bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 48
Ezekiel 48
Sukuma 2019
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
Ī ng'anda ījo jitūūlilwe mu kwihela kwa mina gajo jiiji: Ū kū lūbīmbī lwa sukuma lūganda lwa Dani, ngabo gūmò. Ū lūbīmbī lwabo lūkūlondeela ikūūwa lya Hesiloni kūbītīla Lebo-Hamasi na Hazali-enani. Damasiko na Hamasi jilī sukuma ya lūbīmbī lwenūlo, ūlo lūfumile kīya lūūkagadya ng'weli.
2
Lūganda lwa Asheli lūkūbīmbīkanwa nū lwa Dani kūfuma kīya kūshisha ng'weli, ngabo gūmò.
3
Lūganda lwa Nafutali lūkūbīmbīkanwa nū lwa Asheli kūfuma kīya kūshisha ng'weli, ngabo gūmò.
4
Lūganda lwa Manase lūkūbīmbīkanwa nū lwa Nafutali kūfuma kīya kūshisha ng'weli, ngabo gūmò.
5
Lūganda lwa Efulaimu lūkūbīmbīkanwa nū lwa Manase kūfuma kīya kūshisha ng'weli, ngabo gūmò.
6
Lūganda lwa Lubeni lūkūbīmbīkanwa nū lwa Efulaimu kūfuma kīya kūshisha ng'weli, ngabo gūmò.
7
Lūganda lwa Yuda lūkūbīmbīkanwa nū lwa Lubeni kūfuma kīya kūshisha ng'weli, ngabo gūmò.
8
Ī sī ya lūganda lwa Yuda ū kūfuma kīya kūshisha ng'weli īkūbīmbīkanwa nī libbaala īlo mukūlīfunya kūlwa nīmo ūyo gūsolilwe. Ū būgalī galī w'ibbaala lyenīlo būlī kilomita ikūmi n'ibīlī na nusu; ū būlīhu walyo kūfuma kīya kūja ng'weli būkūlenganīla na sī īmò yaho ū mu sī ījo jigabilwe kū ng'anda ja Isilaeli; ī lipandī lyeela līkūbiza ha gatī y'ibbaala lyenīlo.
9
Ī libbaala lya sī īyo mukūmfunīja SEEBA līkūbiza na būlīhu bo kilomita ikūmi n'ibīlī na nusu na būgalī galī bo kilomita itanò.
10
Ī libbaala lya sī neela īyo īkūbiza ya bagabīji līīlī: Ū kū lwande lo sukuma līkūbiza na būlīhu bo kilomita ikūmi n'ibīlī na nusu, ū kū lwande lo ng'weli būgalī galī bo kilomita itanò; nī kīya būgalī galī bo kilomita itanò; hama nī dakama būlīhu bo kilomita ikūmi n'ibīlī na nusu. A ha gatī yalyo lyūbiza ho ī lipandī lyeela lya ng'wa SEEBA.
11
Ī libbaala lyenīlo līkūbiza lya bagabīji abo bitīīlwa maguta, a balekwa Sadoki, abo baalī bishigwa ū mu kūnitūmamīla, na batajile sagala ūmo bakīītīla a Balawī ikanza lyene Baisilaeli baalī baatagaalīja.
12
Ī libbaala lyenīlo līkūbiza shakwinha ū kūbo kūfuma ū ng'wibbaala lya sī neela; ī lyoi līlī lyeela no no no, sī īyo yihelile nī sī ya Balawī.
13
A Balawī bakūpandīka sī ya kūbīmbīkanwa nī sī ya bagabīji, īkūbiza ya būlīhu bo kilomita ikūmi n'ibīlī na nusu na būgalī galī bo kilomita itanò. Ū būlīhu wayo ū bose būkūbiza kilomita ikūmi n'ibīlī na nusu ū būgalī galī kilomita itanò.
14
Batazunīlīgije kūjinja nūūlū kūtīna'ibudīka lya kūkaaba, ī sī yenīyī īlī sī yawiza no, ītigeleelilwe kūbiza ha sīlīlī ya makono ga munhū ūngī; nguno ī yoi īlī neela kūlwa ng'wa SEEBA.
15
Ī libbaala īlo līlīsaagīīla, ī lya būgalī galī bo miita magana abīlī na mkūmi atanò na būlīhu bo kilomita ikūmi n'ibīlī na nusu līkūbiza lya banhū bose ū mu nzengo, lya kūzenga numba na būdīīmīlo, ū nzengo gūkūbiza ha gatī gatī yalyo,
16
na gūkūbiza na shipimo īshi: Ū lwande lo sukuma miita shihūmbī shibīlī na magana a bīlī na makūmi atanò, nū lwande lo dakama miita shihūmbī shibīlī na magana a bīlī na makūmi atanò, nū lwande lo kīya miita shihūmbī shibīlī na magana abīlī na makūmi atanò, nū lwande lo ng'weli miita shihūmbī shibīlī na magana a bīlī na makūmi atanò.
17
Ī sī y'idīīmīlo lya nzengo īkūbiza na shipimo īshi: Ū kū lwande lo sukuma miita igana na makūmi abīlī n'itanò, nū lwande lo dakama miita igana na makūmi abīlī n'itanò, nū lo kīya miita igana na makūmi abīlī n'itanò, nū lo ng'weli miita igana na makūmi abīlī n'itanò.
