bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 7
Ezekiel 7
Sukuma 2019
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
1
Ū mhayo go ng'wa SEEBA gūnizīīla gūlīhaya,
2
“Ng'wana wa munhū ū Seeba MULUNGU alīyīwīla ī sī ya Isilaeli gīkī, Ng'halīlo! Ī ng'halīlo yashikaga, yakwīlīkanaga ū kū mhandī jose inè ja sī.
3
Ī ng'halīlo yamupandīkaga, nīyo ī haha nakūbūlekela ū būdaki bone būng'widīkīle. Nakūmulamula kūlenganīla na shītīle shing'we, nang'winhe nsango kūlwa shītwa shing'we sha malofu pyī ī shose.
4
Nīyo ī liso lyane lītūmuchīla shigongo, nūūlū natūmusaatwa na hado yaya. Nakūmumalīla shiilī kūlwa nzīla jing'we nī shītwa sha malofu īsho shilīmo ū mu bing'we; hūna mukūdeeba gīkī ū nene nalī SEEBA.
5
Ū Seeba MULUNGU alīhaya gīkī, Būkenaagūji! Būliza būkenaagūji ūbo būtaalī kwigwiwa na kamò.
6
Ī ng'halīlo yashikaga! Yashikaga ī ng'halīlo! Ī haha yamupandīkaga. Nīyo yashikaga!
7
Ng'wasangwa lūshilo bing'we bikaji ba mu sī; ī likanza lyashikaga, lwegeelaga ū lūshikū; ī haha ikanza lya būpīna, lītī lya kūjūyega kū ngūlū.
8
Nalī hihī kūng'witīīla būpelanu bone, būng'wikamīīle ū būdaki bone. Nakūmulamula kūlwa nhūngwa jing'we, namumalīle shiilī kūlwa shītīle shing'we sha malofu.
9
Ī liso lyane lītūmuchīla shigongo, nūūlū natūmusaatwa na hado yaya. Nakūmumalīla shiilī kūlwa nzīla jing'we nī shītwa sha malofu īsho shilīmo ū mu bing'we; hūna mukūdeeba gīkī ū nene hū nalī ng'wene ū SEEBA ūyo alīmutūla.
10
“Ū lūshikū lwashikaga, nīyo lūlīho ī haha! Lyashikaga ikanza lya lūshilo, ū nang'ha gwītile būlabo; ū wiboneeji botang'anhīlile!
11
Ī haha ū wiboneeji bokomeelile, hū nang'ha gwa bakenaagūji; atīho wa kūshiiga, ndūhū nūūlū ūmò ū ng'wibità lyenīlo, yaya nūūlū sabo, nūūlū shikolo sha mpango ntaale.
12
Ī likanza lyang'waga, ū lūshikū lwashikaga; ū ngūji wa shikolo atizikumīlīja, nū njinja atizūminyiwa būpīna; nguno pyī ī libità līpelanīlilwe.
13
Ū njinja atīko kwīshokela hangī ī sī īyo wījinja, aho bataalī balīho būbīlī wabo; nguno ī shakoolechiwa īsho shilīfunyiwa kūlw'ibità lyose shitī sha kūshoka numa. Kūlwa būkenaagūji wabo atilonga nūūlū ūmò wa kūdūla kūlang'hana būpanga bokwe.
14
Nūūlū bafuule nhaaninga, na kūgolanya būlī shikolo, alīyo atīho wa kūja kū būlūgū, nguno ū būpelanu bone būlīho kūlw'ibità.”
15
Ī hanze būlīho būlūgū, ū mu gatī būsaatu na nzala; abo balī kū matogolo bakūmalwa būlūgū, lelo abo balī mu nzengo bakūhūlūlwa nzala na mabūsaatu.
16
Abo balapūlūgūke bakūpeelela kū ngūlū, bakalīle kwenūko gītī ng'hūūlū ja mu njonga; būlī ng'wene akwilīlaga kūlwa shibi shakwe.
17
Būlī nkono gūkūnogoleka, na būlī izwi līkūyogoma gītī minzī.
18
Bakūzwala myenda ya magūnīla, boobà būkūbakundīkīla. Ū būshū wabo būkūkundīkījiwa magooke, ī mitwe yabo īkūmoogwa mapala.
19
Ī hela jabo bakūyūjiponya mu mapanda, nī zahabu jabo jikūbiza būsoso. Ū mu lūshikū lo būpelanu bo ng'wa SEEBA jitūbapīja ī hela nī zahabu jabo. Batūjilya bigūtye nda jabo, nūūlū lūtuubo jitūbīngīja, nguno h'ījo jabenheleja kūgwa mu shibi.
20
Baalī badoshiwa būsoga wa shikolo shabo sha būlenji, būyūshitūmamīla kūbeeja shiikolile shabo sh'ipelanya sha kwilamīlīgīja, na mashigīmbo ga malofu. Alilūūlū, ī shenīshi nakūshīta shibize līshikolo ly'ipelanya ū kūbo.
21
Nakūlīfunya lībize nding'wa, lījanwe na banhū ba mahanga ga kūle, lītwalwe kū sī y'ihanga lyabūbi līkasosohajiwe kwenūko.
22
Nakūgalūka nalolele kūngī, ū būshū bone būbīngīle, bize bakenaagūji balīsosohaje ī lipandī lyane ī lya mpango ntaale; basambo bakwingīla mo balīsosohaje.
23
“Bebe beejaga minyololo; ī sī yakwīlīlilwe babūlagi, ū nzengo gookalile biboneeji.
24
Nakwenha ihanga lyabūbi kūtinda gose, lize lījidime ī numba jabo; a ba nguzu nakūbīngīja ū wikumīlīja, a mapandī gabo a meela gasosohajiwe.
25
Ī likanza lya būkenaagūji ūlū lyūshika bakwandya kūkooba mhola, alīyo ītilonga.
26
Bakūgwīlwa mayanga higūlya ya mayanga, bakwigwa ma lūkumo ga būlī mbika. Bakūyūkooba shakoolechiwa kūfuma kūlī ng'hangi; a malange ga mu shilagīlo gakūnjimīīla ū ngabīji, na a banamhala bakūjimīīlwa ū kūganikīla.
27
Ū ntemi akūlīla mazumanda, ū kūzwangana shikūbiza h'ī shizwalo sha nsugi, a makono ga banhū ba sī gakūyūdetema. Nakūbīītīla kūlenganīla na shītīle shabo, hama nakūbalamula gīt'ūmo bakalamulīlaga a boi. Hūna bakūdeeba gīkī ū nene nalī SEEBA.”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48