bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 27
Ezekiel 27
Sukuma 2019
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
1
Ū mhayo go ng'wa SEEBA gūnizīīla gūlīhaya:
2
Ng'wana wa munhū, tūlaga ng'hūngū kūlwa Tulo.
3
Gūwīlage ū nzengo gwa Tulo ūyo gūlī mu nzīla ya kūja kū nyanza, ū gwa byashala kū banhū ba mu sī ningī ja kū mbalama ya nyanza, Ū Seeba MULUNGU alīhaya: Ū bebe Tulo ūkwikumīlījaga gīkī, “Nalī nsoga no natī na shilingo.
4
Ū wikalo wako būlī ha gatī ya nyanza, a bazengi bako baabūshikanya ū būsoga wako.
5
Pyī ī migamba yako ībeegije kūfuma mu mizule ya Senili; bakasola nkoola kwīngīīla Lebanoni būbeeja nongooti gwitanga lyako.
6
Ī ngahi jako bakajibeeja ja mitūndū ya kūfuma Bashani; ī shidako shako būshibeeja sha mbawa ja mibanga ya kwīngīīla kū mbalama ya nyanza ya Kupulo, hūna būtūūla mo na būlenji bo mapembe ga mhūlī.
7
Ī litanga lyako lyalī lībeegije lya kitaani īdosilwe chiza, ya kūfuma Misili; nīyo hangī lyatūmamaga gītī lūbembeela. A mapazia gako gaalī ga būlūba wa būlulu na wa nzulunge, ga kūfuma sī ya Elisha kū mbalama ya nyanza.
8
A babugi ba ngahi jako baalī bana Sidoni na Alivadi; Ee Tulo, a batongeeji bajo baalī ba kūfuma mu banhū bako ba masala.
9
Banamhala ba kūfuma Gebali baalī bamò ba bakoolī, bajibeejaga ī meeli jako ūlū jabiipa. Pyī ī meeli ja mu nyanza jizaga na a batūmami baajo, jizaga kū byashala ya kūkaaba ī shikolo shako.”
10
Ū ng'wibità lya bashilikale bako baalīmo na ba kūfuma Būajemi, Luda na Libya. Ī mūda jabo na a mahima ga chūma babīkaga mu ng'hambī ja bashilikale bako. A benabo h'abo bakwenhelaga ikūjo.
11
Bashilikale ba Alivadi na Heleki baalī balang'hani ba ndugu jako pye a hose, ū mu ng'hambī jako ja bashilikale baalīmo bagosha ba kūfuma Gamadi, banungelejaga ī mūda jabo ha ndugu jako; ū būsoga wako h'abo bawīta būbeele jigi būmale shilingo.
12
Ī Talishishi yītaga byashala nang'ho kūlwa nguno ya būsabi būtaale wa shikolo īsho walī nasho; ū mu kwisūlūgīja nang'ho yakaabaga shikolo gītī feza, chūma, mabbaadi, na lisaasī.
13
Bayunani na bana Tubali, na Mesheki nabo bīītaga nang'ho ī byashala; baakaabaga ī sabo jako, ū bebe wasola basese na shikolo sha shaba.
14
A bana Bet-togama a bene wakaabaga nabo ī sabo jako, ū bebe wasola falasa ja milīmo na ja būlūgū, na nzobe nhaale.
15
Bana Dedani nabo wītaga byashala nabo, na banhū bingī ba sī ja mbalama ya nyanza baalī bigūlīji bako; ū bebe baakwinhaga mapembe ga mhūlī na mitī ya gembe.
16
Nī Alaamu wisūlūgījaga nayo kūlwa nguno ū bebe walī na shikolo shingī; wakaabaga nabo ī shikolo shako baakūlekela takwiyo, būlūba wa langi ya nzulunge, myenda īsumilwe chiza, kitaani yawiza, na mawe ga mpango ga mu nyanza.
17
Nī Yuda nī Isilaeli najo jītaga nang'ho ī byashala; ng'wikaabīlaga jasola shikolo ū kūlī bebe; nang'ho wapandīka ngano, zeituni, mitini, būūkī, maguta, na maguta ga būgota.
