bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 40
Ezekiel 40
Sukuma 2019
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
1
Mu ng'waka gwa makūmi abīlī n'ītanò kwīngīīla kūsaamiwa kwise, ng'waka gw'ikūmi n'īnè ū nzengo gūdimilwe, mu lūshikū lw'ikūmi lwa ng'weji, wandījo bo ng'waka gwenūyo, ū mu lūshikū lwenūlo ū nkono go ng'wa SEEBA gwalī hamò nane; ūnitwala ko ū kwenūko.
2
Ūnibūūcha nalī mu koolekegeje ka ng'wa Mulungu, ūnitwala kū sī ya Isilaeli; ūūkanitūūla ha lūgūlū lūlīhu no no no. Ī dakama yaalo jalīho numba ningī, jaali gītī nzengo.
3
Ūnitwala ū mu nzengo gwenūyo, nūsanga mo munhū w'ihanga lya kūlabangīla gītī shaba. Walī īmīīlile ha mita, ū mu nkono alī na lūgoye lwa kitaani na nang'ha nīhu gwa kūpimīla.
4
Hūna ū munhū ng'wenūyo ūniwīla, “Ng'wana wa munhū, lolaga na miso gako, ūdegeleke na matū gako, na a maganiko gako gadīlīīle gete pyī īyo nakūkoolekeja; nguno h'ī chene wenhagwa kūūnū. Hama ūkūbawīla a banhū ba numaba ya Isilaeli būlī mhayo ūyo ūlagūbone.”
5
Hūna nūbona ndugu īyīpīndīlīgije ī hekalu. Ū būlīhu bo nang'ha go kūpimīla ūyo walī nago ū munhū ng'wenūyo boolī miita idatū; wahayīpima ī ndugu yūbiza na būgīnu bo miita idatū, nū būgūngūhu ū kūja ū ng'wigūlya miita idatū.
6
Hanuma ūja kū mita gwalī gūlolelile kīya, jalīho ngaji ūlinha ho, ūbūpima ū būshikīlo bo ha mita, jalīho miita idatū ū kwingīla mu gatī.
7
Shalīho na chumba sha balang'hani, būlī shene shalī na miita idatū ū būgalī galī nū būlīhu; a ha gatī ya chumba na chumba jalīho ndugu ja kūkīngītīīla, būgīnu wajo miita ibīlī na nusu. Ū būshikīlo bo ha mita gwa h'ibīndo īlo lyalī lilolelile nī hekalu boolī miita idatū.
8
Nī libīndo lya ha mita ūlīpima;
9
lyalī na miita inè ū kwingīla ū mu gatī, ī ndugu jalyo jalī na būgīnu bo miita īmò īmò; ī libīndo lya ha mita lyenīlo lyalī lilolelile nī hekalu.
10
Ū mita gwa kīya gwalī na chumba shidatū ū lwandī ūlū nū lūngī; ī shose būdatū washo shalī na shipimo sha mbika īmò, nī ndugu ja kūkīngītīīla ījo jalīho būlī lwande jalī na shipimo sha mbika īmò.
11
Hūna ūbūpima nū būgalī galī bo ha wingīlīlo wa ha mita, jūbiza miita itanò; ū mita gwenekīlī gwalī na būgalī galī bo miita itandatū na nusu.
12
A ha būtongi bo chumba sha balang'hani būlī hene yalīho ndugu ya būgūngūhu bo nusu miita, lelo ī chumba ī shene shalī na shipimo sha miita idatū būlī lwande.
13
Hūna ūbūpima nū būgalī galī bo mita, kūfuma kwigūlya ya ndugu ya hanze ya chumba īshi, kūja kwigūlya ya ndugu ya hanze ū kū chumba īsho shalī shiilolelile nasho. Ū kūfuma a ha nyango gwa chumba īshi kūjūshika ū kū nyango gwa chumba īsho shalī shiilolelile nasho jalīho miita ikūmi n'ibīlī na nusu.
14
Ūjipima pyī ī ndugu ja kūgūkīngītīīla ū mita; ī shipimo shūkūbanīja nī lipandī īlo lyalī līshikile kwibīndo, jūbiza ho miita makūmi adatū.
15
Ū kwandīja ha wingīlīlo bo mita kūshisha kū būtongi ūko līgelelile ī libīndo, jalī miita makūmi abīlī n'itanò.
16
Ī chumba sha balang'hani nī ndugu ja ha mita shalī shokalile madilisha mado mado, nī libīndo lyalī na madilisha pye a hose ū mu gatī; hama ī ndugu jalyo ja kūkīngītīīla jalī joolilwe būlenji bo mitī ya nhende.
