bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 12
2 Samuel 12
Quechuan QXO (Biblia en Quechua del sur de Conchucos)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
Tsaypitanam Davidman Tayta Dios mandarqan profëta Natánta. Chaykurmi nirqan: «Juk markachömi rïcu runa y pobri runa karqan.
2
Rïcu runapam atska wäkankuna y üshankuna karqan.
3
Pobri runapanam karqan rantinqan jukllaylla washki üshan. Tsay üshantam wamrankunatawan juntu wätarqan. Tsaynöllam mikuyanqan mikuyta qaraq y yakutapis pucillunpita uputsiq. Millqayllanchömi punutsiqpis. Tsay pobri runaqa warmi tsurintanömi üshanta pasaypa kuyarqan.
4
Juk kutim tsay rïcu runaman qorpa charqan. Chaptinmi mikuyta qarananpä kikinpa üshanta o wäkanta pishtananpa rantin tsay pobri runapa jukllaylla washki üshanta pishtaskir qorpanta qararqan».
5
Natán tsaynö willaptinmi David pasaypa rabyar nirqan: «Tayta Diospa jutinchömi nï: ¡Tsaynö ruranqanpita tsay runata juklla wanutsiyätsun!
6
Tsaynölla pobri runata mana kuyapaypa qechunqanpita chusku üshata üshanpa trokin kutitsitsun».
7
Tsaynö niptinmi Natán nirqan: «¡Tsay runaqa kikikim kaykanki! Tayta Diosmi nin: «Israel nacionpa mandaqnin rey kanaykipä noqam qamta akrarqä. Saúl wanutsishuyta munaptinpis noqam qamta salvarqä.
8
Tsaypitam Saúlpa palaciuntapis warminkunatapis qamta entregarqä. Paypa trokin Israel runakunapa y Judá runakunapa mandaqnin rey kanaykipämi qamta churarqü. Tsaykuna faltäshuptikiqa mastapis entregämanmi karqan.
9
Tsaynö yanapaykaptïqa ¿imanirtä mandamientükunata mana cäsur mana allita rurarquyki? ¿Imanirtä warminta qechunayki raykur Uríasta wanutsirquyki? Manam amonita runakunatsu wanutsiyashqa, sinöqa qammi wanutsirquyki.
10
Uríaspa warminta warmikipä qechurmi manakaqman churamarquyki. Tsaymi kananpitaqa castaykikuna chikinakur imaypis wanutsinakullar kayanqa».
11
«Mastam Tayta Dios nin: «Kikikipa castaykipita contrayki shärirmi llapan runakuna rikaykaptin warmikikunawan pununqa.
12
Qamqa pakayllapam Betsabéwan jutsata rurarquyki. Contrayki shäriq runaqa llapan Israel runakuna rikaykaptinmi warmikikunawan pununqa».
13
Tsaymi David nirqan: «Taytay, Tayta Diosta rabyanätsirmi jutsata rurarqü». Natánnam nirqan: «Jutsata ruranqaykipitam Tayta Dios perdonashurquyki. Tsaymi wanunkirätsu.
14
Tayta Diosta mana cäsur rabyanätsinqaykipitam tsayrä yuriq tsuriki wanunqa».
15
Tsaynö niskirmi Natánqa wayinpa kutikurqan. Uríaspa warminchö yuriq wamrantanam Tayta Dios pasaypa qeshyatsirqan.
16
Tsaymi tsurin qeshyaptin David ayunarnin Tayta Diosta rugakur patsallachö punurqan.
17
Tsaynö kaptinmi palaciunchö täraq mayor runakuna Davidta rugayarqan patsachö jitaraykanqanpita shäriskir mikunanpä. Tsaynö rugayaptinpis shäriyta ni mikuytapis manam munarqantsu.
18
Tsaypita qanchis junaqta wamra wanuskiptinmi yanapaqninkuna willayta mantsapar willanakur ninakuyarqan: «Kawaykaptinrä mikuytapis mana munaykarqa ¿imanörä kanqa tsurin wanunqanta willashqa? ¡Imaykatapis ruraykunqachi!»
19
Kikinpura pakayllapa parlaykäyanqanta rikarmi David tantiyarqan tsurin wanunqanta. Tsaymi tapur nirqan: «¿Rasunpaku tsurï wanushqa?» Niptinmi niyarqan: «Taytay, rasunpam wanushqa».
20
Tsaymi patsachö jitaraykanqanpita David shäriskir bäñakurqan y perfümita wiñakur röpanta cambiakurqan. Tsaypitanam Tayta Diospa wayinman aywarqan adorananpä. Wayinman kutiskirnam mikuyta mañakur mikurqan.
21
Tsaymi yanapaqninkuna niyarqan: «Taytay, ¿imanirtä tsuriki manarä wanuptin waqar mikurqaykitsu y kanan tsuriki wanuskiptin sï shärirkur tranquïluna mikuykanki?»
22
Tsaynö niyaptinmi David nirqan: «Tsurï kawaykaptinmi ayunar waqar nirqä: «Capazchi Tayta Dios kuyapämar tsurïta alliykatsinmanpis».
23
Wanushqana kaykaptinqa ¿imapänatä ayunashäpis? Ayunaptïpis tsurï manam kawamunqanatsu. Tsaypa rantinqa noqam wanur pay kaykanqan kaqman aywakushä. Payqa manam imaypis kay patsaman kutimunqanatsu».
24
Wamran wanunqanpita alläpa waqaptinmi Betsabéta David shoqarqan. Tsaypitanam yapay paywan punurnin qeshyaq rikakur ollqu wamrata qeshyakurqan. Tsay wamrapa jutintam Salomónta churarqan. Paytaqa Tayta Dios pasaypam kuyarqan.
25
Tsaynö kuyarmi profëta Natánta Tayta Dios mandarqan Jedidías jutitapis jutitsinanpä.
26
Joabnam soldädunkunawan aywar Rabá marka runakunawan pelyaykäyarqan. Tsay runakunaqa amonita runakunam kayarqan. Reypa palaciun kaykanqan partiman yaykuyänanpäna kaykarmi
27
Davidman willakatsir niyarqan: «Rabá marka runakunata atacar markaman yaykuna yaku kaqchönam kaykäyä.
28
Kananqa wakin kaq soldäduykikunawan kikiki shamuy vinciskir markaman yaykunaykipä. Mana shamuptikiqa markaman yaykuptï Israel runakuna qamta alabayäshunaykipa rantinmi noqatana alabayämanqa».
29
Tsaynö niptinmi soldädunkunata pushakurkur Rabá markaman David aywarqan. Tsaychö täraq runakunata vinciskirmi markaman yaykur
30
reypa corönanta qechurqan. Tsay corönaqa kimsa arröba qoripita rurashqa y kuyayllapä rumikunawan adornashqam karqan. Tsay corönatam Davidta jatitsiyarqan. Tsaynöllam Rabá markapita atskata imaykatapis allin kaqta David apakurqan.
31
Markachö mana wanutsinqan runakunatam wakinta churarqan qeruta tseqtayänanpä, wakinta churarqan chakrachö aruyänanpä y wakintana churarqan ladrilluta rurayänanpä. Tsaynöllam wakin markakunachö täraq amonita runakunatapis tsay aruykunaman churarqan. Tsaypitanam soldädunkunawan Jerusalénman David kutikurqan.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24