bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 21
Ezekiel 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
1
Ū mhayo go ng'wa SEEBA gūnizīīla,
2
“Ng'wana wa munhū, galūkaga ūlogeje Yelusalemu ū būshū wako, ūlīlomeele ī lipandī lyela; wīhangīle ī sī ya Isilaeli.
3
Īwīlage, ‘Ū SEEBA alīhaya gīkī, Ū nene nalī na wilwisha ning'we, nakūlūsopoola ū lūshū lwane kūfuma ū mu shilaalo shalo nayagaje bamò bing'we, babize batūngīlīja nūūlū babūbi.
4
Hūna lūūlū īkī nakūyagaja batūngīlīja na babūbi, ū lūshū lwane lūkūfuma ū mu shilaalo shalo kūlwa kwilwisha na shose īsho shilī na mīlī, kwandīja dakama kūshisha sukuma.
5
Ū mu gīko pyī ī sha mīlī shikūdeeba gīkī ū nene SEEBA hū naalūsopoolile ū lūshū lwane; na lūtūshoshiwa mu shilaalo shalo hangī.’”
6
Hūna lūūlū ng'wana wa munhū; līlaga, ūlīle ng'hūngū kū būtongi wabo mu kūgwa ng'holò na būpīna būtaale.
7
Ūlū būkūbūūja, “Nibūlī ūlīīlīla ng'hūng'hū gīko?” Ūkūbawīla, “Kūlwa nguno ya mhayo ūyo gūlī mu nzīla gwizile. Ūlū gūlashike būlī ng'holò īkwaaba, na būlī nkono gūkūnogoleka, būlī moyo gūkūhwelwa; na būlī izwi līkūyogoma gītī minzī. Gūlī mu nzīla gwizile! Nīyo ū goi gūkūshikīīla ng'hana; alīhaya SEEBA.”
8
Ū mhayo go ng'wa SEEBA gūnizīīla:
9
Ng'wana wa munhū, fūnyaga būhangi ūyombe, U Seeba alīhaya gīkī, “Līlūshū līlūshū, līnoolile no, līguusile.”
10
Līnoolile kūlwa kūbūlagīla, līguusile līng'weng'wete gītī lūlabi! Tūyege kūlwa nang'ha gwa ng'witūnja wane Yuda? Ī līlūshū līdalahile būlī nang'ha gwa mbika yenīyo.
11
Ī līlūshū lyamalile kūsolanhyiwa līguuswe, līding'we mu nkono; līnoolilwe lyūguuswa, līlindīīlile nkono gwa mūlagi dūhū.
12
Līlaga ng'wana wa munhū, ūtūle ng'hūngū, nguno līliza kwilwisha nabo a banhū bane; līlī na wilwisha nabo pye a basugi ba Isilaeli. A boi na a banhū bane baamalile kūfunyiwa babūlagwe bo līlūshū. Alilūūlū ipaalage h'itango.
13
Ū kūgeng'wa ū kwene kwizile kūlī mu nzīla. Ī gīsī īkūja kinehe ū nang'ha gwa Yuda ūlū gūduuma ū kūlyīmīla ī līlūshū īlo līgūdalahile? Alīhaya Seeba MULUNGU.
14
Alilūūlū ng'wana wa munhū, hangaga, ipaalage a makono gako. Ī līlūshū ni lītūlage kabīlī na kadatū, līlūshū lya kūbūlagīla, līlūshū lya būbūlagi būtaale; līliza līkūbakūūbīlīja būlī kwene.
15
A ha mibita yabo pyī ī yose naalītūūlile līlūshū, gīkī ī ng'holò jabo jaabe, nī mibimba īkwīle. Ī lyoi lītūūlilwe ho līyūng'weng'weta gītī lūlabi; līdimilwe mu nkono kūlwa kūbūlaga.
16
Ee, lūshū, sengagūlaga hose hose, ū kū nīīla nū kū lūmoso; būlī kwene ūko būlogejiwa ū būūgī wako.
17
Nū nene nakwikūba ng'hūbi, hūna ū būpelanu bone būkūpola; nene SEEBA nalīhaya chene.
