bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 1
Proverbs 1
Sukuma 2019
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Sumo ja ng'wa Solomoni, ng'witūnja o ng'wa Daūdi, ntemi wa Isilaeli,
2
kūlwa kūlanga masala na wilang'hani; kūlwa kūmana mihayo mitengeke.
3
Ū munhū abize na nhūngwa ja kwilang'hana, na apandīke masala ū mu būpanga bokwe, kūlwa kwīta ya būtūngīlīja, na mu kalamulīle kagoloolile, hangī kabeelelile kū banhū.
4
Kūlwa kūbinha masala abo batūgije, na a baalūki kūbinha būmani na witegeleja;
5
a bakalaganu bigwe na bongeleleje a ha būmani wabo, a ba masala bapandīke ya kūbatonga;
6
badūle kūjiitegeleja sumo na mihayo ya shigemelo, na mbisīla na kaalaagū ja banhū ba msala.
7
Ū logohano kūlī SEEBA wene wandījo bo witegeleja; alīyo a bachilū bagadalahile a masala nū būhūgūlwa.
8
Ng'wanone, igwaga a katongeelele ka ng'wa so, na a kalangīle ka ng'wa noko ūtizūlekana nako.
9
Nguno ī mihayo yenīyo īkūbiza ngikili y'ikūjo kū ntwe gwako, na ngufu gwa būlenji mu nhingo yako.
10
Ng'wanone, a banhū ba shibi ūlū būkūkonga konga, ūtizūbazunīlīja.
11
Ūlū būkūwīla, “Nzūgū ūdimane nise tūkankūngīle munhū tūmūlage; tūng'wibandīīle ūyo atī na būbi.
12
Tūyūbamila bataalī bapanga, gītī kūmilwa shigila; nīyo bagima gīt'ūmo bakaīlaga abo bakahombokelaga ng'wichongo.
13
Tūkūkwīja shikolo sha būlī mbika, ī numba jise jookale shikolo sha kūbataaja bing'wana.
14
Ū bebe dimanaga nise dūhū, tūkūbiza isangī līmò.”
15
Bebe ng'wanone, yaya ū bebe ū kūdimana nabo; nūūlū ūtizūhūbīla kūtūūla lūpambala lwako mu nzīla jabo.
16
Nguno ī mhambala jabo jikihuutīīlaga yabūbi, bakikalaga bakangīlīgije kūja kwita mininga.
17
Ū kwītegela ntego noni alīyo ū kūnū īlolile, gūlī mhayo gwa kūjimīīja makanza dūhū!
18
Lelo a benaba, bakikūngīlaga boyi benekīlī bibūlage; bakawibandīīlaga ū būpanga wabo boi benekīlī!
19
Ī yenīyo h'ī ng'halīlo ya bose abo batūngilwe sabo ja būnyecha; abo bakajipandīkaga jikabīngījaga ū būpanga wabo.
20
A Masala gakūhīlīkaga mu mapanda, nū mu nhūng'wanhīlo ja banhū gakūhamukaga;
21
nū mu mapanda ūmo banhū bakūyogaga gakūhīlīkaga, nū mu mibita ya mizengo gakūlomeelaga.
22
Gakūhayaga, “Bing'we ba lūtūgà, mukwikala mukūyegelaga mu nzīla jing'we ja lūtūgà kūshisha nanalī? A badalahi bakwikala būyegela mu būdalahi wabo kūshisha nanali, na a bachilū bakūbūkolwa ū witegeleja kūshisha nanalī?
23
Galūkīlagi kūūnū mudegeleke būhūgūji bone, nakūmupumunhīla īyo nalī nayo mu moyo gwane; nakūmumanīkīja ī mihayo yane.
24
Alīyo īkī nang'witanile ng'ūlema, na atilongile wa kūdīlīla aho namugoloolelaga nkono gwane,
25
Īkī mukūbūdalahījaga pyī ū būganikīji bone, nū būhūgūji bone mutatogilwe ū kūwanukūla,
26
nū nene nakūmuseka ū mu mayanga ging'we, nakūng'wineenelegeja ūlū ng'ūgwīlwa nhabaala;
27
Ī nhabaala ūlū yūmupandīka gītī kūtūlwa mbula ya nyaga, na a mayanga gūng'wikīīla gītī nyaga gwa nsoke; na kūzwangana hamò na makoye shūmupīndya.
28
A henaho hū bakūnitana alīyo natidīka; bakwipuuna kūnikooba alīyo batūnipandīka.
29
Nguno baalī babūkolilwe ū witegeleja, batasolile mhayo gwa kūng'ogoha SEEBA,
30
ū būganikīji bone batawanukūlile, nū būhūgūji bone būbūdalaha.
31
Hūna lūūlū, bakūlya matwajo ga nhūngwa jabo, bakwigūta īyo bakwīhelaga.
32
Nguno a batūgije bakūbūlajiwa kūtala kwabo; nū būtūdīlīla wa bachilū būkūbakenaagūla.
33
Alīyo ūyo ūnidegeleka nene, akwikala mu mhola na kwifuula, nū būbi būtūng'ogohya.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31