bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 45
Ezekiel 45
Sukuma 2019
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
1
Ūlū mulīyītūlīgīja mbale ī sī kūlwa kūgaba wingīji, mukūsola ibudīka ly'ibbaala mumfunīje SEEBA ībize sī neela; ū būlīhu walyo līkūbiza kilomita ikūmi n'ibīlī na nusu, ū būgalī galī kilomita ikūmi; ī libbaala lyenīlo līkūbiza lyeela pyī ī lyose.
2
Ū ng'wibbala lyenīlo sī ya būlīhu bo miita magana abīlī na makūmi atanò nū būgalī galī būlī gīko īkūbiza y'ipandī lyeela; īkūpīndīlījiwa na sī ītī na shikolo, ya būgalī galī bo miita makūmi abīlī n'itanò.
3
Ū mu sī neela ūkūpima ibbaala lya būlīhu bo kilomita ikūmi n'ibīlī na nusu, būgalī galī kilomita itanò. Ū ng'wenūmo h'ūmo līkūbiza ī lipandī lyeela, īlo līlī lyeela no no no.
4
Ī lyenīlo ibbaala lya sī neela kūlwa bagabīji, a batūmami ba ng'wipandī lyeela, abo bakeegeelaga kūlī SEEBA kūtūmama kū būtongi bokwe. Līkūbiza ibbaala lya kūzenga ho numba jabo, na līkūbiza ipandī lyeela kūlwa hekalu.
5
Ibbaala lya būlīhu bo kilomita ikūmi n'ibīlī na nusu na būgalī galī bo kilomita itanò līkūbiza lya Balawī, abo bakatūmamaga mu hekalu; līkūbiza sabo yabo kūlwa mizengo yabo ya kwikala.
6
Ū nzengo ūkūgwinha sī yaago, ya būgalī galī bo kilomita ibīlī na nusu, na būlīhu bo kilomita ikūmi n'ibīlī na nusu, ībīmbīkanwe nī libbaala lya sī neela; ī yenīyo sabo ya banhū bose ba numba ya Isilaeli.
7
Ū nsugi akūbiza na sī yakwe; ī libbaala lya kū lwande lwa sī neela nī lya kū lwande lwa sī ya nzengo līkūbiza lyakwe. Ū kū lwande lo ng'weli līkūlola ng'weli, nū kū lwande lo kīya lyūlola kīya; ū mu būlīhu līhu walyo līkūfuma kū lūbīmbī lo ng'weli lyūshika kū lūbīmbī lo kīya; lyūja lihelile n'īmò ya sī ījo jigabilwe kū ng'anda ja Isilaeli.
8
Ī sī yenīyī īkūbiza sabo yakwe ū mu Isilaeli, hūna lūūlū a basugi bane batūbiza na nguno ya kūbiboneela a banhū bane, alīyo bakūzunya ī sī īgabanhyiwe ū kū banhū ba numba ya Isilaeli kūlenganīla na kwihela kwa ng'anda jabo.
9
Ū Seeba MULUNGU alīhaya gīkī, Bing'we basugi ba Isilaeli ng'wigegije lūūlū! Lekanagi nabo ū būluhya nū wiboneeji, ng'wandye kwīta mu būdeeba na būtūngīlīja. Oyagi ū kūbasaamya a banhū bane; alīhaya Seeba MULUNGU.
10
Tūmamīlagi shipimo shitūngīlīgije, ī gapani ītūngīlīje nī shibabà shibize sha būtūngīlīja.
11
Ī efa nī baat shibize na shipimo sha mpango gūmò; ī baat īlī na īmò y'ikūmi ya homeli, nī efa īlī na īmò y'ikūmi ya homeli; ī homeli h'ībize ngelekelo ya kūlenganīgīja.
12
Ī shekeli īmò īkūbiza na geela makūmi abīlī, ī miina īmò shekeli makūmi atandatū.
