bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 27
Leviticus 27
Mossi MPBU (WẼNNAAM SEBRE 2014)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Sẽn-Ka-Saab yeela a Moyiis yaa:
2
«Yeel Israyɛll nebã yaa: ‹Ned sã n pʋlem Sẽn-Ka-Saab n yeel t'a na n kõo ninsaala, bɩ a yao ligd sẽn zems b sẽn wilgã.
3
Sã n yaa rao sẽn zems yʋʋm pisi tɩ ta yʋʋm pis-yoob yaoodo, bɩ f geelg sẽn zems wanzuri wakɩ-koeems pis-nu n yao, wa sẽn zems sɛk roogã bõn-makdgã.
4
La sã n yaa paga, bɩ f geelg sẽn zems wanzuri wakɩ-koeems pis-tã n yao.
5
Yẽnda sẽn dɩk a soab n pʋlmã sã n yaa ned sẽn zems yʋʋm a nu tɩ ta yʋʋm pisi, bɩ f geelg sẽn zems wanzuri wakɩ-koeems pisi bi-ribl yĩnga, la wanzuri wakɩ-koeems piiga, bi-pugl yĩnga.
6
La a soabã sã n zemsa kiuug a yembre, n tɩ ta yʋʋm a nu, bɩ f geelg sẽn zems wanzuri wakɩ-koeems a nu, bi-ribl yĩnga, la wanzuri wakɩ-koeems a tãabo, bi-pugl yĩnga.
7
La sã n yaa ned sẽn tar yʋʋm pis-yoobe, bɩ sẽn yɩɩd woto, bɩ f geelg sẽn zems wanzuri wakɩ-koeems piig la a nu rao yĩnga, la wanzuri wakɩ-koeems piiga, pag yĩnga.
8
La sã n mikame tɩ ned ning sẽn maan-a pʋlengã yaa naong soab wʋsg n ka tar n na n yao wa sẽn zems gɛɛlã, bɩ b tall-a n kẽng maan-kʋʋdã nengẽ, la bɩ maan-kʋʋdã geelg n zems sẽn maan-a pʋlengã sẽn tõe n yao.
9
La sã n yaa rũng sẽn zems b sẽn tõe n dɩk n maan maoong n kõ Sẽn-Ka-Saabo, dẽ, b sẽn pʋlem rũng ningã fãa na n kell n yɩɩ Sẽn-Ka-Saab rẽnda.
10
B ka tog n tek rũngã, la b ka tog n dɩk rũm-sõngã n tek ne rũng sẽn ka sõama ye. B ka tõe n dɩk rũng sẽn ka sõama n tek ne rũm-sõng ye. B sã n dɩk rũng n tek ne a to, rũms a yiibã fãa na n lebga Sẽn-Ka-Saab rẽnda.
11
La sã n mikame tɩ rũngã yaa rũm-dẽgdo, tɩ b ka tõe n dɩk-a n maan maoong n kõ Sẽn-Ka-Saabo, baa sẽn yaa rũng ninga, bɩ a tall rũngã n kẽng maan-kʋʋdã nengẽ.
12
La bɩ maan-kʋʋdã ges rũngã n wilg a sã n yaa rũm-sõng bɩ a ka rũm-sõngo, la a saag a ligdã, la maan-kʋʋdã sẽn yeel ligd ningã la b tog n yao.
13
La b sã n dat n leb n yao n deeg rũngã, bɩ b rogl yaoodã sẽn pʋɩ zĩis a nu pʋɩɩr a yembre, yaoodã zugu.
14
Ned sã n dɩk a roog n kõ Sẽn-Ka-Saabo, bɩ maan-kʋʋdã ges roogã n bãng a sã n yaa sõama wall ka sõama, n wilg a ligdã wa sẽn zems a sẽn yaa to-to wã, la roogã soab na n yaoo wa maan-kʋʋdã sẽn yeel bũmb ningã.
15
La roogã soab sã n dat n leb n yao n deeg a roogã, bɩ a rogl roogã ligd sẽn pʋɩ zĩis a nu pʋɩɩr a yembre, yaoodã zugu. Dẽ, roogã na n leb n lebga yẽnda rẽnda.
16
Ned sã n dɩk a pʋʋg n kõ Sẽn-Ka-Saabo, bɩ f geelg t'a ligdã zems wa pʋʋgã kood waooglem sẽn yaa bũmb ningã. Kood konkong piig a la a nii la bɛk ligd segd n zemsa wanzuri wakɩ-koeems pis-nu.
17
Sã n yaa sẽn sɩng ne kɩdeng yʋʋmdã la yẽnda rɩk a pʋʋgã n kõ Sẽn-Ka-Saabo, bɩ a yao wa sẽn zems fo sẽn geelg to-to wã.
18
La sã n mikame tɩ yaa kɩdeng yʋʋmdã poor la a rɩk a pʋʋgã n kõ, bɩ maan-kʋʋdã geelg ligdã tɩ zems yʋʋm sõor ning sẽn ket tɩ kɩdeng yʋʋmdã yaool n ta wã, n boog-a tɩ zems fo sẽn geelg n wilgã.
