bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 34
Ezekiel 34
Sukuma 2019
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 35 →
1
Ū mhayo go ng'wa SEEBA gūnizīīla hangī:
2
Ng'wana wa munhū, bahangīlage a badīīmi ba sī ya Isilaeli; hangaga ūbawīle, Ū Seeba MULUNGU alīhaya gīkī, A badīīmi ba sī ya Isilaeli abo bakilishaga boi dūhū balī mu kwihīga kūtaale! Nibūlī a badīīmi baleke ū kūlīlang'hana ī lidaale?
3
A mabeelè mukang'waga, nī shizwalo sha kūbeeja kūfuma mu booya wajo mukazwalaga, hama ī ng'īnu mukasīnzaga; alīyo ū kūlīlang'hana ī lidaale yaya.
4
Ī ngokolo mulemile ū kūjigunanha nū kūjilagūla ī saatu yaya, nūūlū jalabūka mutajitungaga. Nī jijo jikajaga būyaga mutajishoshaga, nūūlū jūjimīīla nahene mutajikoobaga; hama mukajisugaga mu būkalī na wiboneeji.
5
Nose kūlwa kūgayiwa ndīīmi jalī jasambaala, hūna aho jasambaala jūyūliwa mashiinū ga mu masaka ga būlī mbika.
6
Ī ng'holo jane jikasambaala mu ngūlū ja būlī mbika na būlī kwene ū kū mapandī ga higūlya. Jalī jasambaala hose pyī ū mu sī; na walī atīho wa kūjikooba nūūlū kūja akūjigīsīlījaga.
7
Alilūūlū bing'we badīīmi, gwigwagi ū mhayo go ng'wa SEEBA:
8
Ūmo nene nalī mpanga, alīhaya Seeba MULUNGU, īkī ī lidaale lyane lītī na ndīīmi, nose lyūsolwa nding'wa na kūbiza shilīwa kū mashiinū gose ga mu masaka, hangī nīyo īkī a badīīmi bane batī na būkalalwa bo kūlīkooba ī lidaale lyane, ūlū ītī kwilisha boi benekīlī dūhū; ītī ī lidaale lyane,
9
Ī haha lūūlū a bing'we badīīmi gwigwagi ū mhayo go ng'wa SEEBA.
10
Ū Seeba MULUNGU alīhaya gīkī, Naabalemile a badīīmi, nakūbalecha ū nīmo gwa kūlīdīīma ī lidaale, boye ū kwilisha boi benekīlī. Nīyo nakūbisaabīla būhūbi kūlwa nguno y'idaale lyane; hama nakūbahulumūja ū kū milomo yabo ī lidaale lyane boye ū kūlīgīmba gīkī shilīwa shabo.
11
Nguno ū Seeba MULUNGU alīhaya gīkī, Nene ng'wenekīlī nakūjikooba ī ng'holo jane, naje nakūjigīsīlījaga.
12
Nakūjilabīīla nene ī ng'holo jane, gīt'ūmo ndīīmi akalabīīlīlaga idaale lyakwe nūūlū līsambaalile alīyo alī hamò nalyo. Nakūjipīja najīnje būlī kwene ūko jikasambaalīla mu lūshikū lwa malunde na giiti.
13
Nakūjīnja ū kū mahanga najibilinge kūfuma ū kū masī, najenhe mu sī yajo, nayūjidīīmīla mu ngūlū ja sī ya Isilaeli na kū ng'hilimvwa ya myongo, nū mu magoobe pye ayo galīmo moi.
14
Nakūyūjikīgīla mu madīīmīlo masoga, na a magūlya ga ngūlū ja Isilaeli gakūbiza madīīmīlo gajo. Ū mu ngūlū ja Isilaeli ng'wenūmo jikūyūlya maswa mafuuku, nū kūtūja jikūyūtūūgīja mumo madīīmīlo gawiza genayo.
15
Ī ng'holo jane nakūyūjikīgīla nene ng'wenekīlī, na a ha kūtūūgīja naajitwala nene; alīhaya Seeba MULUNGU.
