bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 36
Ezekiel 36
Sukuma 2019
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
1
Alilūūlū ng'wana wa munhū, jihangīlage ī ngūlū ja Isilaeli ūjiwīle, “Bing'we ngūlū ja Isilaeli, gwigwagi ū mhayo go ng'wa SEEBA.
2
Ū Seeba MULUNGU alīhaya gīkī, ‘Ū ng'wanishi wamuhayaga a bing'we, būlī ng'wabona! Ī sī ja magūlya ga kale jabizile jise.’”
3
Alilūūlū hangaga ūhaye, “Ū Seeba MULUNGU alīhaya gīkī, Īkī balūmudumīlaga hose hose nose bamukenaagūlile kūshisha ī haha mulī sabo ya mahanga gangī, na mukwikalaga ng'ūhayiwa kībi na kūsīīgwa mu banhū,
4
na lūūlū a bing'we ngūlū ja Isilaeli gūdegelekagi ū mhayo go ng'wa Seeba MULUNGU. Ū Seeba MULUNGU alīgūhaya ū mhayo gwenūyū kū ngūlū ī nhaale nī ndo, nū kū myongo nī mbūga, nū kū mafuluka ayo galī buyīkī, nī mizengo īyo yalekwa dalali, īyo īkūsekagwa na mahanga gose ayo gamupīndije.
5
Hūna lūūlū ū Seeba MULUNGU alīhaya gīkī, Naayombile mu būkalī nguno ya wilu bone, naagawīlile pye a mahanga nī Edomu ī yose; nguno aho balīyīta ī sī yane kūbiza yabo gīkī bagadiime a madīīmīlo gayo, baalī na būyegi no kūlwa būbi bo mu ng'holò jabo.”
6
Alilūūlū ī sī ya Isilaeli īhangīlage; ūjiwīle ī ngūlū īnhaale nī ndo, nī myongo pyī nī mbūga. Hayaga, “Ū Seeba MULUNGU alīhaya gīkī, Naayombile mu būpelanu kūlwa wilu bone nguno ī libengwe lya mahanga lyamuluhije no.
7
Hūna lūūlū ū Seeba MULUNGU alīhaya: Nalīlahīla na nkono gūnunjiwe ng'wigūlya, gīkī a mahanga ayo gamupīndije, a goi hū gakūbiza ga kwibengelejiwa no.”
8
Alīyo a bing'we ngūlū ja Isilaeli, mukūfulumya matambī na kūtwaja matwajo kūlwa Baisilaeli banhū bane, nguno batūdīīla kūshoka ī kaya.
9
Ū nene nalī na maganiko ga kūng'wītīla yawiza; mukūlīng'wa na shikolo shihamve ū mu bing'we.
10
Nakūng'wīta mukwīlīlwe banhū, pye ba numba ya Isilaeli, pyī ī yose gete; ī mizengo īkūpandīka bikaji, nī misaka īkūzengwa būpya.
11
Nakūng'ongegeja a banhū nī mitugo, hangī bakūbiza bibyaji no bakwīle. Nakwenha banhū ba kwikala ū mu bing'we gīt'ūmo ng'walī ī kwandya, hūna nakūng'wīta ng'wīlūkīlwe kūtinda ūmò ng'walī ī kale. Hūna lūūlū mukūdeeba gīkī ū nene nalī SEEBA.
12
Nakūbīīta banhū bashimīze hangī ū mu bing'we: Alichene, a banhū bane a Baisilaeli; a bing'we mukūbiza sabo yabo, wingīji wabo gete; mutalabenheleja hangī kūchīlwa baana babo.
13
Ū Seeba MULUNGU alīhaya gīkī, Īkī a banhū bakamuhayaga, “Mukalyaga banhū na kūlīkenaagūja ī lihanga a baana balyo,
14
Ī haha lūūlū mutūlya banhū hangī, nūūlū ī lihanga ling'we mutūlyenheleja kūgaya baana; alīhaya Seeba MULUNGU.
15
Natūmulekanīja ng'wikale mukwigwaga mahanga gakūmusondagūlaga, nūūlū mutikala ng'wiyūmīlījaga mukwineenelegejiagwa na mahanga, na mutalalyenheleja hangī ī lihanga ling'we kūgwa; alīhaya Seeba MULUNGU.”
16
Ū mhayo go ng'wa SEEBA gūnizīīla hangī gūlīhaya:
17
Ng'wana wa munhū, a Baisilaeli aho bikalaga ū mu sī yabo, baalī bīsosohaja no kūlwa kashimīzīle kabo na shītīle shabo; ī nhūngwa jabo ū kūlī nene jalī gītī būsoso bo nkīma alī mu shikū jakwe ja ng'weji.
18
Hūna lūūlū nakabitīīla būpelanu bone kūlwa nguno ya mininga ga banhū ayo baalī bagiita ū mu sī yabo, na kūlwa kwīsosohaja mu nzīla ya shiikolile shabo sha kūlamiwa.
19
Nakababbalaasanya būja kū mahanga, būsalang'hanīla mu masī; nakabalamula kūlenganīla na nhūngwa jabo, ūmò shaalī ī shītīle shabo.