19
Ned ning sẽn dɩk-a a pʋʋgã n kõ wã sã n dat n yao n leb n deeg a pʋʋgã, bɩ a rogl pʋʋgã yaood sẽn pʋɩ zĩis a nu pʋɩɩr a yembr yaoodã zugu, la pʋʋgã na n kell n yɩɩ yẽnda rẽnda.
20
La yẽnda sã n ka yao n deeg a pʋʋgã, tɩ b rɩk-a n koos ne ned a to, b ka leb n tõe n yao n deeg-a ye.
21
Ned ning sẽn dag n da-a pʋʋgã sã n bas tɩ kɩdeng yʋʋmdã ta, pʋ-kãng na n lebga Sẽn-Ka-Saab rẽnda, n yaa pʋʋg sẽn welg toore. Yaa maan-kʋʋdã n so pʋ-kãnga.
22
La ned sã n da pʋʋgo, n dɩk-a n kõ Sẽn-Ka-Saabo, tɩ yaool n ka yẽnda meng pʋʋgo,
23
bɩ maan-kʋʋdã geelg yʋʋm sõor ning sẽn ket tɩ kɩdeng yʋʋmdã ta wã, n wilg a sẽn geelã ligdi, n kɩt tɩ sẽn dɩk-a pʋʋgã n kõ wã yao. La yaa badaar bal la a tog n yao. Bala, lebga Sẽn-Ka-Saab rẽnda.
24
La kɩdeng yʋʋmdã sã n ta, bɩ b rɩk pʋʋgã n leb n lebs ned ning sẽn dag n koos-a wã. Bala, dag n yaa yẽnda pʋʋgo.
25
Gɛɛl buudã fãa tog n zemsa ne sɛk roogã magdgã. Wanzuri koɛɛng a yembr yaa wakɩy piiga.
26
Ned ka tõe n dɩk a rũng bi-rẽeng n kõ Sẽn-Ka-Saabo, sã n yaa naafo wall pesgo, wall bʋʋg ye. Bala, bi-rẽeng fãa zoe n yaa Sẽn-Ka-Saab rẽnda.
27
La sã n mikame tɩ yaa rũm-dẽgd bi-rẽenga, a soabã tõe n yaoo n deeg-a lame. La a tog n dogla rũngã yaood sẽn pʋɩ zĩis a nu yaood ning maan-kʋʋdã sẽn wilgã zugu. La a sã n ka tõog n yao n deeg-a, bɩ maan-kʋʋdã koos-a wa sẽn zems yaood ning yẽnda sẽn wilgã.
28
Bũmb ning fãa ned sẽn na n dɩk n kõ Sẽn-Ka-Saabo, b sẽn dɩk n kõ tɩ lebg Sẽn-Ka-Saab rẽnda, b ka tõe n koos-a wall b yao n deeg-a, baa sẽn yaa bũmb ning fãa. Sã n yaa ninsaala, rũnga wall pʋʋg sẽn yaa yẽnda soolem.
29
La b sã n dɩk ninsaal n kõ Sẽn-Ka-Saabo, b ka tõe n yao n deeg-a ye. B tog n kʋ a soabã.
30
Bũmb sẽn be me, b tog n yãka tẽn-gãongã bõn-koaadl biis piig pʋɩɩr n kõ Sẽn-Ka-Saabo. Sã n yaa bũmb ning b sẽn bʋt tẽn-gãongã zugu, wall tɩɩsã biisi, yaa Sẽn-Ka-Saab rẽndã. Bõn-kãng yaa bũmb sẽn welg toor Sẽn-Ka-Saab yĩnga.
31
Ned sã n dat n lebg n deeg a piig pʋɩɩrã bɛk n da, bɩ a soabã rogl yaoodã sẽn pʋɩ zĩis a nu pʋɩɩr a yembre.
32
La sẽn kẽed ne rũmsã piig pʋɩɩre, sã n yaa rũm-bãooneg wall rũm-bɛda, piig fãa pʋgẽ, a yembr yaa Sẽn-Ka-Saab n so. Yẽnda tog n tẽega rasaare, tɩ rũmsã fãa pɩʋʋgd rasaarã tẽngr n loogdẽ. La piigẽ soabã, a ningd-a-la bãnd t'a lebg Sẽn-Ka-Saab rẽnda.
33
La wakat-kãnga, rũmsã soab ka tog n tũusi, sã n yaa rũm-sõng bɩ rũm-dẽgd ye. Yẽnda sã n dɩk rũng a to n tek ne a to, bãmb b yiibã fãa na n lebga Sẽn-Ka-Saab rẽnda, la a ka leb n tõe n yao n deeg ba a yembr ye.»
34
Woto yaa tõod nins Sẽn-Ka-Saab sẽn dag n kõ a Moyiis Sinayi tãngã zug t'a kõ Israyɛll nebã.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27