bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Leviticus 24
Leviticus 24
Mossi MPBU (WẼNNAAM SEBRE 2014)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 25 →
1
Sẽn-Ka-Saab yeela a Moyiis yaa:
2
«Yeel Israyɛll nebã tɩ b tall oliiv kaam bãmb sẽn wõd n wa kõ foom, tɩ f ning fɩtlã tɩ vẽenem zĩnd daar fãa.
3
A Aarõ tog n ninga fɩtl-dãmbã sɛk roogã pʋg n pẽneg fu-lillidgã sẽn lill kaoolã koglgã. La a tog n yõgen-b-la zaabr fãa tɩ b be Sẽn-Ka-Saab taoor n wit hal tɩ ta yibeoogo. Yõwã yaa no-tũudg sẽn ka sɛta, yãmb yagensã fãa yĩnga.
4
A Aarõ tog n dɩka fɩtl-dãmbã n dogl sãnem halaal fɩtl-dogendsã zut tɩ b wit Sẽn-Ka-Saab taoor daar fãa.»
5
«Bɩ f bao zom-bãaneg n maan bur-maas piig la a yiibu, bur-maasr fãa tog n yɩɩ wũmbl a yembre.
6
Bɩ f rɩk-b n tong taab sãnem taablã zugu, rulg a yiibu, yoob-yoobe, Sẽn-Ka-Saab taoore.
7
Bɩ f rɩk wisd zom-bãaneg n yugl rulg fãa zugu, zomã tog n zĩnda maasã zug tɩ yɩ tẽegre, la kũun b sẽn yõogd bugum Sẽn-Ka-Saab waoogr yĩnga.
8
Vʋʋsg daar fãa, bɩ b ning bur-kãens Sẽn-Ka-Saab taoore. B tog n yãka bõn-kãng Israyɛll nebã sẽn so wã pʋga. Yõwã yaa kaool sẽn paad wakat sẽn ka sɛt yĩnga.
9
Bõn-kãng na n yɩ a Aarõ ne a kom-dibli wã rẽnda, la bãmb tog n dɩ-a-la zĩig sẽn welg toorã pʋga, tɩ bala, kũun sẽn welg toor wʋsgã b sẽn yõogd bugum Sẽn-Ka-Saab waoogr yĩngã sʋka, bur-kãens n na n yɩɩ a Aarõ ne a kom-dibli wã pʋɩɩre. Yõwã yaa no-tũudg sẽn ka sɛta.»
10
Daar a yembre, Israyɛll neb a yiib n zab taab sik zĩigã pʋga. La a yembrã ma yaa Israyɛll bi-pugla, t'a baaba wã yaa Ezɩpt tẽng raoa. Bãmb dag n wa n kẽeda Israyɛll nebã sʋka.
11
Israyɛll bi-pugl-kãng biigã tʋʋsa Sẽn-Ka-Saab n paoog b yʋʋrã. La b tall-a lame n kẽng a Moyiis nengẽ. Bi-kãng ma wã yʋʋr boondame t'a Selomiti, n yaa a Dibri bi-pugla, n yaa Dan buudã neda.
12
B baoo zĩig n tɩ ning-a, n gũudẽ tɩ Sẽn-Ka-Saab meng noor gomd wilg yellã sẽn na n yɩ a soaba.
13
Sẽn-Ka-Saab yeela a Moyiis yaa:
14
«Kɩt tɩ b yiis ned ning sẽn tʋʋs-a maamã sik zĩigã pʋga, la bɩ y kɩt tɩ neb nins sẽn wʋm tʋʋsgã rɩk b nusã n tik a zugã, tɩ nebã fãa lob-a ne kug t'a ki.
15
Ad fo sẽn na n yeel Israyɛll nebã to-to: ‹Ned sã n paoog a Wẽnnaamã, a yel-wẽndã taal na n zĩnda a meng zugu.
16
Ned ning sẽn na n tʋʋs-a Sẽn-Ka-Saab yʋʋre, a sɩbgr na n yɩɩ kũum. Nebã fãa na n lob-a-la kug t'a ki. Ba a sã n yaa sãana, wall tẽng-n-neda, a soabã sẽn tʋʋs Wẽnnaam yʋʋrã yĩnga, a tog n kiime.
17
Ned sã n wẽ ninsaal n kʋ, bɩ b kʋ a soabã.
18
Ned sã n wẽ a to rũng n kʋ, bɩ a bao rũng n lebse.
19
Ned sã n pogl a to, bɩ b pogl a soab pogl-kãng buud n lebse.
20
Sã n yaa kaoobo, bɩ b kaoog n lebse, la nifu, nif yĩnga, la yẽnde, yẽnd yĩnga. Poglg ning a soabã sẽn pogl a to wã, b na n pogl-a-la pogl-kãng n lebse.
21
Ned sã n wẽ a to rũng n kʋ, bɩ a bao rũng n lebse, la sã n yaa ned n wẽ a to n kʋ, bɩ b kʋ a soabã.
22
Tõogã tog n yɩɩ a yembr nebã fãa yĩnga, sã n yaa sãana wall tẽng-n-neda. Bala, mam yaa Sẽn-Ka-Saab sẽn yaa yãmb Wẽnnaam.»
23
A Moyiis rɩka koe-kãens n taas Israyɛll nebã. La b yiisa sẽn tʋʋs-a wã sik zĩigã yɩng n lob kug n kʋ. Israyɛll nebã maana wa Sẽn-Ka-Saab sẽn dag n yeel a Moyiisã.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27