17
Hanuma ūnenha kwibīndo lya hanze, pyī ī lyose lyalī līpīndīlījiwe chumba, yalīho na nzīla ītindagīlilwe mawe. Chumba makūmi adatū shalī shihelilwe kwīsīngīja ī nzīla yenīyo.
18
Ī nzīla yenīlo yalī īshikile ūmo yalī īgelelile ī mibita, nū būgalī galī wayo walī būlenganīlile nū būlīhu wa mibita; ī yenīyo yalī nzīla ya kū ntulumenho.
19
Hūna ūbūpima nū bū kūle bo kwīnga ū mu gatī ya mita gwa kū ntulumenho kūja ī hanze y'ibīndo lya mu gatī; jilonga miita makūmi atanò ū lwande lwa kīya nū lwa sukuma.
20
Nū mita ūyo gwalī gūlolelile sukuma, ū gwa kūbīta wingīla kwibīndo lya hanze, ūgūpima ū būlīhu nū būgalī galī waago.
21
Gwalī na būlīhu wa miita makūmi abīlī n'itanò, ū būgalī galī miita ikūmi n'ibīlī na nusu. Na chumba sha balang'hani shalīho shidatū būlī lwande; ī chumba nī ndugu ja kūkīngītīīla nī libīndo, shalī na shipimo sha būlenganīle nī sha ha mita ū go kwandya.
22
Ī shipimo sha madilisha nī sh'ibīndo nī sha mitī ya nhende īyo yalī yoolilwe kūlwa būlenji, shalī shilenganīlile nī sha ha mita ūyo gūlolelile kīya. Jalīho ngaji mpungatī ja kūlinha kūja hoi, n'ibīndo lyago ū kū lwandī ū lūngī.
23
Ū mu gwalugwa ya mu gatī gwalīmo mita gūlolelile kū mita gwa sukuma, gīt'ūmo gwalī ū gwa kū lwande lwa kīya. Aho wapima kūfuma ū kū mita ū gūmò kūja ū kū gūngī, jigela miita makūmi atanò.
24
Hūna ūnitonga kūja kū lwande lwa dakama, nūkabona ko mita gūlolelile dakama, aho wajipima ī ndugu jago nī libīndo, nasho shūbiza na shipimo gītī ī sha mibita ī yīngī.
25
Ū mita nī libīndo shalī shokalile madilisha mado mado gīt'ūmò gaalī a ga mibita ī yīngī. Nago gwalī na būlīhu wa miita makūmi abīlī n'itanò, ū būgalī galī miita ikūmi n'ibīlī na nusu.
26
Jalīho ngaji mpungatī ja kūlinha kūja hoi, n'ibīndo lyago ū kū lwandī ū lūngī; ī libīndo lyalī na ndugu ja kūkīngītīīla būlī lwande, jalī joolilwe mitī ya nhende kūlwa būlenji.
27
Nī gwalugwa ya mu gatī yalī na mita gūlolelile dakama; aho wapima kūfuma a ha mita gwenūyū kūja ū kū mita gwa dakama, jilonga miita makūmi atanò.
28
Hūna ūnenha kū gwalugwa ya mu gatī kūbītīla ha mita gwa dakama, ūgūpima ū mita gwa dakama; gwalī na shipimo gītī ī sha mibita ī yīngī.
29
Ī chumba nī ndugu ja kūkīngītīīla nī libīndo, shalī na shipimo gītī ī sha kū mibita ī yīngī. Ū mita nī libīndo lyaho shalī shokalile madilisha mado mado. Gwalī na būlīhu wa miita makūmi abīlī n'itanò, ū būgalī galī miita ikūmi n'ibīlī na nusu.
30
(A mabīndo ga hanze a ga mibita ya h'ibīndo lya mu gatī gaalī na būlīhu bo miita ikūmi n'ibīlī na nusu, na būgalī galī bo miita ibīlī na nusu.)
31
Ī libīndo lyaho lyalī līlolelile kū gwalugwa ya hanze; ī ndugu jalyo jalī joolile būlenji bo mitī ya nhende, jalīho na ngaji inaane ja kūlinha kūja hoi.
32
Hūna ūnenha kū gwalugwa ya mu gatī kū lwande lwa kīya, ūgūpima ū mita; gwalī na shipimo gītī ī sha mibita ī yīngī.
33
Ī chumba nī ndugu ja kūkīngītīīla nī libīndo, shalī na shipimo gītī ī sha kū mibita ī yīngī. Ū mita nī libīndo lyaho shalī shokalile madilisha mado mado. Gwalī na būlīhu wa miita makūmi abīlī n'itanò, ū būgalī galī miita ikūmi n'ibīlī na nusu.
