bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 20
2 Samuel 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
1
Tsaychömi Bicripa tsurin Seba kaykarqan. Sebaqa Benjamín trïbupita mana alli runam karqan. Paymi cornëtata tukarnin Davidpa contran shärir nirqan: «¡Israel runakuna, wayintsikkunapa kutikushun! ¡Davidqa manam mandamaqnintsik rey kanmantsu! ¡Isaípa tsurin Davidpitaqa manam imatapis chaskishuntsu!»
2
Tsaynö niptinmi Israel runakuna Davidta dëjaskir Bicripa tsurin Sebapa qepanta aywayarqan. Peru Judá runakunam sïqa rey Davidwan Jordán mayupita Jerusalénman aywayarqan.
3
Jerusalénman David kutiykurmi palaciuta cuidananpä dëjanqan chunka concubïna warminkunata juk wayiman wichqatsirqan tsaychö cuidayänanpä. Paykunata wätaykarpis manam paykunawan David punurqannatsu. Tsaymi tsay warmikunaqa wanuyanqanyaq imayka viüdanölla täkuyarqan.
4
Tsaypitanam Amasata rey David nirqan: «Kananpita kimsa junaqta Judá soldädukunata qoriskir paykunawan kayman kutimuy».
5
Tsaymi soldädukunata qorimunanpä Amasa aywarqan. Peru kimsa junaqllachö qorimuyta mana puëdirmi ras kutimurqantsu.
6
Amasa mana kutiptinmi Abisaita David nirqan: «Absalónpita masmi problëmaman Seba churamäshun. Kaychö kaykaq soldädükunata pushakurkur wanutsinaykipä ras qatipanki. Manarä taripaptiki cuidädutä alli murallashqa markaman chaykur pakakunman».
7
Tsaynö niptinmi cereteo soldädukunata, peleteo soldädukunata, tsaychö kaykaq allinnin kaq soldädukunata y Joabpa soldädunkunata pushakurkur Joabwan Abisai Bicripa tsurin Sebata qatipar Jerusalénpita aywayarqan.
8
Gabaónchö jatun rumi kaqman chaykäyaptinnam Amasa yarqamurqan paykunawan tinkunanpä. Joabqa pelyananpä röpan jatishqa y tseqllanman cutsillun jatishqam purirqan. Amasawan tinkuq aywarmi tsay cutsilluta pakayllapa jipiskirqan.
9
Tinkuskirmi Joab nirqan: «¿Allillaku kaykanki, wawqi?» Tsaynö nirmi derëcha kaq makinwan shapranpita tsariskirqan cäranchö mutsananpä.
10
Jukaq makinchö cutsillun aptashqa kanqanta Amasa manam tantiyarqantsu. Tsaymi Joabqa aqishninpis patsaman qotukaqpä pachanpa tuksiskirqan. Jinan höra wanuptinmi yapayqa tuksirqannatsu. Tsaypitanam Joab y wawqin Abisai Bicripa tsurin Sebata wanutsiyänanpä qatipar aywayarqan.
11
Wanushqa kaykaqpa lädunman ichiykurmi Joabpa juk soldädun nirqan: «¡Joabta y Davidta yanapayta munaqkunaqa Joabwan aywashun!»
12
Tsaynö niptinpis nänichö pasaypa yawarllana Amasa wanushqa jitaraptinmi tsaypa päsaq soldädukuna ichiykurrä rikapäyarqan. Tsaymi tsay soldäduqa nänipita jukläman apaykur cäpawan tsapaykurqan.
13
Jukläman witiskatsiptinmi Joabwan aywaq soldädukuna Bicripa tsurin Sebata qatiparnin aywayarqan.
14
Tsayyaqmi llapan trïbu Israel runakuna täyanqankunapa päsar Seba charqan Abel-bet-maaca markayaq. Bicripita miraq castankunawan tsaychö qorikaykurmi tsay markaman yaykuyarqan.
15
Tsaypitanam soldädunkunawan Joab Abel-bet-maacaman chäyarqan. Markaman yaykuna punku sigurashqa kaptinmi yaykuyta mana puëdirnin marka murälla waqtanman rumikunatawan allpata qotuyarqan. Tsaypa yarkuskirnam llapan soldädukuna murällata juchutsir qallaykuyarqan.
16
Tsaynö rurayanqanta rikaykurmi juk astüta warmi qayakurqan: «¡Wiyayämay, papäkuna! ¡Tayta Joabta niykuyällay kayman shamunanpä! Paywan parlaytam munä».
17
Joab chaykuptinmi warmi tapurqan: «¿Qamku Joab kanki?» Tsaymi Joab nirqan: «Awmi, noqam kä». Tsaynö niptinmi warmi nirqan: «Taytay, ninqäkunata shumaq wiyaykallämay». Tsaymi Joab nirqan: «¿Imatä kaykan nimänaykipä?»
18
Tsay warminam nirqan: «Unay runakunam niyaq: «Yätsikuqta tariyta munarqa Abel markapa aywatsun». Tsay ninqannöllam kay markachöqa alli yätsikuqta pipis tarin.
19
Tsaynöllam kay markachö pïmaywanpis alli kawayä. Rey ninqantam imaypis rurayä. Kay markanö alli markaqa juk ishkayllam Israel nacionchö kaykan. Tayta Diospa herencian kay marka kaykaptinqa ¿imanirtä juchuykätsiyanki?»
20
Tsaynö niptinmi Joab nirqan: «¡Tsaytaqa ama yarpaytsu! Manam kay markata ushakätsiyänäpätsu shayämurqü.
21
Sinöqa Efraín jallqakunachö täraq Bicripa tsurin Sebata wanutsiyänäpä ashirmi shayämurqü. Payqa rey Davidpa contran shärinqanpitam kaychö pakaraykan. Tsay runata wanuskatsirqa kay markapita aywakuyäshämi». Tsaynö niptinmi warmi nirqan: «Tsaynö kaptinqa Sebapa umanta marka murälla jananpa jitapäyämushayki».
22
Tsaynö nirmi tsay warmiqa Sebata wanutsiyänanpä marka mayin runakunawan willanakuyarqan. Tsaymi Sebapa umanta roquskir marka murälla jananpa jitaskayämurqan. Jitaskayämuptinnam cornëtata Joab tukatsirqan soldädunkuna markata manana atacayänanpä. Tsaymi llapan soldädukuna wayinkunapana kutikuyarqan. Joabnam Jerusalénchö rey David kaqman kutikurqan.
23
Joabmi Israel nacionchö llapan soldädukunapa capitannin karqan. Joiadapa tsurin Benaíanam cereteo soldädukunapa y peleteo soldädukunapa capitannin karqan.
24
Adorammi rey Davidpa aruqninkunapa capataznin karqan. Ahiludpa tsurin Josafatmi Israelchö ima päsanqankunatapis qellqaq karqan.
25
Sevanam Davidpa secretariun karqan. Sadocwan Abiatarmi sacerdötikuna kayarqan.
26
Jairpita miraq Irapis Davidpa sacerdötinmi karqan.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24