20
Nīyo būlī kwene ū mu mahanga ayo bajaga balīlīsosohajaga ī lina lyane lyeela, nguno a banhū babahayaga gīkī, “A benaba banhū ba ng'wa SEEBA, alīyo īkabiza gīkī bīnge ū mu sī yakwe.”
21
Ī lina lyane lyeela naalī naalīsaatwa no, īlo banhū ba numba ya Isilaeli baalīsosohajaga kū mahanga ayo bajaga.
22
Alilūūlū bawīlage a banhū ba numba ya Isilaeli, “Ū Seeba MULUNGU alīhaya gīkī, Ī mihayo yenīyī nakwīyīta ītī kūlwa nguno ying'we ba numba ya Isilaeli, alīyo kūlwa nguno ya lina lyane lyeela; īlo ng'walīsosohaja kū mahanga ūko ng'waja.
23
Nakoolecha ūmo būlī ū wela bo lina lyane, lina'itaale īlo lyasosohajiwa mu mahanga; īlo ng'walīsosohaja bing'we ū kūbo. Ū Seeba MULUNGU alīhaya: Ūlū niyoolecha ū kū būtongi wa mahanga gīkī nalī ng'wela ū mu bing'we, bakūdeeba gīkī ū nene nalī SEEBA.”
24
Nguno nakūng'wīnja ū mu mahanga pye a gose namubilinge kūfuma hose hose ū mu masī, namushoshe mu sī ying'we benekīlī.
25
Nakūmuseeseebela minzī meela, ning'we mukwela; nakūng'weja pyī ū būsoso wing'we, nī shiikolile shing'we sha kūlamiwa nashīnje pyī ī shose.
26
Nakūng'winha ng'holò mhya, nūmutūūlīla na moyo mpya ū mu bing'we. Nakūng'wīngīja ī ng'holò ying'we ī ndaamu gīt'iwe, nang'winhe ng'holò ya nofu.
27
Hanuma nakūmutūūlīla Moyo wane ū mu bing'we, nang'winhe ng'hūmbū ja kūgalondeela a malange gane, na kūshimīzīla mu shilagīlo shane mu kwilang'hana.
28
Hūna mukwikala hangī ū mu sī īyo naalī naabinha bakūlūgenji bing'we; mukūbiza banhū bane, nū nene nakūbiza Mulungu wing'we.
29
Nakūmupīja ng'wīnge ū mu būsoso wing'we pyī ū bose. Nakūshiitana ī shilīwa shimukwīlīle, hama natalang'wenhela nzala hangī.
30
Ī shisuumo sha mu mitī nakūmukwīgīja, nī shilīwa sha kūlīng'wa mu malaale, nose mutikala mukūkoyiagwa ibengwe kū būtongi bo mahanga kūlwa nguno ya nzala.
31
Hūna ūlū ng'ūjiizūkwa ī nzīla jing'we jabūbi nī shītwa shing'we sha malofu mukwibbyeeda no, kūlwa nguno ya shibi shing'we na shītīle shing'we sh'ipelanya.
32
Natogilwe mumane gīkī ū gwenūyū natūgwītaga kūlwa nguno ying'we; alīhaya Seeba MULUNGU. Bing'we numba ya Isilaeli chaagi soni mugooke kūlwa nhūngwa jing'we!
33
Ū Seeba MULUNGU alīhaya gīkī, Ū mu lūshikū lwa kūng'weja ī shibi shing'we pyī ī shose, ī mizengo ying'we nakwīshokeja banhū hangī, nī misaka ying'we īkūzengwa būpya.
34
Ī sī īyo īl'itogolo idūhū lītī na shose shose īkūlīng'wa, lītizikala itogolo idūhū ū kū banhū abo bakūbītīlaga moi.
35
Bakwandya kwiwīla, “Ī sī yenīyī lyal'itogolo idūhū lītī na shose shose, ī haha yagaalūkile, yabizile gītī ngūnda gwa Edeni; nī mizengo īyo yalī misaka ītī na shose shose hangī makambagūkīle gike, ī haha yabeejiwe chiza, īlī na bikaji hangī īpīndīlīgije ndugu.”
36
Hūna a banhū abo basaagīīlile a ba mahanga ayo gamupīndije bakūdeeba gīkī ū nene SEEBA nīzengile būpya īyo yaalī yabipiwa, nī litogolo īlo lyaal'idūhū naalīhambile mo hangī. Nene SEEBA nalīhaya, na nakwīta.
37
Ū Seeba MULUNGU alīhaya gīkī, Nakūzunya hangī ī numba ya Isilaeli īnilombe, nane nakwīyītīla ū mhayo ūyū, a banhū babo nakūbīīta bakwīle gītī idaale lya ng'holo.
38
Bakūbiza gītī madaale ga ng'holo ja shitambò mu Yelusalemu mu makanza ga shigukulu īsho shihelilwe. H'ūmo īkūbizīla ī mizengo īyo yaalī īkenaagūkile, īkookala mabità ga banhū. Hūna bakūdeeba gīkī ū nene nalī Seeba.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48