bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 15
2 Samuel 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
1
Tsaypitanam carrëtata y caballukunata alistaskir pitsqa chunka (50) soldädukunata puntanta aywayänanpä Absalón akrarqan.
2
Qoyay qoyaymi tsaka tsakalla marka yaykuna punkuman Absalón aywaq. Tsaychömi Davidman quejakuq aywaqkunata qayaykur mayqan trïbupita kayanqanta tapupaq. Willayaptinmi
3
Absalón niq: «Rasun kaqtam qamqa quejakuq aywaykanki. Peru reypa yanapaqninkuna manam pipis kantsu quejakunqaykita arreglananpä».
4
Tsaynöllam niq: «¡Imanöllarä Israel nacionpa jueznin kayküman llapan quejakuqkunata shumaq arreglanäpä!»
5
Tsaynöllam puntanman pipis qonqurikuptin makipita shärirkatsir makallarkur mutsaykuq.
6
Davidman quejakuq aywaq runakunata tsaynö rurarmi llapan Israel runakunapa shonqunman Absalón yaykurqan.
7
Chusku wata päsaskiptinnam rey Davidta Absalón nirqan: «Papä, Tayta Diosta awninqäta cumplir sacrificiuta rupatsinäpämi Hebrón markaman aywayta munä.
8
Siriachö kaykaq Gesur markachö kaykarmi Tayta Diosta awnir nirqä: «Tayta Dios, Jerusalénman kutitsimaptikiqa sacrificiuta rupatsirmi qamta adorashayki».
9
Rey Davidnam nirqan: «Hïju, tsaynö kaptinqa ayway». Tsaymi Hebrón markaman Absalón aywarqan.
10
Chaykurnam willakuqninkunata Absalón mandarqan Israel nación markakunaman willakur niyänanpä: «Cornëta tukamunqanta wiyar llapaykikuna niyanki: «¡Absalónmi Hebrónchö mandamaqnintsik rey kaykan!»
11
Jerusalénpita Hebrónman aywarmi ishkay pachak (200) runakunata Absalón pusharqan. Tsay runakunaqa Absalónwan aywarpis manam musyayarqantsu rey kayta munanqanta.
12
Tayta Diosta adorar sacrificiukunata rupatsinqan höram Gilo markachö täraq Ahitofelta Absalón qayatsirqan. Ahitofelqa Davidpa yätsiqninmi karqan. Ahitofelpis Absalónpa favornin shärinqanta rikarmi Absalónpa favornin mas atskaq kayarqan.
13
David kaqman aywaykurmi juk willakuq nirqan: «Absalón rey kananpä llapan Israel runakunam favornin kaykäyan».
14
Tsayta wiyaykurmi Jerusalénchö kaykaq yanapaqninkunata qayaykatsir David nirqan: «¡Jerusalénpita ras aywakushun! Kaychö kaykaqta tariykamarnintsikqa noqantsikta y Jerusalénchö täraq llapan runakunatam espädawan wanutsimäshun. Absalón chämuptin manam mayqantsikpis qeshpiyta puëdishuntsu».
15
Tsaynö niptinmi yanapaqninkuna niyarqan: «Taytay, niyämanqaykita rurayänäpä noqakunaqa listum kaykäyä».
16
Tsaymi rey Davidqa llapan castankunata y palaciunchö wakin taqkunatapis pushakurkur qeshpirqan. Chunka concubïna warminkunallatam palaciunta cuidayänanpä dëjaykurqan.
17
Llapan yanapaqninkunawan aywaykarmi rey David marka yarqunachö ichiskirqan.
18
Capitanninkunawan tsaychö ichiraykaptinmi cereteo soldädukuna y peleteo soldädukuna puntanta päsayarqan. Tsaynöllam joqta pachak (600) Gat runakuna päsayarqan. Tsay runakunaqa Gat markapitam aywayarqan Davidta yanapayänanpä.
19
Tsaypitam Gat markapita capitán Itaita rey David nirqan: «Mana Israel runa kaykarqa noqawan ama aywaytsu. Mas allim kanman Jerusalénman kutir rey Absalón kaqchö quëdakuptiki.