16
Ījo jajimīīla nakūjikooba, nī jijo jaaja būyaga nakūjishosha. Hama ījo jilabūkile nakūjitunga. Ī ngokolo nakūyūjigunanha, alīyo ī ng'īnu nī ja maguzu nakūjikenaagūla; ī lidaale nakūlīdīīma mu būtūngīlīja.
17
Nīyo hangī ū Seeba MULUNGU alīhaya gīkī, Na a bing'we idaale lyane, nakūlamula a ha gatī ya ng'holo na ng'holo, na a ha gatī ya ng'ondi na ngulyati.
18
Ū kūlya sha mu madīīmīlo masoga mugūdalahile gīkī gūlī mhayo ndo no ū kū bing'we? Nibūlī mukabonaga shiigelile mulītobange na magūlū ging'we pyī ī lidīīmīlo? Nū kūgelela kūng'wa minzī a malembeezu mutafulagwa? Mukabonaga shing'wigeleelilwe kūgayuuga na magūlū ging'we na a gangī?
19
Ni būlī ī lidaale lyane līyūlya īsho ng'washitobangaga na magūlū, na kūng'wa minzī ayo ng'wagayuugaga na magūlū ging'we?
20
Hūna lūūlū ū Seeba MULUNGU alīhaya gīkī, Nene ng'wenekīlī nakūjilamula ī ng'holo jane a ha gatī ya ng'īnu nī dīīda.
21
Nguno ī dīīda mukajishindīkaga bo mbazu na mabega ging'we, ng'wayūjikunduga na mapembe kūshisha jasambaala sagala.
22
Nakūlīguna ī lidaale lyane lītizūtwalwa mu būding'wa hangī; hama nakūlamula ha gatī ya ng'holo na ng'holo.
23
Nakūlītūūlīla ndīīmi ūmò ī lidaale lyane, ntūmami wane Daūdi; h'ūyo akūyūjikīgīla, akūyūjikīgīla na akūbiza ndīīmi wajo.
24
Ū nene SEEBA nakūbiza Mulungu wabo, ū ntūmami wane ū Daūdi akūbiza nsugi ū mubo; nene SEEBA nalīhaya.
25
Nakūbeeja najo ilagane ipya lya mhola, ī sī nīyīngīje a mashiinū a makenaagūji, jiyikala nūūlū kū matogolo, nūūlū kū masaka jiyūlaala jilī mhola dūhū.
26
Nakūīlūkīla mbango, ī joi na a mapandī ayo galūpīndije ū lūgūlū lwane. Nī mbula nakūyūjenhela ng'wikanza lyayo, īkūbiza mbula ya mbango.
27
Ī mitī ya mu malaale īkūtwaaja a matwajo gayo, nī sī īkūbbiisha īsho shikalīmagwa; a banhū bakūbiza mhola ū mu sī. Ūlū nūgabīnzagūla a mantī ga majoki gabo, nūbīnja nū mu makono ga banhū abo baalī baabatūūla mu būsese, bakūdeeba gīkī ū nene nalī SEEBA.
28
Batūjanwa kū mahanga hangī kūjūbiza nding'wa, nūūlū mashiinū makenaagūji gatūbalya hangī. Bakwikala mu mhola, na atalilonga wa kūbogohya.
29
Nakūbapandīkīla malaale maponeki ga shilīwa, batizikala bakūkoyiagwa nzala hangī ū mu sī yabo, nūūlū kūsondagūlwa na mahanga.
30
Hūna bakūdeeba gīkī ū nene SEEBA Mulungu wabo nalī hamò nabo, na gīkī a boi, a ba numba ya Isilaeli, bene banhū bane; alīhaya Seeba MULUNGU.
31
Bing'we ng'holo jane, ng'holo j'idīīmīlo lyane, mūlī banhū; ū nene nalī Mulungu wing'we; alīhaya Seeba MULUNGU.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48