bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 13
2 Samuel 13
Quechuan QXO (Biblia en Quechua del sur de Conchucos)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
Davidpa tsurin Absalónpam kuyayllapä panin karqan. Paypa jutinmi karqan Tamar. Davidpa jukaq tsurin Amnónnam paypita pasaypa enamurädu tikraskirqan.
2
Doncëlla jipash kaptinmi Tamarta imaypis cuidayaq. Tsaymi Amnónqa imanöpapis paninwan punuyta mana puëdirnin mikuytapis ni punuytapis mana tarir qeshyaskirqan.
3
Amnónpa amïgun Jonadabmi astütu jövin karqan. Payqa Davidpa wawqin Simeapa tsurinmi karqan.
4
Tsaypita juk kutichömi Amnónta Jonadab tapurqan: «Reypa tsurin kaykarqa ¿imanirtä qoyay qoyay pasaypa llakinashqa puriykanki? Ima päsashunqaykitapis willamay». Tsaynö niptinmi Amnónta nirqan: «Wawqï Absalónpa panin Tamarpitam pasaypa enamurädu kaykä».
5
Tsaymi Jonadab nirqan: «Qeshyaq tukurlla cämaykichö ujuray. Papäniki watukashuqniki shamuptin ninki: «Panï Tamarta mandaykallämuy kusinakuskir qaramänanpä».
6
Tsaynö yätsiptinmi Amnónqa qeshyaq tukurlla cämanchö ujurarqan. Tsayman papänin watukaq chaptinmi Amnón nirqan: «Kayman mandaykallämuy panï Tamarta juk ishkay tortillakunata ankaskir qaramänanpä».
7
Tsaymi Tamarta David nirqan: «Hïja, kusinapänaykipä turiki Amnónpa wayinman ayway».
8
Tsaynö niptinmi aywar tarirqan turin Amnónta cämachö ujuraykaqta. Tsaychömi jarinapita tortillata ruraskir ankaparqan.
9
Mikunanpä tortillata apaptinmi turinqa mikuyta munarqantsu. Tsaypa rantinmi tsaychö kaq runakunata nirqan: «Llapaykikuna waqtapa yarqukuyay». Yarquskiyaptinnam
10
paninta nirqan: «Mikutsimänaykipä cuartüman mikuyta apamuy». Tsaynö niptinmi tortilla ankanqanta apaparqan.
11
Makyaykaptinmi makinpita tsariskir nirqan: «Pani, qamwan punuytam munä».
12
Tsaynö niptinmi Tamar nirqan: «Turi, ¡ama penqakuyman churamaytsu! Israel nacionchö tsaynö penqakuypä jutsataqa manam rurayantsu. Tsaynö rurarqa pasaypa jutsatam ruranki.
13
Tsaynö desonraykamaptikiqa ¿ima cäräwanrä kawashäpis? Qamtapis kay Israel nacionchö mana alli ruraqtanömi rikayäshunki. Noqawan tayta munarqa tänantsikpä papänintsikta rugakuy. Rugakuptikiqa awnishunkim».
14
Tsaynö rugakuptinpis turin Amnónqa manam cäsurqantsu. Tsaypa rantinqa mas kallpayuq karmi juklla violarqan.
15
Violaskirnam Amnónqa Tamarta pasaypa chikirnin kuyanqantapis yarparqannatsu. Tsaymi nirqan: «¡Kaypita ras aywakuy!»
16
Tamarnam nirqan: «Perdiskatsimar wayikipita ama qarqaykallämaytsu. Qarqamarqa violamanqaykipitapis mas peormi jutsata ruraykanki». Peru tsaynö niptinpis Amnónqa manam cäsurqantsu.
17
Tsaypa rantinqa sirviqninta qayaskirmi nirqan: «Kay jipashta qarquskir punkuta trancay».
18
Tsaynö niptinmi Amnónpa sirviqninqa jipashta qarquskir punkuta trancaskirqan. Tsay witsanqa costumbrin kanqannömi reykunapa tsurin doncëlla jipashkuna kuyayllapä tünicata jatikuyaq. Tsaymi Tamarpis kuyayllapä tünican jatishqa kaykarqan.
19
Pasaypa llakikurninmi jatiranqan tünicanta rachir usharnin umanman uchpata wiñakurqan. Tsaymi makinwan uman tsarishqa waqaraykar aywakurqan.
20
Turin Absalónnam tapurqan: «¿Rasunpaku turiki Amnón violashurquyki? Tsaynö rurashunqaykipita ama llakikuytsu. Turiki kaykaptinqa jina tsayllachöna ushakäkutsun». Tsaypita pasaypa penqakurmi turin Absalónpa wayillanchö Tamar täkurqan.
