bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 5
2 Samuel 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Tsaypitanam llapan trïbu Israel runakuna Hebrón markaman aywaykur Davidta niyarqan: «Noqakunaqa castayki karmi rey kanaykita munayä.
2
Rey Saúl mandaq kanqan witsanpis qammi Israel soldädukunata guërrachö pelyayänanpä pusharqayki. Tsaynöllam rey kanaykipä Tayta Dios nishurquyki: «Qamtam kuyanqä Israel runakunapa mandaqnin rey kanaykipä akrarqü. Tsaymi üsha mitsiqnö Israel runakunata shumaq cuidanki».
3
Tsaynö niyaptinmi Tayta Diospa puntanchö Israel mayor runakunawan pactuta David rurarqan. Tsaychömi umanman aceitita wiñayarqan mandaqnin rey kananpä.
4
Kimsa chunka (30) watayuq kaykarmi David mandar qallaykurqan. Payqa Israel nacionchö chusku chunka (40) watam rey karqan.
5
Judá runakunapa mandaqnin rey karmi Hebrónchö qanchis wata y joqta killa tarqan. Tsaypitanam Israel y Judá runakunapa mandaqnin rey kar Jerusalénchö kimsa chunka kimsa (33) wata tarqan.
6
Tsaypitanam soldädunkunawan rey David aywarqan Jerusalénchö täraq jebuseo runakunata atacayänanpä. Tsaymi jebuseo runakuna niyarqan: «Qamkunaqa manam imanöpapis kayman yaykamuyta puëdiyankitsu. Yaykamuyta munayaptikipis qaprakuna y weqrukunallam michäyäshunki».
7
Tsaynö nikäyaptinpis Davidqa jebuseo runakunata vinciskirmi Sión jirkanchö kaykaq murallashqa markata qechurqan. Tsaypitam kananyaqpis tsay markata Davidpa Markan niyan.
8
Manarä yaykurmi soldädunkunata David nirqan: «Qaprakuna y weqrukunallam michäyäshunki» nimaqnintsikkunataqa pasaypam chikï. Paykunata atacanantsikpä yaku aywaq tünilllapa tsay markaman yaykushun». David tsaynö ninqanpitam pitapis chikir imaypis niyan: «Qaprakunapis ni weqrukunapis templuman manam yaykuyanqatsu».
9
Jerusalénchöna David tarmi jutitsirqan Davidpa Markan nir. Tsaypitanam tumaypa murallatsirqan Milo niyanqan patak pirqapita hasta palaciuyaq.
10
Llapanta mandaq Tayta Dios yanapaptinmi David mas poderyuq karqan.
11
Tsaypitam Tiro markapa mandaqnin rey Hiram Davidman runakunata mandarqan imachöpis yanapanakuyänanpä. Paykunatawanmi carpintërukunata y rumi llaqllaqkunata mandarqan Davidpa palaciunta shäritsiyänanpä. Tsaynöllam cedru qerukunatapis apatsirqan.
12
Tsaymi David tantiyakurqan Tayta Dios Israel runakunata kuyar rey kananpä churanqanta.
13
Hebrón markapita aywakur Jerusalénchö täkurnam warminkuna y concubïnankuna mas kayänanpä David ashirqan. Paykunachömi ollqupis warmipis tsurinkuna yuriyarqan.
14
Jerusalénchö yuriq ollqu tsurinkunapa jutinkunam karqan Samúa, Sobab, Natán, Salomón,
15
Ibhar, Elisúa, Nefeg, Jafía,
16
Elisama, Eliada y Elifelet.
17
Israel nacionpa mandaqnin rey David kanqanta musyaskirmi llapan filisteo runakuna wanutsiyänanpä ashiq aywayarqan. Tsayta musyaskirmi Davidqa pakaranqanman aywarqan.
18
Filisteo runakuna chaykurmi campamentunkunata Refaim pampachö shäritsiyarqan.
19
Tsaymi Tayta Diosta mañakur David nirqan: «¿Filisteo runakunata atacanäpä aywämanku? ¿Paykunata vincinäpä yanapamankimanku?» Tsaynö mañakuptinmi Tayta Dios nirqan: «Awmi, yanapashaykim».
20
Tsaymi soldädunkunawan Baal-perazimman David chaykur filisteo runakunata vincirqan. Tsaynö vincirmi David nirqan: «Teqi shamur imaykatapis apanqannömi conträkunata vincinäpä Tayta Dios yanapamashqa». Tsaypitam tsay pampata jutitsirqan Baal-perazim jutin kananpä.
21
Tsaychömi filisteo runakuna ïdulunkunata jaqiskir aywakuyarqan. Tsaytanam soldädunkunawan David qoriskir rupatsiyarqan.
22
Tsaypitanam filisteo runakuna yapay Davidta atacayänanpä Refaim pampaman kutiyarqan.
23
Tsaymi David yapay tapukuptin Tayta Dios nirqan: «Defrentiqa ama atacayaytsu. Tsaypa rantinqa balsamu muntikuna kayanqanpa tumapaykur qepankunapita atacayay.
24
Tsaychö pakakuykur shuyäyanki. Balsamu muntikuna puntankunapa puriqtanö wiyarmi musyayanki puntaykikunata filisteo runakunata vincinäpä aywaykanqäta. Tsaynö kaptin ras yaykuyanki atacayänaykipä».
25
Tayta Dios mandanqannö rurarmi filisteo runakunata David vincirqan. Gabaón markapita Gezer markayaqmi qati qatiykur wanutsiyarqan.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24