bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 17
Ezekiel 17
Sukuma 2019
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 18 →
1
Ū mhayo go ng'wa SEEBA gūnizīīla gūlīhaya,
2
“Ng'wana wa munhū, ganaga lūgano ūbinhe lūsumo a banhū ba numba ya Isilaeli.”
3
Bawīlage, Ū Seeba MULUNGU alīhaya gīkī, “Ng'hoonà nhaale ya booya wingī bo mabbado ga būlī mbika, na manana ga nguzu ga nzooya ndīhu; īkiza Lebanoni, yūgwa hitambī lya kwigūlya ya ntī gwa manga yūlīdima.
4
Hūna yūbbuta katambī kanagana ū kū neno yalyo, yūlala nako kūja kū sī ya basūlūja yūkakahamba mu nzengo gwa basūlūja.”
5
Hanuma yūsola mbīyū kūfuma ū mu sī ying'we, yūkīhamba h'ibbaala lībeegelejiwe lyūtūūlīlwa na mboleela, yūyīhamba gīt'igobeko hihī na minzī mingī.
6
Yūzwa yūkūla gūbiza nzabibu gūfulumile chiza gūūlandaala. A matambī ga nzabibu gīgalūkīla ī ng'hoonà yenīyo, nī miji yūhama a hasī. Gūūkūla gūbiza nzabibu gwaala matambī na kūfuluma madūūtū.
7
Alīyo yalīho na ng'hoonà yīngī nhaale, ya manana ga nguzu na booya wingī. Ū nzabibu gwenūyo gwandya kūsonja ī miji kwīnga aho gwalī gūhambīlilwe, na a matambī gago gūūgagalūcha, kūīlīla ū kū ng'hoonà yenīyo, gūkwisagīlagwa kūpandīka minzī.
8
Alīyo gwalī gūhambīlilwe mu sī soga na minzī mingī gaalīho ga kūgwīta gūbize nzabibu gwawiza, gwa matambī mingī na mizabibu misoga.
9
Bawīlage lūūlū, Ū Seeba MULUNGU alīhaya gīkī, “Ū nzabibu gwenūyo gūkūlama? Gūtūdubbūlwa pyī nī miji yago gahūlūlwe a matwajo, a matambī a managana ayo gakūsongaga ganyaale pye? Ū kūgūdubbūla jitūgongwa nguzu ningī, nūūlū ibità lya banhū.
10
Ī gīsī ūlū gwīnjiwa aho gwalī gūhambīlilwe gūsaamiwa, gūkūpīla gūfulume? Gūtūūma kūlū kūlū gete ūlū gūūtūlwa lūyaga lo kīya?”
11
Ū mhayo go ng'wa SEEBA gūnizīīla gūlīhaya,
12
“Ī numba ya būshitiigwa yenīyī īwīlage, ‘Mūtūdeebaga ī mihayo yenīyī īlī na makūlū kī?’ Bawīlage gīkī, ‘Ū ntemi wa Babuloni akaja ī Yelusalemu ūūkansaamya ū ntemi wa kwene na a bana ng'oma bakwe, wiza nabo kūūnū Babuloni.
13
Hūna ūsola ūmò ū mu ba lūdūgū lwa ntemi, ūbeeja ilagane nang'hwe, ūng'wilahīja. Na a bataale bataale a bangī ū mu sī ūbasaamya,
14
gīkī ū būsugi būmajiwe ī shingilima, būtizūgūngūmūka hangī, wīmīīle mu nzīla ya kūdima ilagane lyakwe dūhū.’”
15
Alīyo ū ntemi ū mpya akangomela ū ntemi wa Babuloni; ūtūma nhūng'wa Misili gīkī akenhelwe falasa n'ibità lya bashilikale bingī. Akūdūla gete? Ū munhū wa kwīta īlī gīko akūpūlūgūka? Akūgelela kūkenaagūla ilagane dūhū alīyo ū wei ūpīla?
16
Ūmo nene nalī mpanga; alīhaya Seeba MULUNGU, akūchīla Babuloni, mu sī ya ntemi ūyo walī wantūūla ha būtemi, ūyo akadalaha shilahīlo shakwe, nī lilagane lyakwe ūlīkenaagūla.
17
Ū ng'wikanza lya būlūgū ūlū gūūtūlīīlwa matūūgo ga malongo kūlwa kwingīla ū mu nzengo, jūpīndīlījiwa na ng'hambī kūlwa kūkenaagūla būpanga wa banhū bingī, ū Falao nī libità lyakwe lya banhū ba nguzu na bashilikale bingī, atīko kūngunanha ū ntemi ng'wenūyo.
18
Nguno washidalaha ī shilahīlo ūbūkenaagūla ū būlagane ūbo walī wabūzunya ūbūtūūlīla na nkono gwakwe wei ng'wenekīlī, alīyo hū wīyīta pyī ī mihayo yenīyī; atūpīla!
19
Hūna lūūlū ū Seeba MULUNGU alīhaya: Ūmo nene nalī mpanga, nakūng'winha nsango kūlwa shilahīlo shane īsho washidalaha, nī lilagane lyane īlo walīkenaagūla.
20
Nakūgoloola ikila lyane līngobanīje; lūkūmpuja ū lūtu lwane nantwale Babuloni; nakūjūng'winha nsango kwenūko, nguno ya kūbūkenaagūla ū būsanyiwa bokwe ū kūlī nene.
21
A bashilikale bakwe abo abasanije bakūbūpeela ū būlūgū, alīyo bakūja bakūbūlagagwa nzīla ngima; abo balasaage bakūbbalasana bajile sagala; a henaho hū mukūdeeba gīkī ū nene SEEBA hū nahayaga.
22
Ū Seeba MULUNGU alīhaya; Nene ng'wenekīlī nakwīnja itambī kūfuma kwigūlya ya manga nalīhambe; nakūtīna'itambī inagana kwīngīīla kū neno yago nakalīhambe kwigūlya ya lūgūlū lūlīhu.
23
Nakūlīhamba kwigūlya ya ngūlū ja Isilaeli; gūkūkūla gūbize na matambī mingī gūtwaje matwajo; gūkūbiza manga gwawiza no. Noni ja būlī mbika jikūbeeja mo chanjo, jikūpandīka būhooyelo ū mu mbeho ya matambī gago.
24
Hūna lūūlū pyī ī mitī ya mu matogolo īkūdeeba gīkī ū nene Seeba nakībbutaga ī mitī milīhu, hama ī miguhī nakīyītaga īkūle. Nakīyūmīchaga ī mitī ī midoto, ī myūmu nīyīta kūfuluma. Nene SEEBA nalīhaya, na nakwīta.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48