bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Samuel 3
2 Samuel 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
Saúlpa soldädunkunawanmi Davidpa soldädunkuna atska wata guërrachö kayarqan. Tsaynö pelyar Davidpa soldädunkuna vinciyaptinmi Saúlpa soldädunkuna wallkallana kayarqan.
2
Hebrón markachö kaykaptinmi Davidpa wakin tsurinkuna yuriyarqan: Mayor tsurinpa jutinmi karqan Amnón. Payqa Jezreelpita warmin Ahinoampa wamranmi karqan
3
Amnónpa qepanman yuriq tsurinpa jutinmi Quileab karqan. Quileabqa Carmel markachö täraq Nabalpa viüdan Abigailpa wamranmi karqan. Quileabpa qepanman yuriq tsurinpa jutinmi karqan Absalón. Absalónqa Maacapa wamranmi karqan. Maacaqa Gesur markapa mandaqnin rey Talmaipa tsurinmi karqan.
4
Absalónpa qepanman yuriq tsurinpa jutinmi karqan Adonías. Adoníasqa Haguitpa wamranmi karqan. Adoníaspa qepanman yuriq tsurinpa jutinmi karqan Sefatías. Sefatíasqa Abitalpa wamranmi karqan.
5
Sefatíaspa qepanman yuriq tsurinpa jutinmi karqan Itream. Itreamqa Eglapa wamranmi karqan. Hebrónchö David taykaptinmi tsay tsurinkuna yuriyarqan.
6
Davidpa soldädunkunawan pelyayänanpä Saúlpa soldädunkunata pusharmi Abner mas munayyuq karqan.
7
Saúlpa concubïna warminmi Ajapa tsurin Rizpa karqan. Juk junaq Abnerta qayaykatsirmi Is-boset nirqan: «¡Imanirtä papänïpa concubïnanwan punurquyki!»
8
Tsaynö niptinmi Abnerqa pasaypa rabyashqa nirqan: «¡Acäsu noqaqa Judá runakunapa täpakuq allqunku kä! Noqaqa imaypis papäniki Saúlta respitarmi llapaykita yanaparqü. Tsaymi munarqütsu Davidpa poderninchö kanaykitapis. ¿Tsaynö yanapaykaptïku kananqa «¿imanirtä tsay warmiwan punurquyki?» nimanki?
9
Kananpitaqa manam yanapashaykinatsu. Tsaypa rantinqa Davidtanam yanapashä. Tayta Dios pasaypa castigamätsun llapan awninqankunata chaskinanpä Davidta mana yanapaptï.
10
Rey kanaykipa rantin Davidnam llapan Israel runakunapa y Judá runakunapa mandaqnin rey kanqa. Paymi Dan markapita Beerseba markayaq mandanqa».
11
Tsaynö niptin Abnerta mantsarmi Is-bosetqa imatapis nirqannatsu.
12
Tsaymi willakuqkunata Hebrónman Abner mandarqan Davidta niyänanpä: «Qampa podernikichönam kay nación kaykan. Tsaynö kaykaptinqa pactuta rurashun wakin Israel runakunatapis podernikiman churamunäpä».
13
Davidnam nirqan: «Allim kanman qamwan pactuta rurashqa. Peru pactuta ruranantsikpä pushamunki Saúlpa warmi tsurin Micalta. Payta mana pushamurqa ama chämuypistsu».
14
Tsaypitam Saúlpa tsurin Is-bosetman willakuqkunata David mandarqan niyänanpä: «Warmï Micalta kutitsipaykamay. Paywan tänäpämi pachak (100) filisteo runakunata wanuskatsir penqayninkunapa jana qaranta roquskir papäniki Saúlta entregarqä».
15
Tsaynö niptinmi runan Paltielwan Mical taykaptin Is-boset rakitsimurqan. Paltielqa Laispa tsurinmi karqan.
16
Micalta rakiskir Abner pushaptinmi runan Paltiel waqaraykar qepankunata aywarqan hasta Bahurim markayaq. Tsaychö wayinpa kutikunanpä Abner niptinmi Paltielqa kutikurqan.
17
Abnernam Israel mayor runakunata nirqan: «Unaypitanam munayarquyki David mandamaqnintsik rey kananta.
18
Kananqa rey kananpä churashun. Tayta Diospis nirqanmi: «Sirvimaqnï Davidtam yanapashä Israel runakunata filisteo runakunapa poderninpita jipinanpä. Paymi Israel runakunata salvanqa llapan contrankunapa poderninpita».
