bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 3
Proverbs 3
Sukuma 2019
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
1
Ng'wanone yaya ū kūgīība a malange gane, alīyo ī shilagīlo shane ūshidime ū mu ng'holò yako.
2
Nguno shikūkongegeja myaka mingī ū mu būlamu wako, na shikūkwenhela mhola.
3
Ūtizūlekana nabo ū būtogwa nū būsanyiwa, shitūngage gītī ngufu mu nhingo yako, shandīkage a ha ng'holò yako.
4
Ū mu gīko ū kūpandīka wiza na kwīlūkīlwa kūfuma kūlī Mulungu na kū banhū.
5
Nsanyage SEEBA na ng'holò yako yose, yaya ū kūsendamīla masala gako ng'wenekīlī.
6
Ū mu kashimīzīle kako kose ntongejage we, nang'hwe akūjigoloola ī nzīla jako.
7
Lekaga ū kwibona bebe ng'wenekīlī gīkī ūlī na masala no, ng'ogohage SEEBA ūlekane nū būbi.
8
Ū gwenūyū gūkūkwenhela mhola ū mu mīlī gwako, na nguzu ū mu maguha gako.
9
Nkūjage ū SEEBA mu kūmfunīja sabo jako, na a matwajo ga kwandya ga magesa gako gose.
10
Hūna a mabīkīlo gako ga shilīwa gakookala gaseesekele, nī shisaabo shako shikookala divai mhya.
11
Ng'wanone, ūtizūbūdalaha ū būhūgūji bo ng'wa SEEBA, nū kūhama kwakwe yaya ū kūkūkolwa;
12
nguno ū SEEBA akabahūgūlaga abo abatogilwe, gīt'ūmo myaji akang'wītīlaga ng'wana ūyo antogilwe.
13
Alī na lubango ū wa kūpandīka masala; ū munhū wa kūkunga witegeleja.
14
Nguno ī solobo ya masala Īlī nhaale kūtinda hela; nīyo galī na wiza būtaale kūtinda bo zahabu.
15
A masala galī na mpango ntaale kūtinda lubi; ū mu shose īsho ūlashiikūmve, shitīho sha kūlenganīla nago.
16
Galī na būlamu būlīhu ū mu nkono gwa būlyo, ū gwa lūmoso gūlī na būsabi n'ikūjo.
17
Ī nzīla jago jilī nzīla ja kūyeja, nīyo pyī ī nzīla jago jilī ja mhola.
18
Galī ntī gwa būpanga ū kū bose abo bakūgadima; nīyo balī na lubango pye abo bakūgūmīīla kūlū kūlū.
19
Ū SEEBA wagūtūūla na masala ū nsingi gwa sī, nī ligūlū ūlyamba mu witegeleja gīt'ūmo līlī.
20
Būjiba wa minzī būkagabanhyiagwa kūlwa būmani bokwe, na a malūnde gakatoonàga lūme.
21
Ng'wanone, ū būlamuji bowiza nū witegeleja shilang'hanage, ī mihayo yenīyī ītizīnga ū kū būtongi wako;
22
Īkūbiza būpanga ū kūlī bebe, būlenji wa kūbeeleja nhingo yako.
23
Hūna ūkūshimīza ūlī mhola, nū lūpambala lwako lūtigumha.
24
Ūlū ūlaala ūtogoha shose shose, ūlū ūlaalile ūkūbiza na tūlo mfuuku.
25
Ūtūlyogoha ī lyogohya lya kwisanganīja, nūūlū būkenaagūji ūbo būkabagwīlaga bahūnga.
26
Nguno ū SEEBA akūkūtimbya ng'holò, hangī akūkūlang'hana ūtizūgwashiwa gūgūlū gwako.
27
Ūlū mhayo gwawiza gūlī mu būdūla wako, ūtizūleka ū kūbīītīla abo bigeleelilwe.
28
Yaya kūng'wīla nzenganwa ng'wiyo gīkī, “Ūkwiza ikanza līngī; nakūkwinha ntondo,” alīyo ūlī nasho ī shikolo.
29
Yaya kūnsīīga yabūbi nzenganwa ng'wiyo ūyo akikalaga hihī nang'ho mu kūkūsanya.
30
Ūtizūyoga na munhū sagala, ūlū atakwītīlile yabūbi.
31
Yaya kūng'wikūmvwa munhū ūlū ng'wiboneeji, nī nzīla jakwe ūtizūjilondeela nūūlū hado;
32
nguno ū SEEBA abakolilwe a bahūnga, alīyo a batūngīlīja akabeegelejaga mu mahooya gakwe.
33
Ī numba ya nkenaagūji īlī ha sīlīlī y'izumo lya ng'wa SEEBA, alīyo ī kaya ya batūngīlīja akayīlūkīlaga mbango.
34
A banhū b'ibengwe abadalahile, alīyo alī na shigongo ū kū bidohya.
35
Ī likūjo hū wingīji kū ba masala, alīyo a babbūūlī akabatūūlaga mu magooke.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31