bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Proverbs 24
Proverbs 24
Sukuma 2019
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Lekaga kwīta wilu kūlwa nguno ya banhū babūbi, yaya ū kwikūmvwa kūdimana nabo.
2
Nguno ī ng'holò jabo jikahelaga ya wiboneeji, na a mahooya gabo gasugilwe mihayo ya kwenha mayanga.
3
Ī kaya īkabeejiagwa mu nzīla ya masala, hama īkaguzuhiagwa mu witegeleja.
4
Kūlwa būdeeba ī chumba shayo shikokajiagwa shikolo shawiza, na būsabi būtaale wa mbika ningī.
5
Ū munhū wa masala alī na būdūla būtaale, nīyo ū munhū ng'witegeleja akongejaga ū kūbiza na nguzu.
6
Ūlū ūlī ng'wikanza lya būlūgū pandīkaga banhū bakūtonge, ūlū ūtogilwe būtindi bizaga na baganikīji kaganda.
7
A masala galī kwigūlya kūle no nū mbūūlī, atī na gwa kūyomba a ha mita aho līkibilingīlaga ibanza.
8
Ūyo akahelaga mihayo yabūbi, a banhū bakūng'witana nkenaagūji.
9
Ū kūhela mihayo mu nyachilū shibi ī shenīsho, hama pye a banhū bankolilwe ū munhū w'ibengwe.
10
Ūlū ūlī ng'wikanza lya makoye hūna ūyūlelengeta numho ūlī na nguzu ngehu no.
11
Ūbaguna abo bakwīnjiagwa batwalwa kūjūbūlagwa, na a babo bakūlelengetaga bajile kwisīnzīlo ūbadima wabashosha.
12
Ūshikile kūhaya, “A bise twalī tūtagūmanile gete ū mhayo gwenūyū,” ūliganika ū Mpimi wa ng'holò ja banhū atūgūdeeba? Ūyo akalang'hanaga būpanga wako akūlemeelwa kūgūmana ū gwenūyū? Atūnīpa būlī munhū kūlenganīla na nhūmamīle yakwe?
13
Ng'wanone, ng'waaga būūkī nguno būnonu; ū būūkī bo mu malela būnonu no ū mu nomo.
14
Hūna lūūlū, managa gīkī a masala nago manonu ū mu būpanga wako; ūlū ūgapandīka īlīho misoga Īkūlindīīlile ūko būjiiwa, hama ū kwisagīlwa kwako gūtūponyiwa na hado yaya.
15
Yaya ū kūbiza munhū ng'hūnga wa kūja akwibanda bandaga kūkūngīla kaya ya ntūngīlīja, yaya ū kūnkenaagūja ū wikalo bokwe,
16
Nguno ū munhū ntūngīlīja nūūlū akagwa ng'hangala mpungatī, akabūūkaga hangī; alīyo a ba malofu ū būbi būkabasagalīkaga gete.
17
Ū ng'wanishi wako ūlū ūgwa yaya ū bebe ū kūdoosa, nūūlū akipama ūtizūyega ū mu ng'holò yako.
18
Nguno ū SEEBA akūbona akolwe abūgalūche ū būpelanu bokwe wīnge ū kūlī munhū ng'wenūyo.
19
Yaya ū kūfung'wa ng'holò kūlwa nguno ya banhū ba malofu, yaya nūūlū kūbīītīla wilu a banhū babūbi.
20
Nguno ū wa malofu atī na sha kwisagīlwa ūko būjiiwa, nīyo ī tala ya munhū wabūbi Īkūjimiwa.
21
Ng'wanone, ng'ogohage ū SEEBA, nū ntemi ūnkūje, yaya ū kwisangīja na banhū ba magalū galū.
22
Nguno a mayanga gabo gakūbikīīla mu kwifumbūkīja; nani ūyo amanile a babīlī benabo badūgije kwenha būkenaagūji kī?
23
Aka nako kahayīle ka banhū ba masala: Ū kūbiza nsolaanhya mu kalamulīle Ītī chiza.
24
Ū wa kūng'wila nkenaagūji gīkī, “Ūtī na būbi,” akadūkīlagwa na banhū, na a mahanga gakankolagwa.
25
Alīyo a bahami ba bakenaagūji Īkūbabeelela ī mihayo yabo, hama ningī jikūbizīīla.
26
Ū kūng'winha munhū ishosho lya ng'hana, īlī kūng'olekeja būtogwa, gītī kūmbipa kū nomo.
27
Ībeejage ī milīmo yako ya hanze, ūgagolanye chiza a malaale gako, hanuma ya henaho ūzenge Ī numba yako.
28
Yaya kūfunya būkaanīji kūlwa kūntūūla nzenganwa mu makoye na nguno ītīho, hama yaya kūgūtūmamīla ū nomo gwako kūlembekeja banhū.
29
Yaya nūūlū kūhaya gīkī, “Nakūng'wītīla gīt'ūmo wanīītīlile ū wei; nane nakūnīpa īyo wanīītīlile.”
30
Naabītile bbihī na ngūnda go munhū ng'winogolelwa hangī agehelilwe witegeleja; nūbīta nalīgwikilimbīja, gwalī ngūnda gwa mizabibu;
31
alīyo gwalī gwasakaalīla ming'hwa pye a hose, pyī ī sī yalī yakundīkījiwa yīnza; gwalī gūpīndīlījiwe ndūgu ya mawe, nayo yalī īkambagūkile.
32
Ū kūfuma ū mu yenīyo nakibūūja no ū mu ng'holò yane; aho nībona yūnilanga mhayo:
33
Bebe, laala laalaga ka kanza, shūūtūlaga ho kakanza, kunaga hado a makono wifuule.
34
Alīyo ū būhabī būkūkūsanga gītī kūsangwa na ng'wiboneeji, nū būkuneese gītī ng'wanishi alī na shilanga mu nkono.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31