bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 23
Proverbs 23
Sukuma 2019
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Ūlū wigasha kūlya hamò na nsugi, kalalagwa ūshiitegeleje īsho shilī ha būtongi wako,
2
nīyo ūlū ūgemile na kanyalaku ho, ilemejage gete kūnū witūūlīlaga na lūshū h'imilīlo.
3
Yaya ū kūshimilīla mate ī shizeeze sha ha ng'wakwe, nguno ū mu shilīwa shenīsho gūtīmo gwa ng'hana.
4
Yaya ū kwiyeecha kūlwa būchooji bo sabo, zwaga masala ga kwilang'hana.
5
Ī sabo ī jene jilī ja kakanza dūhū, ūkūjiilabya jūjimīīla na kūjimīīla; jikazwaga manana jalala jijile kwilunde gītī noni.
6
Yaya kūlya shīlīwa sha ha ng'wa munhū ng'huhu, yaya nūūlū kūshimilīla mate Ī shizeeze sha ha ng'wakwe.
7
Nguno ū wei alī munhū wa kūyūbala īsho ūlīnjimīīgīja; akūmanūkūwīla, “Lyaga ūng'wa nū kūng'wa,” alīyo ū mu ng'holò yakwe alī kūle no nang'ho.
8
Ī shigehu īsho ūlashilye ūkūshilūka, ūbize wajimīīja dalali Ī mihayo yako ya kūlūmba.
9
Yaya ū kūyomba na munhū mbūūlī nguno akwīdalaha ī mihayo yako ya masala.
10
Yaya ū kūsaamya meng'ho ja lūbīmbī jaho na kale, yaya nūūlū kwingīlīīla malaale ga bapīna;
11
nguno ū Nkomoji wabo alī na būdūla būtaale, akwilwisha nang'ho abalwīlīle ū mu mihayo yabo.
12
Ī ng'holò yako īlogejage kū būlangwa na a matū gako kū mihayo ya būmani.
13
Ū ng'wana wako yaya kūleka kūng'hūgūla, atūcha nūūlū ūkantwenya inasu.
14
Ntwenyage inasu ūbūpīje ū būpanga bokwe ū mu kūcha.
15
Ng'wanone, ī ng'holò yako ūlū yūpandīka masala, nū nene īkūyega ī ng'holò yane;
16
ūlū gūyūlūngalūnga mihayo Ītūngīlīgije ū nomo gwako, ū būpanga wane būkūzalabana.
17
Ī ng'holò yako ūtizīzunīlīja kūbikūmvwa a banhū ba shibi, alīyo bizaga na būkalalwa kūkooba logohano lo SEEBA shikū jose.
18
Kūlīho kwisagīlwa ū kū shikū ja kū būjiiwa; nīyo ū kwisagīlwa kwako gūtūponyiwa na hado yaya.
19
Ng'wanone, igwaga, hangī ūbize na masala; nī ng'holò yako wīlang'hane yikale mu kashimīzīle kawiza.
20
Yaya ū kwisanja hamò na bakolwa walwa, nūūlū na balaku kū nyama.
21
Nguno a bakolwa walwa na a balaku bakahabīpaga, nī nyatindīzu īkazwīkaga banhū madaaso.
22
Ng'wigwage ū so, ūyo wakūbyala, nū noko yaya ū kūndalaha ūlū ūgigūlūha.
23
Ī ng'hana īgūlage alīyo ūtizījinja; pandīkaga masala na wilang'hani, hamò na witegeleja.
24
Ū ise o ng'wana ntūngīlīja alī na būyegi būtaale, ū wa kūbyala ng'wana wa masala akanyegelaga no.
25
Ū so nū noko ni bayegage, azalabane ū noko wa kūkūbyala.
26
Ng'wanone, ī ng'holò yako ni īnigalūkīlage nene, na a miso gako gakalalīle mu nzīla jane;
27
nguno ū malahya ng'wene ichongo ishimu, nū nkīma ng'wīmīlīzu abange lwinzī lūpine.
28
Nkūngīji wa bagosha gītī nyoli, hangī akenhelejaga bagosha bingī kwīnga mu kūzunya.
29
Ī gīsī munhū kī ūyo akalīlaga sagala sagala? Nū wa kwikala apīnīhalile nani? Ūyo akikalaga ūyoja banhū nani? Ū wa kwikala ūdaaya nang'hwe nani? Nani ūyo akikalaga na machūbagūkīle ga dalali? Nani ūyo akikalaga na miso gaaza?
30
Ī yenīyo mihayo ya banhū abo bakadīīlaga bakūng'waga walwa, abo bakasīngījaga baaja bakūbonjaga mabbakuli ga walwa wa būlī mbika.
31
Yaya ū kūbūkalalīla ū walwa ūlū būswīzilwe būlī ng'wibakuli būkūfunyaga ifulo, nūūlū būkabiza būkikaga chiza chiza ūlū ūlībūmila.
32
Nguno ū kū ng'halīlo yaho būkalumaga gītī nzoka, būlī na būsūngū gītī ng'hoboko.
33
A miso gako gakūbona migeni, nū mu ng'holò yako īkūyūfuma mo mihayo ya malofu.
34
Ūkūbiza gītī munhū alaalile mu shiseme shilī higūlya ya mahuuli ga nyanza yasalaga, nūūlū shitungilwe kwigūlya ya nongoodi gwa meeli.
35
Ūkūyūhaya, “Balūnītūlaga alīyo ndūhū ū kūniminya! Nūūlū banikunduga naalī natiyigwaga! Ī gete nakūmisha nanali naje nakabūkoobe hangī?”
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31