bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 19
2 Samuel 19
Quechuan QXO (Biblia en Quechua del sur de Conchucos)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
Tsaypitanam Joabta willayarqan tsurin Absalónpä pasaypa llakikurnin rey David waqaykanqanta.
2
Tsaymi contrankunata vincinqanpita kushikuyänanpa rantin tsurinpä rey David llakikuptin wakin runakunapis pasaypa llakikur waqayarqan.
3
Guërrapita qeshpiq runakuna pasaypa penqakushqa kutiyanqannömi paykunapis pasaypa penqakushqa kutiyarqan.
4
Rey Davidnam makinwan cäranta tsapaskir qayararnin nirqan: «¡Ay Absalónllay, Absalón! ¡Ay tsurillay tsuri!»
5
Tsaymi David waqaykanqan kaqman aywaykur Joab nirqan: «Kikikita, ollqu tsurikikunata, warmi tsurikikunata, warmikikunata y concubïna warmikikunatapis salvaykäyaptï Absalónpä tsaynö waqarqa pasaypa penqakuymanmi churaykäyämanki.
6
Qamqa chikishuqnikikunata kuyankim y kuyashuqnikikunataqa chikinkim. Imapis importashunkimanräku llapan soldäduykikunawan capitanninkuna wanuyaptinpis. Absalón kawaptinqa llapäkuna wanuyaptïpis kushikunkimanchi karqan.
7
Waqanaykipa rantinqa ras aywaykur soldäduykikunata felicitay. Imatapis mana niptikiqa kanan paqasmi llapan aywakuyanqa. Paykuna jaqiskiyäshuptikiqa jövin kanqaykipita kananyaq mana ñakanqaykitam ñakanki. Rasun kaqtam Tayta Diospa jutinchö nï».
8
Tsaynö niptinmi rey Davidqa bäjaskir marka yaykuna punku ñöpanman jamakurqan. Tsaychö jamaraykanqanta musyaskirmi llapan runakuna kushikur Davidpa puntanman juntakäyarqan. Davidpa contran pelyaq kaq Israel runakunaqa qeshpirmi wayinkunaman aywakuyarqan.
9
Tsaypitanam llapan trïbu Israel runakuna kikinkunapura parlar niyarqan: «Filisteo runakunapa y wakin chikimaqnintsikpa poderninpita rey Davidmi jipimarquntsik. Kananqa Absalón qatikachayninpam jukläpa qeshpir aywakushqa.
10
Mandamaqnintsik rey kananpä churanqantsik Absalónqa guërrachömi wanushqa. Kananqa rey yapay kananpä Davidta ras kutitsimushun».
11
Tsaynö parlayanqanta musyaskirmi Sadoc y Abiatar sacerdötikunaman David mandarqan Judá trïbu mayor runakunaman aywaykur niyänanpä: «Rey Davidmi nin: «Palaciüman kutitsiyämänanpä Israel runakuna willanakuykaptinqa ¿imanirtä kutitsiyämänaykipä qamkunapis ras shayämunkitsu?
12
Qamkunapa castayki y yawarnikikuna kaykaptïqa ¿imanirtä ras kutitsiyämankitsu?»
13
Tsaynöllam tsay sacerdötikunata David encargakurqan Amasatapis niyänanpä: «Rey Davidmi nin: «¿Manaku yawarniki kaykä? Kananpitaqa Joabpa rantin llapan soldädükunapa capitannin kanaykipämi churashayki. Tsay nikanqäta mana cumpliptïqa Tayta Dios castigamätsun».
14
Tsaynö niptinmi llapan Judá runakunata Amasa parlaparqan Davidta kutitsiyämunanpä. Llapanpis tsay yarpaylla karninmi Davidman mandayarqan ninanpä: «Tayta David, rey kanaykipä llapan soldäduykikunawan kutikayämuy».
15
Tsaynö niptinmi rey David kutirnin Jordán mayuyaq charqan. Judá runakunanam Gilgalman aywayarqan chaskirnin Jordán mayuta päsatsiyämunanpä.
16
Tsaymanmi Gerapa tsurin Simeipis Judá runakunawan rey Davidta chaskiyänanpä empëñu aywarqan. Simeiqa Bahurim markapita Benjamín trïbu runam karqan.
17
Simeiwanmi Benjamín trïbu waranqa (1,000) runakunapis aywayarqan. Tsaynöllam Saúlpa sirviqnin Sibapis chunka pitsqa tsurinkunawan y ishkay chunka (20) sirviqninkunawan aywar rey David manarä chaptin Jordán mayuman mas puntata chäyarqan.
18
Chaykurmi rey Davidta y castankunata päsatsiyämunanpä vädupa päsayarqan. Jordán mayuta rey David päsananpä kaykaptinmi Davidpa puntanman qonqurikuykur Gerapa tsurin Simei
19
nirqan: «¡Ay taytay! Jerusalénpita aywakunqayki junaq qamta saqmar qayaparnï pasaypam jutsata rurarqä. Tsaypita perdonaykallämay. Qammi mandamaqnï rey kanki. Taytay, jutsata ruranqätaqa qonqaykullayna.
20
Qamta rabyanätsinqäpita pësakurmi José casta runakunapitapis mas puntata chaskinäpä shamurqü».