18
Ī sī īyo īlīsaagīīla kū mhelo mhelo y'ibbaala lya sī neela, īyo ībīmbīkanilwe nalyo nū būlīhu yūlenganīla nalyo ū kū lwande lo kīya nū kū lwande lo ng'weli, īkūbiza kilomita itanò būlī lwande. A batūmami ba mu nzengo bakūyūpandīkīla ng'wenūmo ī shilīwa sha kūbalisha.
19
A batūmami ba mu nzengo, abo bakūyūlīlīma bakūbiza ba kūfuma mu ng'anda jose ja Isilaeli.
20
Ī libbaala ī lyose līkūbiza lya būlīhu būlenganīlile nū būgalī galī walyo, kilomita ikūmi n'ibīlī na nusu būlī lwande. Ī libbaala lya sī neela ūkūlīkomà lībize shakwinha shisolwa, hamò nī sabo ya banhū ba nzengo.
21
Ī sī īyo īlīsaagīīla ū lwande ūlū nū lwande ūlū ū ng'wibbaala lya sī neela nī sabo ya banhū ba nzengo, īkūbiza ya nsugi. Ū kūfuma a ha būlīhu bo kilomita ikūmi n'ibīlī na nusu īkūlola kīya, yūshika kū lūbīmbī lo kīya; nū kū ng'weli yandīja a ha būlīhu bo kilomita ikūmi n'ibīlī na nusu kūja ng'weli, yūshika kū lūbīmbī long'weli. Ī sī ja matogolo genaya būbīlī wago jikūbiza sabo ya nsugi, ū būlīhu waago būlenganīlile nū bo sī ījo jigabīlilwe ng'anda ja Baisilaeli; ī sī neela ya wikalo bo hekalu gakwītingata ha gatī na ha gatī.
22
Hū kūhaya ī sī ya Balawī nī ya nzengo jikūbiza ha gatī na ha gatī ya sī ya nsugi. Ī sī ya nsugi īkūbiza ha gatī ya lūbīmbī lo sī ya lūganda lo Yuda na lūbīmbī lo sī ya lūganda lo Benjamini.
23
Ī ng'anda ījo jilīsaagīīla: Ū lūganda lo Benjamini lūkūbiza na ngabo gūmò; lūkūfuma lwande lo kīya kūshisha ng'weli.
24
Nū lūganda lo Simioni ngabo gūmò; lūbīmbīkanwa nī sī ya Benjamini kūfuma kīya kūshisha ng'weli.
25
Nū lūganda lo Isakaali ngabo gūmò; lūbīmbīkanwa nī sī ya Simioni kūfuma kīya kūshisha ng'weli.
26
Nū lūganda lo Zabuloni ngabo gūmò; lūbīmbīkanwa nī sī ya Isakaali kūfuma kīya kūshisha ng'weli.
27
Nū lūganda lo Gadi ngabo gūmò; lūbīmbīkanwa nī sī ya Zabuloni kūfuma kīya kūshisha ng'weli.
28
Ū lūbīmbī lo dakama ya Gadi lūkūlola dakama, hūna lūūnyamuka lūjile Tamali kūshisha kū minzī ga Meliba-kadeshi; hanuma lūlondeela longa lo Misili kūshisha kū Nyanza Nhaale.
29
Ī yenīyī h'ī sī īyo ūkūbagabīlī a Baisilaeli kūlwa wingīji bo ng'anda jabo; ī jenīji hū jikūbiza sī jabo. Alīhaya Seeba MULUNGU.
30
Ūbū hū būbītīlo bo kwingīla na kūfuma ū mu nzengo, ū lwande lo sukuma lūlī na būlīhu bo miita shihūmbī shibīlī na magana abīlī na makūmi atanò.
31
Ī mibita idatū ya kū lwande lo sukuma īkūbiza, mita gwa Lubeni, mita gwa Yuda, na mita gwa Lawī. Ī mibita ya nzengo pyī ī yose īkwitanwa a mina gayo kūlondeela ng'anda ja Isilaeli.
32
Nū būlīhu bo kū lwande lo kīya būlī mita shihūmbī shibīlī na magana abīlī na makūmi atanò. Nū kwene īkūbiza ko mibita idatū, mita gwa Yosefu, mita gwa Benjamini, na mita gwa Dani.
33
Nū būlīhu bo kū lwande lo dakama būlī miita shihūmbī shibīlī na magana abīlī na makūmi atanò. Nū kwene īkūbiza ko mibita idatū, mita gwa Simioni, mita gwa Isakaali, na mita gwa Zabuloni.
34
Nū būlīhu bo kū lwande lo ng'weli būlī miita shihūmbī shibīlī na magana abīlī na makūmi atanò. Nū kwene īkūbiza ko mibita idatū, mita gwa Gadi, mita gwa Asheli, na mita gwa Nafutali.
35
Ū būlīhu bo kūgūpīndya pye ū nzengo būkūbiza kilomita shihūmbī kenda. Kwandīja ikanza lyenīlo ī lina lya nzengo gwenūyo līkūbiza, Ū SEEBA ALĪ NG'WENŪMO.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48