bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Ezekiel 18
Ezekiel 18
Sukuma 2019
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
1
Ū mhayo go ng'wa SEEBA gūnizīīla:
2
Mulī na makūlū kī ū kwikala mukūlūtūmamīlaga ū lūsumo ūlū ū mu sī ya Isilaeli, A babyaji baalya mizabibu ītapiile, a mino ga baana gīta wigilya?
3
Ūmo nene nalī mpanga; alīhaya Seeba MULUNGU, mutikala mukūlūtūmamīlaga ū lūsumo lwenūlū ū mu sī ya Isilaeli.
4
Managi gīkī būlī munhū alī wane, ū myaji nū ng'witūnja; a bose batikīlile, balī bane. Ū munhū wa kwīta shibi h'ūyo akūcha.
5
Ī gīsī ū munhū ūlū ntūngīlīja hangī akīītaga ītūngīlīgije na ya wīīmà,
6
atajaga kū ngūlū wakalya sha mu maduku ga kwitongelegeja, nūūlū atī nsanya wa shiikolile īsho ba numba ya Isilaeli bakashilamyaga, na atī nsosohaja wa bake ba bazenganwa biye, nūūlū atalaalaga na nkīma alī ng'wikanza lya mininga gakwe.
7
Atiboneelaga munhū ose ose, alīyo akashoshaga īsho akasolaga gītī ng'handīko kūlw'igasa. Atī ng'wibi, alīyo akabalishaga abo balī nzala, na kūbazwīka abo balī na makoye ga būzuuka.
8
Ūyo atahūngaga banhū nūūlū atapandīkaga solobo mu nzīla ya makoye ga bangī; ūyo akilang'hanaga atizīta yabūbi, hangī akabalamulaga mu būtūngīlīja a banhū;
9
nondeeji wa malange gane, nī shilagīlo shane ashidimile mu kūsanyiwa. Ū munhū ng'wenūyo ntūngīlīja, akūpīla; alīhaya Seeba MULUNGU.
10
Ūlū ūbyala ng'wana ng'wiboneeji, mūlagi wa banhū, nūūlū akīītaga īmò n'īmò ū mu yenīyī,
11
(nūūlū īkī ū ise atītile nūūlū gūmò gwa yenīyī): Akajaga kū ngūlū wakalya sha mu maduku ga kwitongelegeja, na nsosohaja wa bake ba bazenganwa biye.
12
Ūlū ng'wiboneeji wa bahabī na bagayiwa, munhū ng'wibi, na atashoshaga īsho akasolaga gītī ng'handīko kūlw'igasa; namya wa shiikolile sha kūlamiwa, na ng'wīti wa mihayo y'ipelanya.
13
Ūlū akapandīkaga solobo mu nzīla ya banhū abo balī mu makoye. Ū munhū ūyo alī gīko akūpīla? Na hado yaya! Akūbūlagwa kūlwa nguno wīta pyī ī mihayo y'ipelanya yenīyī, ū lūfu lwenūlo akūbalīlwa wei ng'wenekīlī.
14
Alīyo ū munhū ng'wenūyo ūlū nang'hwe ūbyala ng'wana ūyūbūbona ū būbi ū bose ūbo ise akūwītaga, alīyo nūūlū īkī akūbūbonaga ūleka ū kwīta nūūlū gūmò gwaho.
15
Ūūleka kūja ū kū ngūlū kūjūlya sha mu maduku ga kwitongelegeja, nūūlū kūsanya shiikolile sha kūlamiwa sha banhū ba numba ya Isilaeli, yaya nūūlū kūnsosohaja nke wa nzenganwa ng'wiye,
16
yaya nūūlū kūng'wiboneela munhū ose ose, nūūlū kūgonga ng'handīko h'azunye kūfunya igasa, ūlū ūleka kūbiza ng'wibi, alīyo ūyūbinha shilīwa abo balī nzala, na a bazuuka ūyūbinha shizwalo,
17
wilang'hana gete atizīta shibi, nūūlū atizūūpandīka solobo kūfuma mu makoye ga banhū bangī, ūshidima ī shilagīlo shane, na a malange gane ūyūgalondeela; ū ng'wenūyo atūcha kūlwa shibi sha ng'wa ise, akūpīla gete atūyagaala yaya.