34
Ī libīndo lyaho lyalī līlolelile kū gwalugwa ya hanze; ī ndugu jalyo jalī joolile būlenji bo mitī ya nhende, jalīho na ngaji inaane ja kūlinha kūja hoi.
35
Hūna ūnenha kū mita gwa sukuma, ūgūpima; gwalī na shipimo gītī ī sha mibita ī yīngī,
36
nī shipimo sha chumba sha balang'hani shaho shalī gīko, nī sha ndugu ja kūkīngītīīla, nī sh'ibīndo pyī nī sha madilisha. Ū mita gwalī na būlīhu bo miita makūmi abīlī n'itanò, ū būgalī galī miita ikūmi n'ibīlī na nusu; ī ndugu jago jalī jokalile madilisha mado mado.
37
Ī libīndo lyaho lyalī līlolelile kū gwalugwa ya hanze; ī ndugu jalyo jalī joolile būlenji bo mitī ya nhende, jalīho na ngaji inaane ja kūlinha kūja hoi.
38
Amabibīndo ga ha mibita ya mugatī galī na chumba na milyango ya kūbītīla; h'aho shogejiagwa ī shitambò sha kūpemvwa.
39
Ū ng'wibīndo lya ha mita jalīho meeza ibīlī, ū lwandī ūlū nū lūūlū, aho shasīnzīlagwa ī shitambò sha kūpemvwa, shitambò sha kwīnja shibi nī shitambò sha kwihīga.
40
Ī hanze y'ibīndo lya ha mita, haho nī ngaji ja kūja kū mita gwa sukuma, jalīho meeza ibīlī nū kū lwandī ū lūngī ū lwa ngaji jalīho meeza ibīlī.
41
Hū kūhaya jalīho meeza inaane aho shasīnzīlagwa ī shitambò; meeza inè ū kū lwandī ū lūmò ū lwa mita, nū kū lwandī ū lūngī meeza inè.
42
Jalīho na meeza jingī inè kūlwa shitambò sha kūpemvwa, jalī ja mawe gagodangilwe gūūlenganījiwa. Būlī yene yalī na būlīhu bo sentimita makūmi mpungatī n'itanò, nū būgalī galī sentimita makūmi mpungatī n'itanò, ū būgūngūhu sentimita makūmi atanò. Nī shikolo sha kūsīnzīla shitambò sha kūpemvwa nī shitambò ī shingī na shingī shatūūlagwa henaho.
43
Na mitī mido mido ya mapagala ya būlīhu wa kūshika ha būgalī galī bo shiganza sha munhū, yalī īkomeelilwe a ha ndugu yūpīndīlījiwa pye a hose. Ī meeza jalī ja kūtūūla hoi ī nyama ja shitambò.
44
Ī hanze ya mita gwa mu gatī, ū mu gwalugwa ya mu gatī, shalīho chumba shibīlī, shimò bbihī na mita gwa sukuma ūyo gūlolilelile dakama, ī shingī bbihī na mita gwa dakama ūyo gūlolelile sukuma.
45
Ūniwīla, “Ī chumba īsho shilolelile dakama sha bagabīji a ba nīmo gwa kūlang'hana hekalu,
46
alīyo ī chumba īsho shilolelile sukuma ī shene sha bagabīji ba nīmo gwa kūlang'hana ng'walīlò. A benaba h'a bagabīji a balekwa Sadoki, abo bazunīlīgije boi dūhū ū kūng'wegeela ū SEEBA kūlwa kūtūmama kū būtongi bokwe.”
47
Hūna wīpima ī gwalugwa: Ū būlīhu nū būgalī galī shalī shilenganīlile, būlī kwene miita makūmi atanò; ū ng'walīlò gwalī kū būtongi bo hekalu.
48
Hūna ūnenha ū ng'wibīndo lya hekalu, ūjipima ī ndugu jalyo; jalī miita ibīlī na nusu ū lwandī ūlū nū lwandī ū lūngī. Ū būgalī galī bo ha nyango boolī miita mpungatī. Ī ndugu ja kūkīngītīīla ū lwandī ūlū nū lwandī ūlū jalī miita īmò na nusu.
49
Ū būlīhu w'ibīndo walī miita ikūmi, ū kūfuma a ha wandījo kūja ū kū numa jalī miita itandatū, jalīho ngaji ja kūlinha kūja hoi, nī ndugu j'ibīndo jalī jikīngilwe ng'hīngī būlī lwandī.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48