19
Tsaynöllam Benjamín trïbu runakunawanpis Abner parlarqan. Tsaypitanam Hebrónman aywar Davidta willar nirqan: «Israel autoridäkuna y Benjamín autoridäkunapis llapanmi rey kanaykita munaykäyan».
20
Tsaynö niptinmi David kushikurnin Abnerpä y pushanqan ishkay chunka (20) soldädukunapä atska mikuyta kusinatsirqan.
21
Abnernam Davidta nirqan: «Kananqa Israel runakunata qorimunäpä aywashä. Llapan qorikaskirmi rey kanaykipä qamwan pactuta rurayanqa. Tsaynöpam yarpanqaykinö mandanki». Tsaypita David despachaptinmi Abner aywakurqan.
22
Davidwan parlanqanpita Abner yarquskiptillannam Davidpa soldädunkunawan Joab charqan guërrachö qechuyämunqankunata atska qepinkuna aparishqa.
23
Soldädunkunawan Joab chaptinmi willayarqan Nerpa tsurin Abner Davidman chanqanta y tranquïlu kutikunanpä David despachanqanta.
24
Tsaynö willayaptinmi rey Davidman aywaykur Joab nirqan: «¡Taytay, imatatä rurarquyki! ¡Imanirtä Abner aywakunanta dëjarquyki!
25
¿Manaku tantiyanki Nerpa tsurin Abner engañashunaykipä shamunqanta? Payqa imata ruranqaykitapis rikapakuq y musyapakuqllam shamushqa».
26
Tsaynö nirmi Joabqa David kaqpita yarquskir runakunata mandarqan Davidta mana musyatsiyllapa Abnerta kutitsiyämunanpä. Tsaymi Sira ninqan pözupita Abnerta kutitsiyämurqan.
27
Hebrón markaman Abner kutiykuptinmi pakayllapa parlananpä marka yaykunaman Joab pusharqan. Tsaychönam wawqin Asaelta wanutsinqanpita kikintapis pachachö wanuqpä tuksiskirqan.
28
Wanutsinqanta musyaskirmi David nirqan: «Tayta Dios musyanmi Nerpa tsurin Abnerta mana wanutsinqäta ni payta wanutsinanpä pitapis mana ninqäta.
29
Abnerta wanutsinqanpita Joabmi jutsayuq kaykan. Tsaynö ruranqanpita llapan castankuna y castankunapita miraqkuna imayyaqpis yawarta ishpar o leprawan karpis ñakayätsun. Tsaynölla weqruyar tukrullawan puriyätsun, espädawan wanutsishqa kayätsun y imaypis hambrünallachö kayätsun».
30
Tsaynömi wawqin Abisaiwan Joab Abnerta wanutsiyarqan wawqin Asaelta Gabaónchö pelyar wanutsinqanpita.
31
Tsaypitanam Joabta y paywan kaykaq runakunata David nirqan: «Abner wanunqanpita llakikur röpaykikunata rachiskir lütu röpata jatikuyay». Tsaypitam pampaq apayaptin rey Davidpis aywarqan.
32
Tsaychömi David llapan runakunawan Abnerpä qayarayparä waqayarqan. Tsaymi Hebrónchö Abnerta pampayarqan.
33
Abnerpä llakirmi rey David cantar nirqan: «¡Ay Abner! ¡Imanirtä upa runatanö wanutsishurquyki!
34
Wanutsishunaykipäqa manam makikikunapis watarashqatsu. Chakikikunapis manam manyarashqatsu. Qamtaqa mana alli runakunam wanutsiyäshurquyki». Abnerpä David tsaynö cantaptinmi runakuna masrä waqayarqan.
35
Tsaypitanam Davidta runakuna rugayarqan patsa manarä tsakaptin imallatapis mikunanpä. Peru tsaynö rugayaptinpis jurarmi nirqan: «Patsa manarä tsakaptin tantata o imallatapis mikuptïqa Tayta Dios pasaypa castigamätsun».
36
Abnerta David kuyanqanta tantiyarmi llapan runakuna kushikuyarqan. David ruranqankunaqa llapanpis paykunapä allim karqan.
37
Tsay junaqmi Israel runakuna tantiyayarqan Nerpa tsurin Abner wanunqanpita rey David jutsaynaq kanqanta.
38
Tsaypitam yanapaqninkunata David nirqan: «Kanan junaq Israel nacionchö alli runam wanushqa.
39
Peru rey kaykarpis Sarviapa wamrankuna Joabta y Abisaita manam ima ruraytapis puëdïtsu. Paykunataqa Tayta Dios castigatsun mana allita rurayanqanpita».
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24