bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 21
2 Samuel 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
1
David rey kanqan witsanmi kimsa wata hambrüna karqan. Hambrüna imanir kanqanta musyananpä David mañakuptinmi Tayta Dios nirqan: «Kay hambrünaqa kaykan Saúl y castankuna Gabaón runakunata mana kuyapaypa wanutsiyanqanpitam».
2
Tsaymi Gabaón runakunata rey David qayatsirqan paykunawan parlananpä. Paykunaqa manam Israel runakunatsu kayarqan, sinöqa amorreo runakunapita miraq runakunam. Paykunapa unay castankunatam Israel runakuna awniyarqan Gabaón runakunata mana wanutsiyänanpä. Tsaynö kaptinpis Gabaón runakuna täyanqan markakuna Israel runakunapa y Judá runakunapa kananta munarmi tsaychö täraq atskaq runakunata Saúl wanutsirqan.
3
Tsaypitanam Gabaón runakunata David tapurqan: «Castaykikunata Saúl wanutsinqanpita ¿imatatä ruräman? Tsaynölla ¿imatatä ruräman noqakunapä Tayta Diosta mañakuyänaykipä?»
4
Gabaón runakunam niyarqan: «Saúlpa castankunawan arreglayänäpä manam qellaytatsu ni qoritatsu munayä. Tsaynölla manam munayyuqtsu kayä kikïkunallapita Israel runata wanutsiyänäpä». Tsaynö niyaptinmi David nirqan: «Tsaynö kaykaptinqa ¿imata ruranätatä munayanki?»
5
Paykunanam niyarqan: «Saúlmi Israel nacionchö täyänäta mana munar llapäkunata ushakätsiyämayta munarqan.
6
Tsaynö rurayämanqanpita Saúlpa qanchis tsurinkunata o willkankunata karpis wanutsiyänäpä entregayämay. Paykunatam Tayta Diospa puntanchö wanuskatsir qerukunapa puntanman warkuyäshä. Tsaynö wanutsiyäshä Tayta Dios akranqan Saúlpa markan Gabaachömi». Tsaynö niptinmi rey David nirqan: «Tsaynö kaptinqa entregayäshayki».
7
Tayta Diospa jutinchö Jonatánwan pactu ruranqanta cumplirmi Jonatánpa tsurin y Saúlpa willkan Mefi-bosetta Gabaón runakuna wanutsiyänanta David munarqantsu.
8
Peru Saúlpa tsurin kaq Mefi-bosetta y wawqin Armonitam sïqa wanutsiyänanpä entregarqan. Paykunapa mamanqa Ajapa tsurin Rizpam karqan. Tsaynöllam entregarqan Saúlpa warmi tsurin Merabpa pitsqa wamrankunata wanutsiyänanpä. Paykunapa papäninqa Barzilaipa tsurin Adrielmi karqan. Adrielqa Mehola markapitam karqan.
9
Tsay qanchis runakunata Gabaón runakunaman entregaptinmi Tayta Diosta adorakuna jirkanchö wanuskatsir qerukunapa puntanchö warkurätsiyarqan. Tsaynöpam cebäda cosëcha qallanqan witsan qanchisnintin runakunata wanutsiyarqan.
10
Tsaymi ayakuna warkaraykäyanqanman Ajapa tsurin Rizpa aywaykur jatun rumi jananman qachqa tëlata mashtarqan. Tsayman jamaykurmi wiskurkuna y munti ashmakuna mana mikuyänanpä paqaspa junaqpa täparqan. Tsaychömi cebäda cosëcha qallanqanpita hasta tamya killa chämunqanyaq täparqan.
11
Saúlpa concubïna warmin Rizpa tsaynö täpaykanqanta Davidta willayaptinmi
12
Galaad partichö kaykaq Jabes markaman aywar Saúlpa y tsurin Jonatánpa tullunkunata qorimurqan. Ñöpatam filisteo runakuna Saúlta y Jonatánta Gilboachö wanuskatsir Bet-sán pläzachö ayankunata warkuyarqan. Tsaypitam Jabes runakuna suwaskir markanman pampayänanpä apayarqan.
13
Tsaypitam Saúlpa y tsurin Jonatánpa tullunkunata Jabes markapita David qoritsimurqan. Tsaynöllam Gabaón runakuna wanutsiyanqan qanchis runakunapa tullunkunatapis qoritsimurqan.
14
Qoriskatsimurmi Saúlpa papänin Cispa tullunkuna churaranqan sepultüraman Saúlpa y tsurin Jonatánpa tullunkunatapis churayarqan. Tsay sepultüraqa Benjamín trïbu runakuna täyanqan Zela markachömi karqan. Rey David ninqannölla llapanta rurayaptinmi Israel runakunata Tayta Dios yanaparqan mikuyninkuna allina wayunanpä.
15
Filisteo runakuna Israel runakunata yapay atacayämuptinmi soldädunkunawan David pelyayänanpä aywarqan. Pelyaykanqanchö David pasaypa ajyaskiptinmi
16
Isbi-benob jatusaq casta runa Davidta wanutsiyta munar qatiparqan. Tsay runapa lanzanmi kimsa kïlupita mas lasarqan. Espädanpis mushuqllam karqan.
17
Davidta tsarinanpäna kaykaptinmi Sarviapa wamran Abisai cörrilla aywaykur tsay filisteo runata wanutsirqan. Tsaypitam soldädunkuna Davidta niyarqan: «Taytay, kananpitaqa noqakunawan guërraman ama aywaynatsu. Pelyachö wanutsiyäshuptikiqa Israel nación aktsiynaqnöchi quëdanqa».
18
Tsaypitanam Gob partichö filisteo runakunawan yapay guërrata rurayarqan. Tsaychömi jatusaq casta Saf jutiyuq runata Sibecai wanutsirqan. Sibecaiqa Husa markapitam karqan.
19
Tsaypita yapaymi Gobchö filisteo runakunawan guërrata rurayarqan. Tsaychömi Belénpita Jaare-oregimpa tsurin Elhanán Gat markapita Goliatta wanutsirqan. Goliatpa lanzanpis telarpa rodïllunnö rakum karqan.
20
Gat markachö yapay guërra kaptinmi jatusaq casta filisteo runa Israel runakunawan pelyayänanpä yarqamurqan. Paypa cada makinchö y cada chakinchö joqta dëdunkuna kaptinmi ishkay chunka chusku (24) dëdunkuna karqan.
21
Tsay runa Israel runakunata wajupaykaptinmi Davidpa wawqin Simeapa tsurin Jonatán payta wanutsirqan.
22
Tsay chusku jatusaq filisteo runakunam Gat markapita jatusaq casta kayarqan. Paykunatam Davidwan soldädunkuna wanutsiyarqan.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24