18
Nī Damasiko yītaga nang'ho byashala kūlwa wingī wa shikolo shako. Ī yoi yalī na shikolo gītī divai ya Helimoni, na booya bo ng'holo kūfuma Zahali.
19
Badani na Bayunani ba kūfuma Uzali benhaga divai kūkaabanya chūma shisulilwe, kasia na ndago.
20
Ī Dedani nayo yītaga nang'ho ī byashala, bakwenhelaga myenda midito ya kwambīkīja ha ndamhī.
21
Ī sī ya Balabu na a basugi ba Kedaali pye a bose walī ūbayegelile no kūlwa nguno bakūjingījaga baana ba ng'holo na ng'ondi na mbūli.
22
Basūlūja ba kūfuma Sheba na Lama baasūlūjaga nang'ho ī shikolo shako, bakwinha shisanjo sha mu shilīwa shisoga sha būlī mbika, na mawe ga mpango, na zahabu.
23
Bana Halani, Kane, Edeni; na basūlūja ba Sheba na Ashuli na Kilimadi bīītaga byashala nang'ho.
24
A benaba bizaga ū kū magūlilū gako kwīta nang'ho byashala ya shizwalo shawiza, myenda ya būlulu, shitambaala shisumilwe chiza, na masulia masoga ga langi soga ccsoga, na ngoye jidosilwe chiza jūlūngwa magundo mu būleji būsoga.
25
Ī meeli ja Talishshi hū jalūbūūchaga Ī shikolo shako sha byashala, walī okalile, hangī walī na ntili ū mu gatī ya būjiba bo nyanza.
26
A babugi ba ngahi bako baakūkolobegije kūle kū būjiba. Lūyaga lwa kīya lūkūkūpaanagūla paza paza ū mu būjiba bo nyanza.
27
Ū būsabi wako, nī byashala yako, na a banhū ba mu nyanza nī shikolo shako; a batūmami ba mu meeli jako, na a babugi bako ba ngahi, na a babeeja ba meeli ūlū jabipa; a basūlūja ū mu byashala jako, na a bashilikale bako; na a bangī pye abo balī ū mu meeli bakūnwela mu nyanza ū mu lūshikū lwene yatubīlaga.
28
A bikaji ba mu sī ja kū mbalama ya nyanza bakūdetema no ūlū būbigwa baalīla a batūmami ba mu meeli jako.
29
Pye a badiimi ba ngahi bakūjileka ī meeli, a banhū ba mu nyanza na a batūmami ba mu meeli bakwikīga kū ng'walo,
30
bakūlīle ng'hūngū n'ilaka lya higūlya mu kūkūsaatwa no no no; bakwiyisīīla lūbuubu kū mitwe, kūnū bakūgalagalaga mu mabu.
31
Bakwihalūla mapala kūlwa nguno yako, bazwale na magūnīla bakūkūlīlaga ng'hūngū mu kūsaatwa kūtaale kwa mu ng'holò.
32
Bakūtūla ng'hūngū kūlwa kūkūlīla, kūnū bakūhayaga, Nani ūyo wabīta kūhuumūjiwa sele sele gītī Tulo ūyo apīndiwe minzī kose kose?
33
Ī byashala jako jalūsambaalaga ū mu nyanza, mahanga mingī gapandīka sha kūgiigelwa; kūlwa wingī wa sabo jako na shikolo shako, walūbasabyaga batemi ba mu sī.
34
Al'īhaha angū wakenaagūkīla mu nyanza, mu būjiba bo minzī; ī shikolo shako na a banhū bako baanwela hamò nang'ho.
35
Pye a bikaji ba mu sī ja mbalama na nyanza wabajinjimajaga ū bebe; a batemi babo bakūtinginaga kūlwa ng'hahū, ū būshū wabo wabipaga no kūlwa boobà.
36
A basūlūja ba mu mahanga bakwishoolagūlaga kūlwa nguno yako; nguno wakalīla habi no, nīyo ūtūbiza ho hangī.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48