20
Qanyankunarä kayman chäyämushqa kaykarqa ¿imanötä noqakunawan aywanki? Kikïpis manam musyätsu maypa aywanäpä kanqantapis. Mas allim kanman marka mayikikunata pushakurkur Jerusalénman kutikuyaptiki. Tayta Dios imaypis yanapaykulläshuy».
21
Tsaymi Itai nirqan: «Mandamaqnï rey kaykaptikiqa maypa aywaptikipis wanuyta mana mantsaypam yanapashayki. Imaypis qamta yanapanäpämi Tayta Diospa jutinchö awnï».
22
Tsaynö niptinmi David nirqan: «Tsayöraqa aywashun». Tsaynöpam Gat markapita Itai, paywan aywaq runakuna y paykunapa castankunapis Davidwan aywayarqan.
23
Aywakuyanqanta rikarmi pasaypa llakikurnin runakuna waqayarqan. Cedrón raqrata päsarmi rey David y paywan aywaq runakuna desiertuman aywaq nänipa aywayarqan.
24
Sacerdöti Sadocpis y Tayta Diospa Pactu Babulninta apaq levita runakunapis Davidwanmi aywayarqan. Markapita yarquskirmi tsay babulta sacerdöti Abiatarpa puntanman churayarqan llapan runakuna yarquyta ushayanqanyaq.
25
Sacerdöti Sadoctam David nirqan: «Tayta Diospa babulninta markaman kutitsiy. Tayta Dios yanapamaptinqa kutimur babulta y tolduntapis rikashärämi.
26
Rey kanäta mana munaptinqa alfin imanashätä. Pay munanqannöchi llapanpis kanqa».
27
Mastam sacerdöti Sadocta rey David nirqan: «Qamqa tantiyakuq runam kanki. Tsaynö kaykarqa sacerdöti mayiki Abiatarwan, tsuriki Ahimaas y Abiatarpa tsurin Jonatánwan Jerusalénman kutiyay.
28
Noqaqa willakatsiyämunqaykiyaqmi Jordán mayu väduchö shuyaräyäshayki».
29
Tsaynö niptinmi Tayta Diospa babulninta apakurkur Abiatarwan Sadoc Jerusalénman kutiyarqan.
30
Davidnam pasaypa llakikur uman shukutashqa y qalla chakilla Olivos jirkanpa waqaraykar witsarqan. Tsaynöllam paywan aywaqkunapis uman shukutashqa waqaraykar witsäyarqan.
31
Tsaynö aywaykaptinmi Davidta willayarqan yätsiqnin Ahitofelpis Absalónta yanapaykanqanta. Tsaymi Tayta Diosta mañakur David nirqan: «Tayta Dios, Ahitofelpa yarpayninta pantaykatsillay Absalónta yätsirpis llutanta yätsinanpä».
32
Olivos jirkanman chaykurnam Tayta Diosta adorakuyänan kaqman aywar Husaiwan tinkurqan. Husaiqa Aracpitam karqan. Paypis pasaypa llakikurmi röpan rachishqa y umanman allpata wiñakushqa charqan.
33
Paywan tinkuskirmi David nirqan: «Noqawan aywarqa afannïpämi kanki.
34
Tsaypa rantinqa Jerusalénman kutir Absalónta ninki: «Taytay, papänikita yanapanqänöllam kananqa qamtapis yanapashayki». Tsaynö niptikiqa quizás yätsiqnin kanaykipä churashunki. Churashuptiki Ahitofel yätsinqanta mana chaskinanpä llutanta pantatsir willanki.
35
Tsaychömi sacerdöti Abiatarwan sacerdöti Sadocpis kaykanqa. Palaciuchö yanapaqninkunawan Absalón imata willanakuyanqantapis paykunata ras willanki.
36
Sadocpa tsurin Ahimaas y Abiatarpa tsurin Jonatánpis tsaychömi kaykäyanqa. Paykunawanmi tsaychö ima päsanqantapis willakatsimunki».
37
Tsaynö niptinmi Davidpa amïgun Husai Jerusalénman kutirqan. Payqa Jerusalénman charqan Absalón yaykunqan höram.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24