bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 19
Leviticus 19
Mossi MPBU (WẼNNAAM SEBRE 2014)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
1
Sẽn-Ka-Saab yeela a Moyiis yaa:
2
«Gom ne Israyɛll nin-buiidã n yeel-b yaa: Yɩ-y pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba.
3
Bɩ yãmb ned kam fãa waoog a ba, la a ma, la a sak mam vʋʋsg rayã. Bala, mam yaa Sẽn-Ka-Saab sẽn yaa yãmb Wẽnnaam.
4
Da waoog-y wẽn-naandse, la y ra yẽneg kut n maan wẽn-naands ye. Bala, mam yaa Sẽn-Ka-Saab sẽn yaa yãmb Wẽnnaam.
5
Yãmb sã n na n maan zems-n-taar maoong n kõ Sẽn-Ka-Saabo, bɩ y maan-a wa sẽn zemse, tɩ mam tõe n sak n deeg-a.
6
Yãmb tog n wãba maoongã rũng nemd maoongã daare, wall a vẽkembeoogo. La a sã n kell n ta rasem a tãabo, bɩ y rɩk-a n yõog bugum.
7
Ned sã n dɩ nem-kellã rasem a tãabã daare, mam ka na n deeg a soab ye. Bala, nemdã yaa bõn-dẽgdo.
8
Ned ning sẽn dɩt-a nem-kãng rogenda yell a meng zugu, bala, yẽnda paooga bũmb ning sẽn welg toor Sẽn-Ka-Saab yĩngã. Bɩ y yiis nin-kãng soab a buudã sʋk n kʋ.
9
Yãmb sã n wa n tigsd y bõn-koaadlã y tẽngã pʋga, bɩ y bas kood nins sẽn be pʋʋgã kɩrengã n da kẽeb ye. La da leb-y poorẽ n wʋk kood ning sẽn pa pʋʋgẽ wã tigsgã poorã ye.
10
Sẽn paas me, yãmb ka tog n tõs reezẽ-gĩnã sẽn pa wilẽ wã tigsgã poorã ye. La y ra lebg n wʋk reezẽ-bɛɛlã sẽn dʋʋgã ye. Bɩ y bas bõn-kãense, ninbãan-nebã ne sãambã yĩnga. Bala, mam yaa Sẽn-Ka-Saab sẽn yaa yãmb Wẽnnaam.
11
Bɩ y ra zu ye. Bɩ yãmb ned ba a yembr da rõd a tẽng-n-bi-taaga, la ra-y zãmb-y-yã-a ye.
12
Bɩ y ra wẽen zĩrẽ wẽeneg ne mam yʋʋr ye. Bala, y sã n maan woto, y paoogda mam yʋʋrã. Mam yaa Sẽn-Ka-Saabo.
13
Bɩ f ra wẽg f to, la ra zu-a ye. Da bas f tʋm-tʋmd yaood f nengẽ n vẽeg beoog ye.
14
Ra kãab wʋng kãab-beed ye. La ra f ning bẽdg zoang taoor t'a lak ye. Bɩ f zoe Wẽnnaam. Mam yaa Sẽn-Ka-Saabo.
15
Da kao bʋʋd kegr ye. Ra mong naong soab bʋʋm a naongã yĩnga, la f ra kõ nin-kãseng bʋʋm a sẽn yaa nin-kãsengã yĩng ye. Bɩ y kao ba-biig bʋʋd tɩrga.
16
Bɩ y ra kãneg taab ye. Ra rõd f to tɩ b kʋ-a ye. Mam yaa Sẽn-Ka-Saabo.
17
Bɩ f ra kisg f ba-biig f sũurẽ ye, bɩ f wilg-a a kongre, n da wa n bao yell n dogl f meng yẽnda yĩng ye.
18
Ra rok f sũuri ye, la f ra tall sũur ne f tẽngã ned ye. Nong f to wa f menga. Mam yaa Sẽn-Ka-Saabo.
19
Bɩ y sak mam tõodã. Bɩ f ra rɩk rũms buud toor-toor a yiib n kɩt tɩ b rʋ taab ye. Da rɩk bõn-buud buud toor-toor a yiib n bʋd f pʋʋgẽ ye. La fo ka tog n yeelg fuug sẽn wʋg ne gĩs buud a yiib ye.
