bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 11
2 Samuel 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
1
Cada watam tamya tiempu päsaskiptin reykuna pelyayänanpä aywayaq. Tsay witsanmi capitannin Joabta David mandarqan soldädukunata pushakurkur amonita runakunawan pelyayänanpä. Chaykurmi amonita runakunapa chakrankunata y markankunata chipyaq ushakätsiyarqan. Tsaynöllam Rabá markachö täraq runakunata tumaypa tsapaskiyarqan. Davidnam Jerusalénllachö quëdakurqan.
2
Juk tardim David pununqanpita shärikuskir palaciun jananchö puriykar kuyayllapä warmi bäñakuykaqta rikarqan.
3
Tsayta rikaykurmi juk sirviqninta David mandarqan pï kanqantapis musyamunanpä. Kutiykurmi willarqan heteo casta Uríaspa warmin Betsabé kanqanta. Betsabéqa Eliampa tsurinmi karqan.
4
Payqa killa qeshyanwan qeshyanqanpitam purificakur bäñakuykarqan. Betsabé kanqanta willaptinmi palaciunman pushaykatsir paywan David punurqan. Tsaypitanam Betsabéqa wayinpa kutikurqan.
5
Tsaypitanam qeshyaq kaykanqanta tantiyaskir juklla Davidta musyatsirqan.
6
Tsayta musyaskirmi capitán Joabman sirviqninta David mandar nirqan: «Heteo casta Uríasta empëñu mandaykallämuy». Tsaynö niptinmi Joabqa David kaqman Uríasta juklla mandarqan.
7
Urías chaykuptinmi David tapurqan Joab y soldädunkuna imanö kaykäyanqanta y guërra imanö kanqantapis.
8
Tsaypitanam Uríasta nirqan: «Kananqa wayikiman aywar chakikita awikuskir jamapay». Palaciupita yarquskiptinnam allinnin kaq mikuyta David apatsirqan.
9
Wayinman aywananpa rantinmi Uríasqa palaciu punkullachö cuidaq soldädukunawan juntu punurqan.
10
Wayinpa mana aywanqanta willayaptinmi Uríasta qayaykur David nirqan: «Tsayrä karupita chaykämurqa ¿imanirtä wayikiman aywarquykitsu?»
11
Tsaynö niptinmi Urías nirqan: «Israelpa y Judápa soldädunkuna guërraman aywar toldukunallachömi punuykäyan. Capitán Joab y capitán mayinkunapis tsaynöllam punuykäyan. Paykunawanmi Tayta Diospa babulninpis kaykan. Tsaynö kaykaptinqa ¿imanöpatä wayïman aywäman mikunäpä, upunäpä, warmïwan pununäpäpis? ¡Taytay, tsaytaqa manam imaypis rurashätsu!»
12
Tsaymi David nirqan: «Tsaynö kaykaptinqa kanan junaq kayllachö quëdakuy. Waraynam kutinki». Tsaynö niptinmi Jerusalénchö Urías quëdakurqan.
13
Tsay junaqmi Uríasta David mikutsirqan y upyatsirqan machanqanyaq. Machashqa kaykarpis Uríasqa wayinman aywananpa rantinmi palaciuta cuidaq soldädukuna punuyanqan kaqllachö yapay punurqan.
14
Tsaypita waraynin wäraymi juk cartata David qellqaskir Uríasta apatsirqan Joabman.
15
Tsay cartachömi nirqan: «Guërrachö pelyar Uríasta puntaman churanki. Tsaychö kikillanta dëjaykur witikuyanki wanutsiyänanpä».
16
Cartachö David tsaynö niptinmi Joabqa Rabá markata atacar mas geniuyuq soldädukunawan pelyananpä Uríasta churarqan.
17
Atacayaptinmi Rabá soldädukunaqa markapita yarquskir Joabpa soldädunkunawan pelyayarqan. Tsay pelyachömi Davidpa juk ishkay capitanninkunata wanutsir heteo casta Uríastapis wanutsiyarqan.
18
Tsaypitanam Joabqa Davidman willakatsirqan guërrachö ima päsanqankunatapis.
19
Willakuqta mandarmi nirqan: «Guërrachö ima päsamanqantsiktapis willaptiki
20
capazchi rey David rabyar nishunki: «¡Imanirtä marka murälla chakinyaq alläpa yaykuyarqayki! ¿Manaku musyayanki jananpita flëchayämunanpä kanqanta?»
21
Tsaynölla capazchi David yarpätsishunki Tebes markachö ima päsanqantapis. Tsaychömi murälla jananpita tunaywan warmi saqmamur Jerobaalpa tsurin Abimelecta wanutsirqan. David tsaynö ollqutupäshuptiki «taytay, heteo casta Uríaspis wanushqam» ninki».
22
Tsaynö yätsiskiptinmi tsay mandanqan runa Davidman aywar willarqan Joab ninqannölla.
23
Willarmi nirqan: «Noqakunawan pelyayänanpä yarqamuq soldädukuna puntataqa vinciykäyämarqanmi. Jinatam tikrapur paykunata vinciyaptï markaman qeshpiyashqa.
24
Marka punkuchö pelyayaptïmi murällapita flëchakunawan flëchayämunqanchö wakin soldäduykikunata wanutsiyashqa. Tsaychömi Uríastapis wanutsiyashqa».
25
Tsaynö niptinmi David nirqan: «Tsaypita Joab ama llakikutsuntsu. Guërrachöqa mana yarpashqatam pitapis wanutsiyan. Tsaynö kaptinpis payta valuratsinki tsay runakuna rindikuyanqanyaq atacayänanpä».
26
Uríaspa warminqa runan wanunqanta musyaskirmi llakirnin lüturqan.
27
Lütunqan tiempu cumpliskiptinnam Betsabéta warminpä palaciunman David pushatsirqan. Tsaychönam killan tinkuskiptin qeshyakurqan. David tsaynö ruranqanpitam Tayta Dios pasaypa rabyarqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24