bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 14
2 Samuel 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Tsurin Absalónpä David pasaypa llakikurpis kutitsimuyta mana munanqantam Sarviapa wamran Joab tantiyarqan.
2
Tsaymi Davidta awnitsinanpä Tecoa markapita astüta warmita qayaykatsimur nirqan: «Perfümita mana wiñakuyllapa lütu röpata jatikunki. Tsaynölla imayka wanupakushqanö atska junaq llakishqa purinki.
3
Tsaypitana rey kaqman aywaykur llapan yachatsinqäkunata willanki». Tsaynö nirmi imata ninanpäpis tsay warmita yachatsirqan.
4
Rey kaqman chaykurmi urkunpis patsaman töpanqanyaq qonqurikuykur tsay warmi nirqan: «Taytay, yanapaykallämay».
5
Tsaymi David nirqan: «¿Imatä päsashurquyki?» Warminam nirqan: «Taytay, noqaqa viüdam kä.
6
Tsay jananmanmi ishkan ollqu wamräkuna chakrachö pelyar pipis mana washaptin jukaq wawqinta wanutsishqa.
7
Tsaymi kananqa llapan castäkuna conträ shärir niyäman: «Wawqin wanutsiq wamraykita wanutsiyänäpä kayman pushamuy». Niyanqannölla wanutsirqa wamraynaqtam dëjayämanqa. Tsaynö kaptinqa runäpa apellïdunpis illakanqam».
8
Tsaynö niptinmi David nirqan: «Wayikipa tranquïlu kutikuy. Kananpitaqa noqanam janayki shärishä».
9
Tsaymi Tecoa warmi nirqan: «Tayta rey, yanapamanqaykipita pipis contrayki parlaptinqa noqa y papänïpa castankunam jutsayuq kayäshä. Peru qam y mandakuynikiqa jutsaynaqmi kanqa».
10
Rey Davidnam nirqan: «Pipis wajupäyäshuptikiqa arreglanäpä kayman pushamunki. Arreglaptïqa mananam wajupäyäshunkinatsu».
11
Tsay warminam nirqan: «Tayta Diospa jutinchö awnimay wamräta mana wanutsiyänanpä». Davidnam nirqan: «Wamraykita pipis mana wanutsinanpämi Tayta Diospa jutinchö awnï».
12
Peru tsay warminam nirqan: «Taytay, ama rabyaykullaytsu. Mastapis rugakulläshayki». Davidnam nirqan: «¿Imatä kaykan mas nimänaykipä?»
13
Warminam nirqan: «Juk nacionchö kaykanqanpita tsurikita mana kutitsimurqa castäkuna conträ shäriyanqannömi qampis Israel runakunapa contran shäriykanki. Taytay, noqata yanapamänaykipä nikämarpis tsurikita mana kutitsimurqa kikillaykim condenakuykanki.
14
Patsaman yaku jichar ushakanqannömi noqantsikpis wanur ushakäshun. Tsaynö kaptinpis Tayta Diosqa manam munantsu pipis paypita karuchö wanunanta, sinöqa imaykanöpam runata tantiyatsin kawanqanyaq payman kutinanpä.
15
«Taytay, wamräta wanutsiyänanpä parlayaptinmi pasaypa mantsarirqä. Tsaymi qamman shamurqü «rugakuptïqa capazchi yanapaykamanqa» nir.
16
Yarpäyanqannö wamräta wanutsirqa Tayta Diospita chaskiyanqä herenciapitapis qarqayämanqachi. Tsaynö mana kananpämi rugakuq shamurqü.
17
Tayta Diospa angelninnömi qamqa allitapis mana allitapis tantiyanki. Tsaymi yärakü janä shärinaykipä kanqanta. Tayta Dios yanapaykulläshuy».
18
Tsaynö niptinmi rey David nirqan: «Tapuptï rasun kaqta willamay». Warminam nirqan: «Taytay, tapumänaykipä ¿imallarä kaykan?»
19
Rey Davidnam tapurqan: «Tsaykunata nimänaykipä ¿manaku Joab yätsishurquyki?» Warminam nirqan: «Awmi taytay, yarpanqaykinömi kaykan. Yanapashuqniki Joabmi llapan ninqäkunata yätsimashqa.
20
Joab tsaynö yätsimashqa llapanpis arreglakänanta munarmi. Qamqa Tayta Diospa angelninnömi kay nacionchö ima päsanqantapis musyanki».
21
Tsaypita Joabta qayaykatsirmi rey David nirqan: «Yarpanqaykinö katsun. Kananqa tsurï Absalónta ras kutitsimuy».
22
Tsaynö niptinmi urkunpis patsaman töpanqanyaq Davidpa puntanman Joab qonqurikuykurqan. Bendicionninta David churaptinmi Joab nirqan: «Taytay rey, mañakunqäta awnimanqaykipitam kuyamanqaykita musyä».
23
Tsaypitanam Gesur nacionman Joab aywaykur Jerusalénman Absalónta kutitsimurqan.
24
Rey Davidnam nirqan: «Absalónqa wayinman aywakutsun. Paytaqa manam rikaytapis munätsu». Tsaynö niptinmi Absalónqa reyman mana chayllapa wayinman aywakurqan.
25
Entëru Israel nacionchö manam pipis Absalónnö kuyayllapäqa karqantsu. Chaki puntanpita uma jirkanyaq kuyayllapä kaptinmi llapan runakuna pasaypa kuyayaq.
26
Aqtsanta cada wata rututsikur palaciuchö pësakunawan pësaptinmi ishkay kïlupita mas pësarqan.
27
Absalónpa tsurinkunam kimsa ollqu y juk warmi karqan. Warmi tsurinpa jutinmi karqan Tamar. Payqa pasaypa kuyayllapämi karqan.
28
Absalónqa Jerusalénchö ishkay watam papänin Davidwan mana tinkuypa täkurqan.
29
Tsaymi Joabta qayatsinanpä Absalón yarpachakur nirqan: «Joabta rugakushä papänïman aywar favornï parlananpä». Peru tsaynö qayatsiptinpis Joabqa manam aywarqantsu. Tsaymi yapaypis Joabta Absalón qayatsirqan. Peru yapay qayatsiptinpis Joabqa manam aywarqantsu.
30
Tsaymi sirviqninkunata Absalón nirqan: «Chakrä lädunchömi Joab murunqan cebäda poqushqana kaykan. Tsayta aywaykur kayaskayämuy». Ninqannöllam sirviqninkuna aywaykur Joabpa cebädanta kayaskiyarqan.
31
Tsaymi Joabqa Absalónpa wayinman ras aywaykur nirqan: «¿Imanirtä sirvishuqnikikuna cebädäta kayayämushqa?»
32
Absalónnam nirqan: «Papänïwan parlanaykipä qayatsimuptïpis mana shamuptikim kayatsirqü. Kanan aywar niy: «¿Imapätäshi Gesur nacionpita tsurikita kutitsimurquyki? Mana tinkunaykipä kaykaptinqa jinan Gesurllachöshi täkunman kanä. Kaychöna karshi qamwan tinkuyta munan. Jutsata rurashqa kaptinqa jukllash wanutsinki».
33
Tsaynö niptinmi rey David kaqman aywaykur Absalón ninqannölla Joab nirqan. Tsaymi Absalónta David qayatsirqan. Chaykurmi Absalónqa Davidpa puntanman urkunpis patsaman töpanqanyaq qonqurikuykurqan. Absalónta chaskirmi rey David mutsarqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24