13
Ī shakwinha īsho mukūyūfunya shiishi, shikūbiza īmò ya ng'witandatū ya efa ū mu homeli īmò ya ngano, na īmò ya ng'witandatū ya efa ū mu homeli īmò ya būsīga.
14
Ū ngabo gwa maguta ūyo gūtūūlilwe ho gūkūgelekwa mu ngelekelo ya baat, gūlī īmò ya ng'wikūmi ya baat kūfuma mu būlī koli (ī koli ītikīlile na homeli īmò; būlī yene īlī na baat ikūmi).
15
Na ng'holo īmò īkūsolwa kūfuma mu būlī idaale lya ng'holo magana abīlī, ū mu ng'holo ja kū madīīmīlo ga maswa mafulumu ga mu sī ya Isilaeli. Ī shenīshi shikūbiza kūlwa kūfunya shitambò sha būsu, shitambò sha kūpemvwa, na shitambò sha būsangī; kūlwa kūbabeegeja isangī a banhū, alīhaya Seeba MULUNGU.
16
Pye a banhū ba sī bakūsangīla ū mu kūshifunya ī shakwinha shenīshi kūlwa shitūmamīlo sha nsugi wa sī ya Isilaeli.
17
Gūkūbiza nīmo gwa nsugi ū kūfunya shitambò sha kūpemvwa, nī shitambò sha būsu nī shitambò sha kūng'wiwa, ū mu makanza ga shigukulu, mu shikū ja Ng'weji Mpya, nū mu shikū ja sabato, ū mu shigukulu shose īsho shitūūlilwe ho kūlwa numba ya Isilaeli. Akūshifunya ī shitambò sha kweja shibi, nī sha būsu, nī sha kūpemvwa, nī shitambò sha būsangī kūlwa kwībeegeja isangī ī numba ya Isilaeli.
18
Ū Seeba MULUNGU alīhaya gīkī, Ū mu lūshikū lwa kwandya lwa ng'weji gwa kwandya ūkūsola nzagamba songi ītī na shilingo, ūlyeeje ī lipandī lyeela.
19
Ū ngabīji akūsola mininga gamò a ga shitambò sha kweja shibi, ūbilīja a ha mitī ya mu kabazu ī ya ha nyango gwa hekalu; na a ha mhembeelo ja h'ikīgījo lya higūlya a ha ng'walīlo, na a ha ng'hīngī ja ha mita go gwalugwa ya mu gatī.
20
Nū mu lūshikū lwa mpungatī lwa ng'weji ūkwīta gīko, kūlwa munhū ose ose ūyo wīta shibi mu kūhūbīla nūūlū mu būtūmana; hūna lūūlū ū mu gīko ūkwītūūlīla isangī ī hekalu.
21
Ū mu lūshikū lw'ikūmi n'inè lwa ng'weji gwa kwandya mukūbiza na Pasaka, shigukulu sha kūshinga ikanza lya shikū mpungatī. Ū ng'wikanza lyenīlo mukūlya migatī ītabeegije mu būtūsanjiwa shibimbya.
22
Ū mu lūshikū lwenūlo ū nsugi akūfunya nzagamba ya ng'ombe, kūlwa kweja shibi shakwe nī sha banhū ba sī yakwe.
23
Hama ū mu shikū mpungatī ī ja shigukulu, būlī lūshikū akūfunya nzagamba mpungatī na ng'ondi mpungatī jitī na shilingo, jibize shitambò sha kūpemvwa kūlwa ng'wa SEEBA, na ngulyati ya mbūli kūlwa shitambò sha kweja shibi.
24
Akūfunya na efa ya shitambò sha būsu kū būlī nzagamba ya ng'ombe, efa kū būlī ng'ondi ya ng'holo, hamò na hini īmò ya maguta kū būlī efa.
25
Nū mu shikū mpungatī ī ja shigukulu īsho shikandyaga ha lūshikū lw'ikūmi n'itanò ng'weji gwa mpungatī, akūfunya ī shitambò sha kweja shibi, nī shitambò sha kūpemvwa, nī shitambò sha būsu, na a masazu.
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48