20
Rao sã n gãand yem-poak b sẽn dag n dɩk n kõ ned t'a na n maan paga, tɩ b mik t'a soabã nan ka yaoo ligdã, wall a yem-poakã soaalã sã n nan ka kõ-a lohorem, bɩ b sɩbg-a soabã, la b ka tog n kʋ-b ye. Bala, yem-poakã nan ka paam lohorem ye.
21
La raoã tog n talla pe-raoog n wa ne sɛk roogã noore, Sẽn-Ka-Saab taoore, tɩ b maan paoosg maoong a beegrã sugr yĩnga.
22
Bɩ maan-kʋʋdã rɩk beegr pe-raoogã n maan paoosg maoong a soabã yel-wẽnd yĩnga, la b na n kõo yẽnda sugr a beegrã yĩnga.
23
Yãmb sã n wa n tɩ kẽ tẽngã pʋga, n sel tɩɩs buud toor-toor sẽn womd biisi, bɩ y ges tɩ-biisã wa b sẽn ka kẽ bãongo. Yãmb tog n geelg-b-la a woto hal tɩ ta yʋʋm a tãabo, n ka tol n yãk-b n dɩ ye.
24
La yʋʋm a naasẽ yʋʋmdã, bɩ y yãgs b biisã fãa, la y maan tigr n welg-b toor Sẽn-Ka-Saab waoogr yĩnga.
25
Yʋʋm a nu soabã tɛka, yãmb tõe n dɩɩ tɩɩsã biisi, la yãmb na n wobda tɩɩsã biis y meng sõngr yĩnga. Bala, mam yaa Sẽn-Ka-Saab sẽn yaa yãmb Wẽnnaam.
26
Bɩ y ra rɩ rũng ne a zɩɩm ye. Bɩ y ra yɩ tɩ-rɩtba, la y ra yɩ bag-bʋgdb ye.
27
Bɩ y ra põng y zut gils-gils ye. Bɩ f ra põng f toɛɛng kɩrems ye.
28
Bɩ y ra bog y yĩnsã kũum yĩnga, la y ra gʋl y yĩnsã me ye. Mam yaa Sẽn-Ka-Saabo.
29
Ra modg f bi-pugl n kẽes yoob pʋga, n wa kɩt tɩ tẽngã nebã maan yoobo, n kɩt tɩ tẽngã pid ne yãn-tʋʋm ye.
30
Bɩ y sak mam vʋʋsg rayã, la y waoog mam sɛk roogã. Mam yaa Sẽn-Ka-Saabo.
31
Da wẽnemd-y n bao-y neb nins sẽn boond sɩɩse, wall bag-bʋgdb ye. Da bao-y nin-bãmbã rãmb n wa rẽgem y meng ye. Mam yaa Sẽn-Ka-saabo, n yaa yãmb Wẽnnaam.
32
Bɩ y põond n waoog zoob-peend soaba, la y waoog nin-kẽema. Bɩ f zoe Wẽnnaam. Mam yaa Sẽn-Ka-Saabo.
33
Sãan sã n wa n be ne yãmb y tẽngã pʋga, bɩ y ra wẽg-a ye.
34
Bɩ y maan sãan sẽn be yãmb sʋkã neer wa yãmb sẽn maand tẽng-n-ned sẽn be yãmb sʋkã to-to wã. Bɩ f nong-a wa f menga, tɩ bala, yãmb me yɩɩ sãamb Ezɩpt tẽngã pʋga. Mam yaa Sẽn-Ka-Saab sẽn yaa yãmb Wẽnnaam.
35
Da maan-y tʋʋm-kɛg ye, sã n yaa bʋʋd zĩigẽ wall woglem makre wɛɛngẽ, sã n ka rẽ bɩ zɩslem makdg wɛɛngẽ, wall sã n yaa poɛɛm makr wɛɛngẽ ye.
36
Bɩ y tall makds sẽn yaa sõama, sã n yaa zɩslem makdga, kug makdga, wall poɛɛm-makdga. Bala, mam yaa Sẽn-Ka-Saab sẽn yaa yãmb Wẽnnaam sẽn yiis yãmb Ezɩpt tẽngã pʋga.
37
Bɩ y gũusi, n sak mam no-tũudsã ne m noyã n maan wa b sẽn yeelã. Mam yaa Sẽn-Ka-Saabo.»
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27