bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 2
2 Samuel 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Tsaypitanam Tayta Diosta tapur David nirqan: «¿Judáchö mayqan markamanpis kutïmanku o manaku?» Tayta Diosnam nirqan: «Kutiy». Davidnam tapurqan: «¿Taytay, mayqan markamantä kutïman?» Niptinmi nirqan: «Hebrón markaman kutiy».
2
Tsaynö niptinmi ishkan warminta pushakurkur David aywarqan. Jukaq warminpa jutinmi karqan Ahinoam. Payqa Jezreel markapitam karqan. Jukaq warminpa jutinnam Abigail karqan. Payqa Carmelchö täraq Nabalpa viüdanmi karqan.
3
Tsaynöllam yanapaqnin runakunatapis warmintinta y wamrantinta pusharqan. Hebrónman chaykurmi lädunkunachö kaykaq markakunachö täyarqan.
4
Tsaychö taykäyaptinmi Judá autoridäkuna chaykur Davidpa umanman aceitita wiñar rey kananpä churayarqan. Tsaypitanam David musyarqan Galaad partichö kaykaq Jabes markachö täraq runakuna Saúlta pampayanqanta.
5
Tsaymi Jabes runakunaman willakuqkunata mandar nirqan: «Kuyapäkuq kaynikikunawan Saúlta pampayanqaykipita Tayta Dios bendicionninta qaraykuyälläshuy.
6
Tsaynölla yanapaykuyälläshuy llapan rurayanqaykikunapis alli kananpä. Noqapis yanapayäshaykim Saúlta shumaq pampayanqaykipita.
7
Kananqa imapitapis ama llakikuyaynatsu. Rey Saúl wanushqa kaptinmi noqatana rey kanäpä Judá runakuna churayämashqa».
8
Nerpa tsurin Abnernam Mahanaim markaman Saúlpa tsurin Is-bosetta pusharqan. Abnerqa Saúlpa soldädunkunapa mandaqninmi karqan.
9
Tsaychömi runakunata nirqan Is-boset Israel runakunapa mandaqnin rey kanqanta. Tsaymi Is-bosetqa mandarqan Galaadchö, Gesurichö, Jezreelchö, Efraínchö, Benjamínchö y llapan Israelchö täraq runakunata.
10
Chusku chunka (40) watayuq Is-boset kaykarmi Israel runakunapa mandaqnin rey kayta qallaykurqan. Paymi ishkay wata rey karqan. Judá runakunallam mandaqnin rey kananpä Davidta churayanqanta välitsiyarqan.
11
Hebrón markapitam Judá runakunata qanchis wata y joqta killa David mandarqan.
12
Tsaypitanam Nerpa tsurin Abner Mahanaimpita Gabaón markaman Saúlpa tsurin Is-bosetpa soldädunkunata pushakurkur aywarqan.
13
Tsaynöllam Sarviapa wamran Joabpis Davidpa soldädunkunata pushakurkur Hebrónpita Gabaón markaman aywarqan. Gabaónchö kaykaq pukyu lädunchömi tsimpapura soldädukuna churanakuyarqan.
14
Tsaychömi Joabta Abner nirqan: «Llapantsik rikanantsikpä juk ishkay jövinkuna pelyayänanpä yarqayämutsun». Tsaynö niptinmi Joabpis nirqan: «Allim kanqa. Juklla yarqayämutsun».
15
Tsaymi Saúlpa tsurin Is-bosetpa soldädunkunapita chunka ishkay jövinkuna yarquyarqan. Paykunaqa Benjamín trïbu runakunam kayarqan. Tsaynöllam Davidpa soldädunkunapitapis chunka ishkay jövinkuna yarquyarqan.
16
Tsaymi umapita tsarinakur custillanpa tuksinakurnin llapan jövinkuna wanuyarqan. Tsaynö wanuyanqanpitam tsay partita jutitsiyarqan Helcat-hazurim jutin kananpä.
17
Wanutsinakuyanqanta rikaykurmi wakin kaq soldädukunapis espantaypä pelyar qallaykuyarqan. Tsay pelyachömi Abnerta y pushanqan Israel soldädukunata Davidpa soldädunkuna vinciyarqan.
18
Tsaychömi Sarviapa kimsa wamrankuna kaykäyarqan. Paykunapa jutinkunam Joab, Abisai y Asael karqan. Asaelqa lluytsunörämi cörriq.
19
Tsaymi Abnerta Asael qatikachar maypa qeshpinantapis dëjarqantsu.
20
Tsaynö qatikachaykaptinmi Abnerqa tumaykur nirqan: «¿Qamqa manaku Asael kanki?» Tsaynö niptinmi Asael nirqan: «¡Aw, Asaelmi kä!»
21
Tsaymi Abner nirqan: «Amana qatikachämaytsu. Qatikachämänaykipa rantinqa pitapis vincir armankunata apakuy». Tsaynö niptinpis Asaelqa mana dëjaypam qatikacharqan.
22
Mana cäsuptinmi Abner yapay nirqan: «¡Sänu qarallaykiwan aywakuy! Wanutsiyta mana munaykarpis wanuskatsïmantä. Qamta wanutsirqa ¿ima cäräwanrä wawqiki Joabwan tinkümanpis?»
23
Tsaynö qatikachaptinmi Abnerqa lanzanpa qepa kaq puntanwan pachachö waqtanpa päsaqpä tuksiskiptin Asael wanuskirqan. Wanushqa jitaraptinmi tsaypa päsaqkuna ichiykurrä rikapäyarqan.
24
Wawqinta wanutsinqanta willayaptinmi Joabwan Abisai Abnerta qatikachäyarqan. Rupay jeqaykaptinnam Amma jirkanman chäyarqan. Tsayqa kaykan Gía marka tsimpanchö y Gabaónchö kaykaq desiertuman aywana nänipa lädunchömi.
25
Tsay jirkanchömi Benjamín trïbu soldädukuna Abnerwan qorikar churanakuyarqan Davidpa soldädunkunawan pelyayänanpä.
26
Tsaypitam Abner qayakur Joabta nirqan: «¡Amana wanutsinakushunnatsu! Tsaynölla wanutsinakurqa kuyapaypämi ushakäshun. ¿Imanirtä soldäduykikunata michankitsu Israel mayinkunata manana wanutsiyänanpä?»
27
Tsaynö niptinmi Joab nirqan: «Tsaynö mana nimaptikiqa patsa waranqanyaqmi qatikachäyäman karqan. Rasun kaqta ninqätaqa Tayta Diosmi musyan».
28
Tsaymi cornëtata Joab tukaskatsiptin Davidpa soldädunkuna manana qatikachäyarqannatsu.
29
Tsay paqasmi Abner y soldädunkuna kutirnin Jordán mayuta päsaskir ñöpanchö kaykaq pampaman aywayarqan. Tsaypitam Bitrón partipa päsar Mahanaim markaman chäyarqan.
30
Joabqa Abnerta manana qatikachar Davidpa soldädunkunata qoriskir yupaptinmi Asael y chunka isqun soldädukuna faltäyarqan.
31
Abner pushanqan Benjamín trïbu soldädunkunatam Davidpa soldädunkuna kimsa pachak joqta chunkata (360) wanutsiyarqan.
32
Asaelpa ayantanam Belénman apaykur papänin pamparanqan kaqman pampayarqan. Tsaypitanam Joabpa soldädunkuna tsay paqas warat aywar Hebrónman chäyarqan.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24