bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 43
Ezekiel 43
Sukuma 2019
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
1
Hūna ū munhū ng'wenūyo ūnenha kū mita ūyo gwalī gūlolelile kīya.
2
Nūlībona ī likūjo lya ng'wa Mulungu wa Isilaeli līliza kūfumīīla mu kīya. Ī lilaka lyakwe lyalī gītī ng'huutumo gwa minzī mingī gakūhūūmaga; ī sī yang'wekaga kūlwa nguno y'ikūjo lyakwe.
3
Ū koolechiwa ūko nakakūbona kwalī gīt'ū koolechiwa ūyo naalī naagūbona aho akiza kūgūkenaagūla ū nzengo; gītī ī shakoolechiwa īsho naalī nashibona kū Mongo gwa Kebali, nūgwa hasī nabundaalile.
4
Ī likūjo lya ng'wa SEEBA lingīla ū mu hekalu, lyūbītīla ha mita ūyo gūlolelile kīya.
5
Hūna ū Moyo o ng'wa Seeba ūnibūūcha ūnenha mu gwalugwa ya mu gatī, ī likūjo lya ng'wa Seeba lyokala pa ū mu hekalu.
6
Ū munhū ng'wenūyo aho ataalī īmīīlile hamò nū nene, kwimanīla nigwa ilaka lya munhū līlīniyombya kūfuma ū mu hekalu.
7
Ūniwīla, “Ng'wana wa munhū, ī lipandī lyenīlī h'ī lisumbī lyane lya būtemi, hama hū būtūūlo bo mhamabala jane. H'ī lipandī īlo nakwikala mo nalī hamò nabo a Baisilaeli. A ba numba ya Isilaeli batalalīsosohaja hangī ī lina lyane lyeela mu nzīla ya būmalahya wabo; a boi benekīlī nūūlū a batemi babo, batalagatūmamīla hangī a mapandī gabo ga higūlya, nūūlū ī shiikolile sha kūlamiwa sha batemi babo.
8
Aho baagwiheja ū nyango gwabo nū gwane, ī ng'hīngī ja ha nyango gwabo jūtandaala nī jane, shūlekanyiwa ndugu dūhū; bakalīsosohaja ī lina lyane na mashītīle gabo ga malofu. H'ī chene nakabakenaagūla kūlwa kūnipelanya.
9
Ī haha lūūlū ni bawīnjage ū būmalahya wabo ū kū būtongi wane, pyī nī shiikolile sha kūlamiwa sha batemi babo, a henaho hū nakwikala hamò nabo welelo bose.”
10
Bebe ng'wana wa munhū, a banhū ba Isilaeli basomboolelage ūmo īlī ī hekalu, bagooke kūlwa shibi shabo. Ni bīyiganikage ūmo īlī;
11
ūlū būgooka kūlwa yose īyo bīyīta, ūkūbalanja ī hekalu ūmò īlī; ūmo īhelelilwe, nī milyango yayo ya kūfumīla na kwingīlīla; pye ūmo īlī gete na a kaīle kaamo nī shilagīlo. Ī mihayo yenīyī yandīkage mu būtongi wabo balolile, bīdiime ūmo īlī gete, bayūlondeela akajīle kaamo.
12
Alilūūlū, ī shilagīlo sha hekalu shiishi: Pyī ī libbaala lya higūlya ya lūgūlū īlo lyīpīndīlīgije ī hekalu līkūbiza lyeela no no no. Ī shenīsho h'ī shilagīlo sha hekalu.
13
Īshi h'ī shipimo sha ng'walīlò, mu kapimīle ako kaatūmamīlagwa makanza genayo. Ī shidako būgūngūhu wa nusu miita nū būshimu nusu miita, a higūlya kabize ho kakīgījo ka sentimita makūmi abīlī n'ibīlī. Ū wenūbū hū ū būgūngūhu wago ū ng'walīlò.
14
Miita īmò ū kwīnga a hasī a higūlya ya ngoka kwiza h'ikīgījo lya ha sīlīlī, ū būgalī galī nusu miita. Ū kwīnga a h'ikīgījo ī lido kwiza h'ikīgījo ī litaale miita ibīlī, ū būgalī galī nusu miita.
15
Ī lipandī lya ng'walīlò a ha kūpembela moto gwa shitambò līkūbiza na būgūngūhu bo miita ibīlī, na gūkūbiza na mapembe anè gasongile kūja igūlya kwīnga a ha bookejo bo shitambò.
16
A higūlya ya ng'walīlò a ha kūpembela moto gwa shitambò hakūbiza na shipimo sha miita itandatū ū būlīhu nū būgalī galī miita itandatū.
17
Ī likīgījo lya higūlya nalyo līkūbiza na shipimo sha būlenganīle, ū būlīhū miitī mpungatī nū būgalī galī miitī mpungatī, na lūgala lo sentimita makūmi abīlī n'itanò kūlīpīndīlīja ī lyose. Ī ngaji ja kūlinhīla a ha ng'walīlo jikūbiza kū lwandī lwa kīya.
18
Hūna ūniwīla, “Ng'wana wa munhū, ū Seeba MULUNGU alīhaya gīkī, Aka h'a kaīle ka kafunīje ka shitambò sha kūpemvwa na kūseeseebela mininga ha ng'walīlo ūlū gūlazengwe.
19
A bagabīji ba lūganda lo Lawī, a balekwa Sadoki, abo bakegeelaga kū būtongi bone kūnitūmamīla, ūkūbinha nzagamba songi ya kūfunya shitambò kūlwa shibi; alīhaya Seeba MULUNGU.
20
Ūkūsola mininga gayo gamò ūgabile a ha mapembe ja ng'walīlo būnè waago, na a higūlya ya mhembeelo j'ikīgījo būnè wajo, nū lūgala ū lose; ū mu gīko ūkūgweja ū ng'walīlo na kūgūbeegeja isangī.
21
Hūna ī nzagamba ya shitambò sha kweja shibi ūkwīsola ūkīpembe mu moto kwipandī īlo līsolilwe, hanze y'ipandī lyeela.”
22
A ha ntondo yaho ūkūfunya ngulyati songi ītī na shilingo, ībize shitambò sha kweja shibi, nū ng'walīlo gūkwejiwa gīt'ūmo gūleegejiwe mu nzīla ya nzagamba.
23
Ūlū ūmala ū kūgweja, ūkūsola nzagamba songi na ng'ondi kwīnga ū ng'widaale ūjifunye, ī jose jitī na shilingo.
24
Ūkūjitūūla kū būtongi bo ng'wa SEEBA, hūna a bagabīji bakūjimemeleja munhu, hanuma bajifunye kūbiza shitambò sha kūpemvwa kū būtongi bo ng'wa SEEBA.
25
Ng'wikanza lya shikū mpungatī, būlī lūshikū ūkūfunya ng'hulyati ya mbūli kūlwa shitambò sha kweja shibi, ūkūfunya na nzagamba songi na ng'ondi kūfuma ng'widaale, ī jose jitī na shilingo.
26
Jikūbīta shikū mpungatī bakūgwejaga ū ng'walīlo, kūlwa kūgūbeegeje isangī; h'ūmò bakūgūkomanīja kūlwa nīmo go ng'wa SEEBA.
27
Ī shikū mpungatī ūlū jūshika, ū kwandīja lūshikū lwa kanaane na kūja kū būtongi, a bagabīji bakūshifunya a ha ng'walīlo ī shitambò shing'we sha kūpemvwa nī sha būsangī. Nane nakūng'wanukūla; alīhaya Seeba MULUNGU.
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48