-raoogã tõr n yõog bugum tẽn-kugrã zugu. Rẽndã yɩɩ maoong sẽn yõogd bugum, t'a yũugã yaa noog Sẽn-Ka-Saab yĩnga, tɩ yɩ wa Sẽn-Ka-Saab sẽn dag n yeel a Moyiisã.
22
A Moyiis waa ne pe-raoog a to wã. Pe-rao-kãng yaa maan-kʋʋr tʋʋmd sɩngr maoong peosgo. A Aarõ ne a kom-dibli wã rɩka b nus n palg pe-raoogã zugu.
23
A Moyiis kodga pe-raoogã, n yãk a zɩɩmã n tẽgs a Aarõ rɩtg tʋb-kɩrgã, ne a rɩtg nug-raoogã, ne a rɩtg nao-raoogã.
24
Dẽ, a Moyiis kɩtame t'a Aarõ kom-dibli wã kolge, la yẽnda rɩka zɩɩmã n tẽgs b rɩtg tʋb-kɩrsã, ne b rɩtg nug-raadã, la b rɩtg nao-raadã. La a Moyiis rɩka zɩɩmã sẽn kellã n daag n gilg tẽn-kugrã kɩremsã fãa.
25
A Moyiis yãka kaamã, ne zʋʋrã, ne kaam ning sẽn gãneg pʋ-teedã zutã, ne kaam ning sẽn be sãoorã zugã ne yiim a yiibã ne b kaamã, n paas ne rɩtg gerã.
26
A Moyiis gesa bur sẽn ka ning rã-bɩllã peoogã sẽn dɩg Sẽn-Ka-Saab taoorã pʋga, n yãk boaal-boaal sẽn ka ning rã-bɩlle, ne bur sẽn nag ne kaam, la samsa. La a rɩk-b lame n dogl rũngã kaamã ne rɩtg gerã zugu.
27
La a Moyiis rɩka rẽ fãa n ning a Aarõ ne a kom-dibli wã nusẽ, n kɩt tɩ b yuum-a Sẽn-Ka-Saab taoore, tɩ yɩ kũuni.
28
Dẽ poore, a Moyiis reega kũun-kãens bãmb nengẽ n yõog bugum tẽn-kugrã zugu, n naag maoong sẽn yõogd bugmã. Yaa rẽndã n yaa maan-kʋʋr tʋʋmd sɩngr maoongo. Woto yaa maoong sẽn yõogd bugum t'a yũug yaa noog Sẽn-Ka-Saab yĩnga.
29
A Moyiis rɩka pe-raoogã yãoog n yuum Sẽn-Ka-Saab taoore. Rẽnda n yɩ a Moyiis pʋɩɩr wa Sẽn-Ka-Saab sẽn dag n yeel yẽnda wã.
30
A Moyiis rɩka bark ningr kaamã ne zɩɩmã sẽn dag n be tẽn-kugrã zugã n mes a Aarõ ne a futã, la a mes a kom-dibli wã me ne b futã. Woto, yẽnda welga a Aarõ ne futã, la a kom-dibli wã me ne b futã toore, b tʋʋmdã yĩnga.
31
Dẽ, a Moyiis yeela a Aarõ ne a kambã yaa: «Kɩt-y tɩ b rʋg nemdã sɛk roogã noore, la yaa beenẽ la yãmb tog n wãb nemdã, ne bur ning sẽn be peoogã pʋgã, wa mam sẽn dag n yeel yãmb tɩ yaa a Aarõ ne a kom-dibli wã n tog n dɩ-a wã.
32
La yãmb tog n dɩka nemdã ne burã sẽn kellã n yõog bugum.
33
La yãmb na n paa sɛk roogã noor rasem a yopoe, hal tɩ yãmb yãkrã rasem wa sɛ. Bala, yaa rasem a yopoe n tog n yɩ yãkrã yĩnga.
34
Bũmb ning sẽn maand rũndã wã, yaa Sẽn-Ka-Saab n yeel tɩ b maan-a yãmb yɩlgr yĩnga.
35
Dẽ wã, yãmb na n paa sɛk roogã noor rasem a yopoe. La yʋng ne wĩndga, yãmb tog n maana wa Sẽn-Ka-Saab sẽn yeelã, sẽn na n yɩl tɩ yãmb da ki ye. Bala, Sẽn-Ka-Saab dag n yeela maam woto.»
36
A Aarõ ne a kom-dibli wã maana bũmbã fãa wa Sẽn-Ka-Saab sẽn kɩt t'a Moyiis togs bãmbã.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27