21
Tamarta Amnón violanqanta musyaskirmi rey David pasaypa rabyarqan. Tsaynö rabyarpis mayor tsurin kuyay kaptinmi Amnónta imatapis nirqantsu.
22
Absalónpis wawqin Amnónta manam imatapis nirqantsu, panin Tamarta violanqanpita pasaypa nanapararpis.
23
Tsaypita ishkay wata päsaskiptinnam Absalónqa Baal-hazorchö üshankunata rututsir mikuyta kusinatsirqan. Tsayqa Efraín trïbu runakuna täyanqan lädupam karqan. Tsaymanmi wawqinkunata qayatsirqan llapan qorikaykur mikuyänanpä.
24
Tsaymi Absalónqa papänin rey Davidman aywaykur nirqan: «Papä, kanan millwa rutuychö kanqäyaq imallatapis mikunantsikpä yanapashuqniki runakunawan shamuykuyällay».
25
Rey Davidnam nirqan: «Hïju, llapantsik aywashqaqa alläpa gastutam ruranki». Kutin kutin Absalón rugakuptinpis manam awnirqantsu. Tsaypa rantinqa llapanpis alli kananpämi bendisarqan.
26
Tsaymi Absalón nirqan: «Aywayta mana munarqa wawqï Amnónllatapis mandaykallämuy». Tsaynö niptinmi rey David nirqan: «¿Imanirtä pay aywananta munaykanki?»
27
Tsaynö niptinpis Absalón kutin kutin rugakuptinmi rey David awnirqan tsurin Amnón y wakin tsurinkunapis aywayänanpä. Tsaypita kutiykurmi Absalónqa atska alli mikuyta rey mikunanpänörä kusinatsirqan.
28
Puntatanam sirviqninkunata yätsirnin Absalón nirqan: «Vïnuta upur Amnón machashqa kaykanqan höram wanutsiyänaykipä niyäshayki. Wanutsiyänaykipä niptï mana mantsariypa ras wanuskatsiyanki».
29
Tsaymi Absalónpa sirviqninkunaqa patronnin ninqannölla Amnónta wanuskatsiyarqan. Amnónta wanuskatsiyaptinmi rey Davidpa wakin kaq tsurinkuna mulankunata muntakurkur qeshpir aywakuyarqan.
30
Manarä chäyaptinmi Davidta juk runa willar nirqan: «Llapan tsurikikunatash Absalón wanutsishqa. Manash ni jukllayllapis qeshpishqatsu».
31
Tsaynö willaptinmi pasaypa llakikurnin Davidqa röpanta rachiskir patsaman jitakaskirqan. Tsaynöllam yanapaqninkunapis llakikurnin röpankunata rachiyarqan.
32
Tsayta rikaykurmi Davidpa wawqin Simeapa tsurin Jonadab nirqan: «Llapan tsurikikunata wanutsinqanta ama yarpaytsu. Amnónllatam Absalónqa wanutsishqa. Panin Tamarta violanqanpitam payta wanutsinanpä Absalón jurarqan.
33
Taytay, ama yarpaytsu llapan tsurikikunata wanutsinqanta. Tsuriki Amnónllatam wanutsishqa».
34
Absalónnam qeshpir aywakurqan. Tsaypitanam Jerusalén marka cuidaq runa rikachakuykanqanchö rikarqan atska runakuna tsimpapa uraykäyämuqta. Tsaymi rey Davidman aywaykur nirqan: «Atska runakunam Horonaim markaman aywaq nänipa shamuykäyan».
35
Jonadabnam rey Davidta nirqan: «¿Manaku nirqä tsurikikuna mana wanuyanqanta?»
36
Tsaynö parlaykaptinmi Davidpa tsurinkuna chaykur wawqin Amnónta wanutsiyanqanpita llapan waqayarqan. Rey Davidpis y yanapaqninkunapis pasaypam waqayarqan.
37
Davidqa tsurin Amnónpä llakikurmi qoyay qoyay waqaq. Absalónnam qeshpir aywakurqan Gesur nacionpa mandaqnin rey Talmaiman. Talmaiqa Amiudpa tsurinmi karqan.
38
Tsaychömi kimsa wata Absalón tarqan.
39
Tsurin Amnónpä llakikuynin päsaskiptinnam Davidqa tsurin Absalónpä pasaypa llakikur paywan tinkuyta munarqan.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24