bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 6
2 Samuel 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
1
Tsaypitam kimsa chunka waranqa (30,000) allin kaq Israel soldädukunata David qorirqan.
2
Paykunawanmi Judáchö kaq Baala markaman aywayarqan Tayta Diospa babulninta Jerusalénman apayänanpä. Babul jananchö ishkay querubín chawpinchömi llapanta mandaq Tayta Diospa trönun.
3
Tayta Diospa babulninqa karqan Abinadabpa wayinchömi. Tsay wayiqa karqan juk jirkanchömi. Wayipita jipiskirmi mushuq carrëtaman babulta churarkur apayarqan. Abinadabpa tsurinkuna Uza y Ahíupis lädunkunapam aywayarqan.
4
Carrëtapa puntantanam Ahío aywarqan.
5
Babulta apayaptinmi Israel runakunawan Davidpis llapan kallpanwan cantar y danzar aywarqan. Tayta Diosta alabarmi arpakunata, salteriukunata, panderëtakunata, shaqshaqyaqkunata y platïllukunatapis tukaraykar aywayarqan.
6
Nacónpa ëran kaqman chaykur törukuna llutskaskiyaptinmi Uzaqa babul mana shushunanpä tsariskirqan.
7
Tsaynö tsariptinmi Tayta Dios pasaypa rabyar Uzata jinan höra wanuskatsirqan. Tsaymi Uza wanur babul ñöpanman ishkiskirqan.
8
Uzata Tayta Dios wanutsiptinmi David pasaypa ajanarqan. Tsaypitam tsay ërata jutitsirqan Pérez-uza jutin kananpä. Tsay jutillawanmi hasta kananyaqpis reqiyan.
9
Tsay junaqmi Tayta Diosta mantsar David nirqan: «¡Taytay, kakullätsun! Tayta Diospa babulninta ¡imapätä apashäpis!»
10
Tsaynöpämi tsay babulta Davidpa Markanman apayarqannatsu. Tsaypa rantinmi Gat markapita Obed-edompa wayinman paytakuyarqan.
11
Kimsa killayaqmi tsaychö babul paytakararqan. Tsaymi Obed-edomta y castankunata Tayta Dios llapanchöpis yanaparqan.
12
Tsaypitanam rey Davidta willayarqan Tayta Diospa babulnin Obed-edompa wayinchö kaptin llapanchöpis payta yanapanqanta. Tsaymi Tayta Diospa rabyaynin päsanqanta tantiyaskir David tsayman aywaykur Tayta Diospa babulninta Jerusalénman kushishqa apatsirqan.
13
Jerusalénman apayänanpä yarquskiyaptinmi Davidqa juk töruta y wera carnëruta pishtaskir sacrificiupä rupatsirqan. Tsaynö rupatsirqan babulta apaqkuna cada joqta japayta japaskiyaptinmi.
14
Davidmi lïnupita rurashqa efodnin jatikushqa Tayta Diospa babulninpa puntanta pasaypa kushishqa tushuraykar aywarqan.
15
Davidwan llapan Israel runakunanam kushikuypita qayaykacharnin y cornëtakunata tukaraykar Jerusalénman babulta apayarqan.
16
Tayta Diospa babulninta Davidpa Markanman yaykaykätsiyaptinmi Saúlpa tsurin Mical ventänanpita qawaykur David kushishqa Tayta Diospa puntanta tushuraykar aywaykaqta rikarqan. Rey kaykar saltaypa saltar tushuykaqta rikarmi shonqullanchö Davidta jamurqan.
17
Markaman chaykatsirmi Tayta Diospa babulninta David shäritsinqan toldu rurinman churayarqan. Tsayman churaykurnam ashmakunata David pishtaskatsir rupatsina sacrificiuta y alli päsakuy sacrificiutapis Tayta Diospa puntanchö rupatsirqan.
18
Rupatsiyta ushaskirmi llapanta mandaq Tayta Diosta Israel mayinkunapä mañakur Davidqa Diospa jutinchö bendisarqan.
19
Tsaypitam ollqutapis warmitapis llapan Israel runakunata aypurqan juk tantata, pedäzu aytsata y päsasllan atipashqa juk biscöchuta. Tsayta mikuskirnam runakuna wayinkunapa kutikuyarqan.
20
Tsaynöllam Davidpis castankunata bendisananpä wayinman kutikurqan. Wayinman yaykuykaptinmi Saúlpa tsurin Mical yarqaskamur nirqan: «¡Israel nacionpa mandaqnin rey kaykar sirviq warmikunapa puntanchö cösa tushuraykarmi aywarquyki! ¡Mana tantiyakuq runanömi pasaypa penqakuypä penqaynikipis kamaylla tushurquyki!»
21
Niptinmi David nirqan: «Noqaqa Tayta Diospa puntanchömi tushurqü. Paymi Israelchö rey kanäpä papänikipa trokin akramashqa. Israel runakunapa mandaqnin rey karmi Tayta Diospa puntanchö imaypis tsaynö tushushä.
22
Tayta Diosta adoranqäpita despreciamaptikipis masrämi payta adorashä. Imata yarpaptikipis tsay sirviq warmikunaqa respitayämanqam».
23
Davidta tsaynö desprecianqanpitam Micalqa wanunqanyaqpis qolluq karqan.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24