bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 1
Ezekiel 1
Sukuma 2019
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 2 →
1
Mu lūshikū lwa katanò ng'weji gwa kanè, ng'waka gwa makūmi adatū, naalī kū Mongo gwa Kebali hamò na basaamiwa. Ī ligūlū lyūkundūka nūbona koolekegeje ka ng'wa Mulungu.
2
Ū lūshikū lwa katanò ū mu ng'weji gwenūyo, gwalī ng'waka gwa katanò kwīngīīla ikanza lya kūsaamiwa kwa ntemi Yehoyakini;
3
mhayo go ng'wa SEEBA gūkang'wizīīla ngabīji Ezekia ng'witūnja o ng'wa Buzi, walī kū Mongo gwa Kebali mu sī ya Bakalidayo. Ū nkono go ng'wa SEEBA gwalī hamò nang'hwe ū kwenūko.
4
Aho nalola, nūbona nyaga gwa shūlūlū gūliza kūfumīīla mu sukuma, n'ilunde itaale līpīndiwe būpe būng'weku no no no, na moto gūkūligimaga bo kūlabya wangū wangū. A ha gatī ya moto shaliho kinhū gītī chūma shiteemagīzu;
5
Ū mu moto shalīmo gītī shiseeng'wa shipanga shinè; ī suso yasho yaali giti munhū.
6
Gwike būlī shene shalī na būshū būnè na manana anè.
7
A magūlū gasho gaalī magololoku, ī mhambala jasho jalī gītī chūūga sha ndama, na jateemagīlaga gītī chūma shape shiguusilwe shūng'weka.
8
Ū mu mangwa ya manana ayo galī kū mhandī jose inè būlī hene gwalīho nkono gwa munhū. Ī shiseeng'wa shose būnè washo shalī na būshū na manana;
9
a manana gasho gaalī gikuumije. Būlī shene ūlū shilīselema shajaga kū būtongi dūhū, shalī shitagalūkaga.
10
Ū mu mihayo ya shikolile sha suso ya shiseeng'wa shenīsho kwalī gīkī, būlī shene shalī na suso ya būshū bo munhū, ū kū nkono gwa būlyo būlī shene shalī na suso ya būshū bo shimba, ū kū nkono gwa lūmoso būshū bo nzagamba, hama būlī shene shalī būshū bo ng'hoonà.
11
H'ūmò walī ū būshū washo. A manana gasho gaalī gaalile hūna gūgololoka kūj'igūlya, būlī shene manana abīlī; inana līmò liikuumije n'inana lichalyo ū kū shiseeng'wa īsho shalī bbihī nasho; manana abīlī gūūgūkumba ū mīlī.
12
Būlī shene ūlū shilīselema shajaga kū būtongi dūhū; ūko gūja ū moyo shajaga kwenūko; shalī shitagalūkaga ūlū shilīselema.
13
Ī shiseeng'wa shenīsho shaali sgītī makala ga moto gakangaalile, nūūlū gītī chenge shikūligimaga; moto ng'weku gwilibanhyaga ūko na ūko ū mu shiseeng'wa shenīsho, na ndabi jafumaga mo jikūlabyaga.
14
Ī shiseeng'wa shipanga shenīsho shaselemaga ūko na ūko wangū no gītī lūlabi.
15
Aho naashilola chiza ī shiseeng'wa shipanga, nūbona būlī shene shilī n'idandali a hasī lihelile nasho.
16
A madandali genayo ūmò gabonekanīlaga nū mumo gaalī gabeegegije gaalī gīkī, gang'wekaga gītī kilisolito, a gose būnè wago gaalī gikolile. Būlī lyene lyali gītī lībeejiwe mu mbika y'idandali mu gatī y'idandali.
17
Ūlū galīselema gajaga būlī kwene ū mu mhandī inè, ūko shalī shilolelile ī shiseeng'wa; a madandali gaalī gatagalūkaga ūlū shilīja ī shiseeng'wa.
18
Ī lingi ja madandali genayo jalī ngūngūhu no, hangī ja magaka; nīyo pyī ī lingi būnè wajo jalī jokalile miso py'a hose.
19
Ī shiseengw'a shipanga ūlū shaselema, na a madandali ayo gihelile nasho gaaselemaga hamò nasho; nūūlū shabūūka higūlya ya sī ī shiseeng'wa shipanga, na a madandali gabūūkaga a hasī.
20
Hose hose ūko gūūīlīla ū moyo, nasho shajaga, na a madandali gaabūūkaga hamò nasho; nguno ū moyo gwa shiseeng'wa shipanga gwal'ū mu madandali.
21
Ī shiseeng'wa ūlū shaselema, na a goi gaselemaga, ī shiseeng'wa ūlū shīmīīla shalembeela, na a goi gīmīīlaga gaalembeela, nūūlū shabūūka higūlya ya sī ī shiseeng'wa, na a madandali gabūūkaga a hasī; nguno ū moyo gwa shiseeng'wa shipanga gwal'ū mu madandali.
22
A higūlya ya mitwe ya shiseeng'wa shipanga lyalīho lya kūbiza gīt'igūlū lyambile; iteemagīzu gītī ilole, hangī lya kogohya no.
23
A ha sīlīlī y'igūlū ī shiseeng'wa shalī shigoloolile manana gilolela būlī lyene na lichalyo; na būlī shene shalī shiikumbile ū mīlī gwasho na manana abīlī.
24
Ūlū shilīja naagwigwaaga ū mfuutumo gwa manana gasho, gītī numī gwa minzī mingī gakūhūūmaga, gītī kūhamuka kwakwe ū Wabūdūla; gītī yoge y'ibità itaale. Aho shīmīīla shūlembeela, shūgiicha a manana gasho.
25
Aho shīmīīlile na a manana gasho gikile, lilonga ilaka kūfuma a higūlya y'igūlū īlo lyalī ū kwigūlya ya mitwe yasho.
26
A higūlya y'igūlū ū kwigūlya ya mitwe yasho, lyali ho gīt'isumbī lya būtemi lya mawe ga safilo; a h'isumbī lya būtemi gwalīho gītī mīlī gwa suso ya munhū.
27
Ū kwandīja aho yalī gītī ha nkīmbīlī gwakwe kūja igūlya, nūmona abange gītī chūma shiteemagaīzu shokalile moto ū mu gatī, ū kwandīja a henaho kwika sīlīlī walī gītī moto; walī apīndiwe būpe būng'weku no.
28
Ū būng'weku wa būpe ūbo walī būmpīndije walī gītī w'ita lya baashi ng'wikanza lya mbula. H'ūmo shali shīli ī shiikolanījo sh'ikūjo lya ng'wa SEEBA. Aho nashibona nūgwa hasī nabundaalile, kwimanīla nigwa ilaka lya munhū akūyombaga.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48