18
Alīyo ū ise akūcha kūlwa shibi shakwe; nguno watūmamīlaga nzīla ja wiboneeji ū mu kwipandīkīla ī sabo jakwe; wabanyeekejaga a banhū; wabīītīlaga yabūbi a banhū bang'wawe.
19
Alīyo mukūbūūjaga, “Nibūlī ū ng'wana atizūsangīla ū mu būbi bo ng'wa ise?” Kūlwa nguno ū ng'wana alīīta ītūngīlīgije na ya wīīmà, na kūlwa kūgadima a malange gane mu kwilang'hana; na ng'hana shigelile apīle ū ng'wenūyo.
20
Ū munhū wa kwīta shibi h'ūyo akūcha; ū ng'wana atūsangīla ū mu būbi bo ng'wa ise, nūūlū ū myaji atūsangīla ū mu būbi bo ng'wana. Ū ntūngīlīja akūbalīlwa būtūngīlīja bokwe, nū wabūbi nang'hwe akūbalīlwa būbi bokwe.
21
Alīyo ū munhū wabūbi ūlū ūgalūka ūshileka ī shibi shakwe ī shose īsho washīta, ūdimana na katongeelele kane a kose hūna wīta ītūngīlīgije na ya wīīmà, akūpīla ng'hana gete, atūyagaala yaya.
22
Ū būhūbi pyī ūbo wawīta atūbalīlwa nūūlū hado. Akūbiza mpanga kūlwa shītīle sha būtūngīlīja īsho akwītaga.
23
Ū nene nakayejiagwa na kūcha kwa munhū wabūbi? Alīhaya Seeba MULUNGU. Ītī gīkī nakayegaga ūlū wagalūka kwīnga mu nzīla jakwe apīle?
24
Alīyo ū munhū ntūngīlīja ūlū ūgalūka kwīnga ū mu būtūngīlīja bokwe wandya kwīta shibi, ūyīta y'ipelanya īyo īkīītagwa na banhū babūbi; angū, akūpīla? Ū mu shītīle shakwe sha būtūngīlīja shitizūkīlwa mo nūūlū shimò. Akūchīla mu būbi kūlwa būtūsanyiwa bokwe, na kūlwa shibi īsho akūshītaga.
25
Alīyo mukūhayaga, “Ī nzīla ya ng'wa SEEBA ītatūngīlīgije.” Igwaga lūūlū bebe numba ya Isilaeli, Ī nzīla yane ītatūngīlīgije? Ītī nzīla jing'we ījo jitatūngīlīgije?
26
Ū munhū ntūngīlīja ūlū ūgalūka kwīnga ū mu būtūngīlīja bokwe wandya kwīta shibi, akūchīla musho; akūcha kūlwa nguno ya shibi īsho alashīte.
27
Alīyo ū munhū wabūbi ūlū ūgalūka ūbūleka ū būbi bokwe ūbo wawīta, hūna wīta ītūngīlīgije na ya wīmà, akūbūpīja ū būpanga bokwe.
28
Nguno ya kūwiganika pyī ū būhūbi bokwe ūbo owīta, hūna ūgalūka ūlekana nabo; ū ng'wenūyo akūbūpīja ū būpanga bokwe, atūyagaala yaya.
29
Alīyo ī numba ya Isilaeli īkūhaya, “Ī nzīla ya ng'wa SEEBA ītatūngīlīgije.” Bing'we numba ya Isilaeli, ī nzīla jane jitatūngīlīgije? Ītī nzīla jing'we ījo jitatūngīlīgije?
30
Alilūūlū numba ya Isilaeli, nakūmulamula; būlī ng'wene kūlenganīla na nzīla jakwe; alīhaya Seeba MULUNGU. Galūkagi mulekane nabo pyī ū būhūbi wing'we, hūna ī shibi shitūbiza ishikī lya kūmugwisha.
31
Lekanagi nabo pyī ū būhūbi ūbo ng'wawīta, ng'wanukūle ng'holò mhya na moyo mpya. Nibūlī muyagaale, Bing'we numba ya Isilaeli?
32
Nguno ū nene natayejiagwa na kūcha kwa munhū ose ose, alīhaya Seeba MULUNGU. Galūkagi mupīle!
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48