21
Tsaynö niptinmi Sarviapa wamran Abisai Davidta nirqan: «Tayta Dios churanqan rey kaykaptiki qayapäshunqaykipita kay runa wanutsun».
22
Tsaynö niptinmi Abisaita y Joabta David nirqan: «Sarviapa wamrankuna, ¿imanirtä problëmäman mëtikamur llutanman jitarpamayta munayanki? Rey kayman yapay kutiykaptïqa kanan junaq manam pipis wanunmantsu».
23
Tsaypitam Diospa jutinchö awnir Simeita nirqan: «Manam wanutsishaykitsu».
24
Tsaynöllam Saúlpa willkan Mefi-bosetpis rey Davidta chaskiq aywarqan. Paymi rey David aywakunqanpita kutimunqanyaq pasaypa llakikur chakinta mayllakurqantsu, shapranta rutukurqantsu ni röpantapis taqshakurqantsu.
25
Tsaymi Jerusalénpita chaskiq chaptin David nirqan: «¿Imanirtä noqawan aywarqaykitsu?»
26
Tsaynö niptinmi Mefi-boset nirqan: «Tayta rey, puriyta mana puëdir ashnuta sillapämänanpä sirvimaqnï Sibata nikaptï jaqiskamaptinmi shamuyta puëdirqätsu.
27
Payqa manakaqkunatam noqapä willapäshurquyki. Tsaynö kaptinpis Tayta Diospa angelninnö kaptikim noqalläqa listu kä imata nimanqaykitapis ruranäpä.
28
Saúl casta kaykaptïqa noqata y papänïpa wakin castankunatam wanutsinkiman karqan. Tsaynö kaykaptinpis kuyapämarmi mësaykichö mikunäpä qorimarqayki. Taytay, tsaynö kuyapaykämaptikiqa ¿imatanatä mas mañakümanpis?»
29
Tsaynö niptinmi David nirqan: «Tsaypita amana parlashunnatsu. Tsaynö kaptinqa Siba chaskinqan chakrakuna pullan qampä y pullanna paypä katsun».
30
Tsaymi Mefi-boset nirqan: «Taytay, tsay llapan chakrakuna payllapäna katsun. Palaciuykiman allilla kutimunqaykim noqapäqa mas alli kaykan».
31
Galaad partichö Rogelim markapitam Barzilai urämurqan Jordán mayuta rey David päsamuptin compañamunanpä.
32
Tsay runaqa puwaq chunka (80) watayuqmi karqan. Payqa rïcu karmi Mahanaimchö rey David kaykaptin mikuyta alistaparqan.
33
Tsaymi Barzilaita rey David nirqan: «Jerusalénman aywakushun. Tsaychömi imayka nisitanqaykitapis alistapäshayki».
34
Tsaynö niptinmi Barzilai nirqan: «Taytay, Jerusalénman aywanäpäqa rukunam kä. Juk ishkay watallanachi kawashäpis.
35
Puwaq chunka (80) watatanam ushaykä. Mishkiqta ni pochquqtapis manam tantiyänatsu. Mikurpis ni upurpis gustunta manam tarïnatsu. Tsaynöllam warmi o ollqu cantanqantapis tantiyänatsu. Tsaynö kaykarqa ¿imapänatä afannikipä aywashäpis?
36
Jordán mayuta päsanaykipä yanapanqalläpitaqa manam merëcïtsu wayikichö wätamänaykipä.
37
Afannikipä Jerusalénman aywanäpa rantinqa markäpa kutikushä. Tsaychö wanukuptïmi papänïwan mamä pamparäyanqanman pampayämanqa. Noqapa trokï kay tsurï Quimamta yanapashunaykipä pushakullay».
38
Tsaynö niptinmi rey David nirqan: «Tsaynö kaptinqa Quimam noqawan aywatsun. Qampa trokikim paytana yanapashä. Imatapis mañakamanqaykitaqa qamtapis alistapäshaykim».
39
Jordán mayuta llapan runakunawan rey David päsaskamurnam Barzilaita mutsaykur bendisarqan. Tsaypitam Barzilaiqa wayinpana kutikurqan.
40
Tsaypita Quimamwan rey David Gilgalman aywayaptinmi Judá runakuna y pullan Israel runakunapis aywayarqan.
41
Gilgalchö qorikaskirmi Israel runakuna rey Davidta niyarqan: «¿Imanirtä Judá runakunalla duëñu tukurnin soldäduykikunata, yanapashuqnikikunata y castaykikunata Jordán mayuta päsatsiyämushurquyki?»
42
Tsaymi Judá runakuna niyarqan: «Rey Davidqa Judá trïbupita karmi castäkuna kaykan. Peru tsaypita ¿imanirtä qamkunaqa rabyakuyanki? ¿Acäsu noqakunaqa paypita wätashqaku kayä o imantapis noqakunapäku apakuyarqü?»
43
Tsaynö niptinmi Judá runakunata Israel runakuna niyarqan: «Noqakunaqa chunka trïbukunam kaykäyä. Tsaymi rey Davidqa chunka kuti mas noqakunapa mandaqnï rey kaykan. Tsaynö kaykaptinqa ¿imanirtä manakaqman churaykäyämanki? Tsaynöllam noqakuna puntata mañakuyarqä rey kayman kutinanpä». Tsaynö niyaptinmi Judá runakuna Israel runakunawan masrä rimanakuyarqan.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24