18
Ū mhayo go ng'wa SEEBA gūnizīīla hangī gūlīhaya:
19
Ng'wana wa munhū, tūūlaga meng'ho kūlwa nzīla ibīlī ja kūbītīla ī līlūshū lya ntemi wa Babuloni, ī jose jandīje kū sī īmò. Ooleche na a haho īkūgabanhīkīla ī nzīla kūja ū kū nzengo.
20
Wītūūlīle lūmeng'ho ī nzīla ya līlūshū lya kūja kwilwisha na Laba ya Baamoni; nī ya līlūshū lya kūja kwilwisha na Yuda nū nzengo gwa Yelusalemu ūyo gūpīndīlījiwe ndugu.
21
Nguno ū ntemi wa Babuloni akwīma aho nzīla īgabanhīkīlile, a ha nzīla maakà. Akūshingisha hoi masonga kūnū na kūnū, na kūlola matīma akūlagūlagwa; alīkooba būgunanhwa kū shiikolile sha bamulungu bakwe.
22
Ū nkono gwakwe gwa būlyo gūkūgwīlwa mbale ya kūja kwilwisha na Yelusalemu. Haho na haho gūkūlījiwa ng'wano gwa būlūgū n'ilaka lya higūlya, hanuma akūlagīja gahelwe makambagūlīlo ga nzengo, na ga mibita; kūnū bangī bakūzengaga ng'hambī ja kūgūpīndīlīja, na kūtūlīīla matūūgo ga malongo na kwingīla mo kwandya kūbūlaga banhū.
23
Alīyo a boi abo baalī bang'wilahīlīla bakūbona gīkī ū būhangīlwa bo ntemi wenūbo būlī bo nyalomolomo; gwike ū wei akūbizūkīja ū būbi wabo hūna abajane mu nding'wa.
24
Alilūūlū, ū Seeba MULUNGU alīhaya gīkī, A bing'we īkī mukikalaga ng'ūnizūkīja ū būhūbi wing'we kūlwa shītīle shing'we sha būgomi wa hape, nī shibi shing'we īsho mukūsholechaga mu yose īyo mukīyītaga, īkī mukīītaga mihayo īlī gīko mukūsolwa mujanwe mukabize nding'wa.
25
Ee, bebe nsugi wa Isilaeli munhū nsoso na wabūbi, bebe ūyo lūshikū lwako lwashikaga, nī likanza lya nsango gwako lyang'waga,
26
ū Seeba MULUNGU alīhaya gīkī, Shīnjage ī shikoye ū kū ntwe, wīzuule nī ngikili; yagaalūkaga ī mihayo. A bidoohya bakūgūngūhiwa, alīyo a bikumīlīja bakwichiwa ha sīlīlī.
27
Būkenaagūji! Būkenaagūji! Nakūtūūla būkenaagūji ūbo būtaalī kūbizaho, kūshisha ize ūyo igeleelilwe ū būsugi; ū ng'wenūyo hū nakūng'winha.
28
Alilūūlū bebe ng'wana wa munhū, hangaga ūhaye: Kūlwa mihayo ya Baamoni nī libengwe lyabo, ū Seeba MULUNGU alīhaya gīkī, “Līlūshū līlūshū, līsopoolile kūlwa kūbūlagīla, līguusile kūlwa kūyagaja; līkūng'weng'wetaga gītī lūlabi!
29
Nūūlū īkī bakūbonaga shakoolechiwa sha būlomolomo kūlwa nguno ying'we, na kwīta būchūja bo kūmulembagūla, alīyo a babūbi abo shiigelile babūlagwe, abo lūshikū lwabo lwashikaga; bakūkandīkījiwa līlūshū mu nhingo. Ī likanza lyabo lya kwinhwa nsango lyashikaga a ha būkalīkījo walyo.
30
Līshoshage ī līlūshū mu shilaalo shalyo. Nakūng'winhīla nsango kwipandī īlo ng'wabūmbīlwa, ū kū sī ya fumo ying'we.
31
Nakūng'witīīla būpelanu bone, namuhaahīle moto gwa būdaki bone; nakūmutūūla mu makono ga biboneeji, bamani ba kūkenaagūla.
32
Mukūbiza ng'hwi ja mu moto, a mininga ging'we gakwidīkīla mu sī ying'we; atilonga wa kūng'wizūkwa hangī; nguno ū nene Seeba nahayaga chene.”
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48