bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 1
2 Samuel 1
Quechuan QXO (Biblia en Quechua del sur de Conchucos)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Saúl wanushqana kaptinmi amalecita runakunata vincinqanpita kutir ishkay junaq Siclagchö David qoyarqan.
2
Tsaypita waraynin junaqmi Saúlpa soldädunkunapita juk soldädu charqan. Paymi guërrachö Israel runakuna wanuyanqanpita pasaypa llakikur röpankunata rachiskir umanmanpis uchpata wiñakurqan. Davidpa puntanman chaykurmi urkunpis patsaman töpanqanyaq qonqurikuykurqan.
3
Davidnam tapurqan: «¿Maypitatä shamuykanki?» Niptinmi soldädu nirqan: «Taytay, filisteo runakunawan Israel runakuna pelyayanqanpitam qeshpimurqü».
4
Davidnam nirqan: «¿Imatä päsashqa? Mä willamay». Tsaymi soldädu nirqan: «Guërrachö pelyaykäyanqanpitam Israel soldädukuna qeshpir aywakuyashqa. Atska soldädukunatam tsaychö wanutsiyashqa. Tsaychömi Saúlta y tsurin Jonatántapis wanutsiyashqa».
5
Tsaynö niptinmi David nirqan: «¿Imanöpatä Saúl y tsurin Jonatán wanunqanta musyanki?»
6
Niptinmi soldädu nirqan: «Gilboa jirkachömi Israel runakunata pelyachö yanapaykarqä. Tsaychömi rikarqü Saúl lanzanwan tukmakushqa kaykaqta. Filisteo soldädukunanam carrëtankunawan y caballunkunawan Saúlta tariyänanpäna kaykäyarqan.
7
Saúl rikaskamar qayamaptinmi pay kaqman aywarqä.
8
Tsaychönam pï kanqätapis tapumaptin amalecita runa kanqäta willarqä.
9
Tsaymi nimarqan: «Wanuytam ñakaykä. Ras wanuskatsimay».
10
Tsaynö nimaptinmi ñakaykaqta rikar ras wanuskatsirqä. Tsaymi jatiranqan corönanta y rikranchö jatiranqan adornunta entreganäpä apamurqü».
11
Tsayta wiyaykurmi David y yanapaqnin runakunapis llakikurnin röpankunatapis rachiyarqanrä.
12
Pasaypa waqarmi tsay junaq imatapis mikuyarqantsu. Tsaynö waqayarqan Saúl y tsurin Jonatán wanuyanqanpita y Israel runakunata filisteo runakuna vinciyanqanpitam.
13
Tsay willakuq jövintam David tapurqan: «Qamqa ¿maypitatä kanki?» Tsay jövinnam nirqan: «Taytay, amalecita jäpa runam kä».
14
Tsaymi David nirqan: «¿Imanirtä mana mantsariypa Tayta Dios churanqan rey Saúlta wanutsirquyki?»
15
Tsaynö nirmi juk yanapaqnin runata qayaykur nirqan: «¡Kay runata ras wanutsiy!» Tsaynö niptinmi wanuskatsirqan.
16
Manarä wanutsirmi tsay jövinta David nirqan: «Tayta Dios churanqan reyta wanutsinqaykipita kikikim jutsayuq kanki wanunaykipä».
17
Saúl y tsurin Jonatán wanuyanqanpita llakikurmi David qellqarqan juk cantuta.
18
Tsay cantutam Judá runakuna yachakuyänanpä mandarqan. Tsay cantuqa Jaser libruchömi qellqashqa kaykan.
19
«¡Allaw Israel! ¡Jirkachömi tsurinkunawan mandaqniki ushakäyashqa! ¡Tsaynö allish chölu kaykarmi wanuyashqa!
20
Wanuyanqantaqa Gat markachö ama willakuyätsuntsu. Ascalón markapa cällinkunachöpis tsaypä ama parlayätsuntsu. Tsayta musyaskirqa filisteo warmikunam kushikuyanqa. Diosman mana criyiq runakunapis fiestatam rurayanqa.
21
«Gilboa jirkakuna, qamkunaman tamyapis ni shullyapis ama chämutsuntsu. Qamkunachö ofrendapä mikuykunapis ama wiñatsuntsu. Qamkunachömi alli pelyaqkunapa escüdunta jarur ushayashqa. Tsaymi Saúlpa escüdun aceitiwan chipipinnatsu.
22
Jonatánpa flëchanqa yawartarämi jicharamuq. Saúlpa espädanqa wiswiypa wiswirrämi kutiq. Alli pelyaq kayaptinpis contran runakunata imaypis wanutsiyaqmi.
23
«Saúlta y Jonatántaqa runakuna kuyayarqanmi. Kawar juntu puriyanqannömi wanurpis juntu wanuyashqa. Ankakunapitapis paykunaqa masmi cörriyaq. Leonkunapitapis mas kallpasapam kayarqan.
24
«Israel warmikuna, Saúl wanunqanpita waqayay. Kananqa ¿pirä jatitsiyäshunki lïnupita awashqa puka tëlata? ¿Pirä jatitsiyäshunki qoriwan bordashqa röpata?
25
«¡Alli chölukunam guërrachö wanuyashqa! ¡Jonatánpis jirkachömi wanushqa!
26
¡Pasaypam qampä llakikü, wawqi Jonatán! ¡Qamqa pasaypam kuyamarquyki! Runanta y wamrankunata warmi kuyanqanpitapis masrämi noqata kuyamarquyki.
27
«¡Alli chölukunam guërrachö wanuyashqa! ¡Armankunapis llapanmi ushakashqa!»
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24