bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 24
2 Samuel 24
Quechuan QXO (Biblia en Quechua del sur de Conchucos)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
Tayta Dios yapay rabyarmi Israel runakunata castigayta munarqan. Tsaymi Davidpa yarpayninman churarqan Israel runakunata y Judá runakunata censananpä.
2
Tsaymi soldädunkunapa capitannin Joabta qayaykur rey David nirqan: «Llapan trïbu Israel runakuna täyanqanman aywar Danpita hasta Beersebayaq censayämunki ayka runakuna kayanqantapis musyanäpä».
3
Tsaynö niptinmi Joab nirqan: «Taytay, ¿imanirtä runakunata censayta munanki? Tayta Diosta mañakushqaqa kawanqaykiyaq pachak (100) kuti mas atskaman mirayänanpämi permitinman».
4
Peru Joab y capitankuna tsaynö niyaptinpis rey Davidqa manam cäsurqantsu. Tsaymi capitankunawan Joab aywayarqan Israel runakunata censayämunanpä.
5
Jordán mayuta päsaskirmi Aroer markachö täraq runakunata y mayu kuchun markachö täraq runakunatapis censar qallaykuyarqan. Tsaypitanam Gad trïbu runakuna täyanqan partipa censaraykar päsayarqan hasta Jazer markaman chäyanqanyaq.
6
Tsaypitanam Galaad partipa y heteo runakuna täyanqan Cades markapa censaraykar päsar Dan trïbu runakuna täyanqanman chaykur Sidón markapa tumayarqan.
7
Tsaynöllam shumaq murallashqa Tiro markapa päsar heveo runakuna y cananeo runakuna täyanqan markakunapa censaraykar päsayarqan. Tsaypitanam Judá trïbu runakuna täyanqan sur kaq lädupa censaraykar päsayarqan hasta Beerseba markayaq.
8
Isqun killa ishkay chunka (20) junaq entërupa censayta ushaskirmi Jerusalénman kutikuyarqan.
9
Rey Davidman chaykurnam ayka runakunata censayämunqantapis Joab willarqan. Israelchö täraq runakunata censarmi tariyarqan puwaq pachak waranqa (800,000) runakunata. Judáchö täraq runakunata censarnam tariyarqan pitsqa pachak waranqa (500,000) runakunata. Llapan tsay censayanqan runakunaqa guërraman aywayänanpä edäninkunachönam kayarqan.
10
Peru Davidnam censatsiyta ushaskir jutsata ruranqanta tantiyaskir shonqunpis nanayparä llakikurqan. Tsaymi Tayta Diosta mañakur nirqan: «Runakunata censatsir pasaypa jutsatam rurarqü. Tayta Dios, kanan perdonaykallämay. Tsaytaqa imayka upanömi rurarqü».
11
Tayta Dios imata ninqantapis musyananpämi profëta Gadta David imaypis tapukuq. Tsaymi waraynin wäray David shärikuykaptin profëta Gadta Tayta Dios nirqan:
12
«Davidman aywaykur willanki kimsa castïgupita mayqantapis jukta akrananpä. Akranqan castïguwanmi castigashä».
13
Tsaynö niptinmi David kaqman aywaykur Gad nirqan: «Kimsa castïgupitash mayqanta karpis jukta akranki. Jukshi kaykan qanchis wata kay nacionchö hambrüna kananpä. Juknash kaykan contraykikuna kimsa killa qatikachäyäshunaykipä. Y juknash kaykan entëru Israel nacionchö kimsa junaq pesti qeshyawan qeshyayänanpä. Mandamaqnï Tayta Diosta willanäpä shumaq yarpachakuskir mayqantapis akraskir willamay».
14
Davidnam Gadta nirqan: «¡Kayrächi kayllaqa! Kananqa manam mayqantapis akrayta puëdïtsu. Imanö kaptinpis pasaypa kuyapäkuq kayninwan kikin Tayta Dios castigamätsun. Conträ runakunapa poderninmanqa ama dëjaykamätsuntsu».
15
Tsaymi tsay junaq wäraypita qallaykur citanqan junaqyaq Danpita hasta Beersebayaq Israel runakunata pesti qeshyawan Tayta Dios castigarqan. Tsaynö castigaptinmi qanchis chunka waranqa (70,000) runakuna wanuyarqan.
16
Mandamunqan ángel Jerusalénchö täraq runakunatapis wanutsinanpäna kaykaptinmi Tayta Dios pësakurqan runakunata tsaynö wanutsinqanpita. Tsaymi angelta nirqan: «Amana wanutsiynatsu». Tsay höram Tayta Diospa angelnin jebuseo runa Araunapa ëranchö kaykarqan.
17
Wanutsikuq angelta rikaykurmi Tayta Diosta David nirqan: «Taytay, manam Jerusalén runakunatsu jutsayuq kayan, sinöqa noqallam. Runakunata censatsir jutsata ruranqäpita noqata y castäkunata castigaykallämay».
18
Tsay junaqmi David kaqman aywaykur Gad nirqan: «Jebuseo runa Araunapa ëranman aywaykur Tayta Diosta adorayänaykipä altarta ruray».
19
Tsaymi Tayta Dios ninqannölla David aywarqan.
20
Rey David yanapaqninkunawan aywaykäyanqanta rikaskirmi Arauna tinkupaykur puntanman qonqurikuykurqan urkunpis patsaman töpanqanyaq.
21
Tsaypitam nirqan: «Taytay, ¿imallatä kaykan watukaykamänaykipä?» Tsaymi David nirqan: «Ëraykita rantikaykallämay Tayta Diospä altarta tsaychö ruranäpä. Tsay altarchömi sacrificiukunata rupatsishä pesti qeshyawan runakuna manana wanuyänanpä».
22
Tsaymi Arauna nirqan: «Taytay, kaychö ërapis kaykanmi. Sacrificiuta rupatsinaykipäpis törükuna kanmi. Yantata munaptikipis jurquitakuna y yügukunapis kanmi.
23
Llapan tsaykunatam qaraykushayki». Tsaypita mastam nirqan: «Tayta Dios rupatsinqayki sacrificiuta chaskiykulläshuy».
24
Tsaynö niptinmi rey David nirqan: «Päkillä, taytay. Llapanpis allim. Imanö kaptinpis qaraykamänaykipa rantinqa rantikaykallämay. Qaraytukuyllawanqa manam Tayta Diosnïpä sacrificiuta rurämantsu». Tsaynö nirmi tsay ëratapis törukunatapis David rantirqan pitsqa chunka (50) siclo qellaywan.
25
Tsaypitanam tsay ërachö altarta David ruraskatsir rupatsina sacrificiukunata y alli päsakuy sacrificiukunata rupatsirqan. Tsaymi runakuna mañakuyanqanta wiyar Tayta Dios pesti qeshyawan pitapis wanutsirqannatsu.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24